Alfonbra gorria jarri dute
Gabonei begira jarri dira Irungo dendak. Herritarrek hirian erosketak egiteko eta aisia tarteak baliatzeko hainbat ekimen antolatu dituzte udalarekin elkarlanean, Zatoz Irunera, zinema Gabonak ospatzera leloarekin. Hala, 300 saltokik bat egin dute ekimenarekin, eta dekorazio komuna jartzeaz gain, sariak emango dizkiete bezeroei. Horri guztiari Gabonetako egitarau berezia erantsi behar zaio, udalak jarritako kaleko argiak tartean: “Hiria girotuko dute, era jasangarrian”. Atzo abiatu zuten Gabonetako kanpaina 300 denda horiek. Komertzioen atarian alfonbra gorriak jarri dituzte, Gabonetako pinua, eta binilozko gaiak. Herenegun egin zuten ekimenen aurkezpena, eta Jose Antonio Santano alkateak azaldu zuen tokiko ekonomiarentzat data esanguratsuak direla, “horregatik, komertzioa dinamizatu behar da, herritarrek bertan erosketak egin ditzaten”. Mugan elkarteko Jose Antonio Bermudezek esan zuen kalean giroa egotea garrantzitsua dela, eta horrek ekarriko duela hiritarrek bertan erosketak egitea. Hartara, Mugan elkarteko bazkideez gain, MercaIruneko, Uranzuko azokako, eta Mendibil merkataritza guneko dendek ere bat egin dute kanpainarekin. Dibulitoon-en azken lana Kanpainaren barruan zinemarekin eta aisiarekin harremana duten zozketak egingo dituzte dendetan. Batetik, Ficoban jarriko duten Gabonetako Haur Parkerako 500 sarrera banatuko dituzte: hilaren 22tik urtarrilaren 4ra zabalduko dute, 15:00etatik 20:00etara. Bestetik, Dibulitoon Studios ekoiztetxe irundarraren azken lana ikusteko 1.000 sarrera emango dituzte. El corazón del roble (Haritzaren bihotza) izena du marrazki bizidun lan [...]
Hiriko dendetako hainbat ordezkari Irungo Udaleko kideekin, ekimenak aurkezten
Gabonei begira jarri dira Irungo dendak. Herritarrek hirian erosketak egiteko eta aisia tarteak baliatzeko hainbat ekimen antolatu dituzte udalarekin elkarlanean, Zatoz Irunera, zinema Gabonak ospatzera leloarekin. Hala, 300 saltokik bat egin dute ekimenarekin, eta dekorazio komuna jartzeaz gain, sariak emango dizkiete bezeroei. Horri guztiari Gabonetako egitarau berezia erantsi behar zaio, udalak jarritako kaleko argiak tartean: “Hiria girotuko dute, era jasangarrian”.
Atzo abiatu zuten Gabonetako kanpaina 300 denda horiek. Komertzioen atarian alfonbra gorriak jarri dituzte, Gabonetako pinua, eta binilozko gaiak. Herenegun egin zuten ekimenen aurkezpena, eta Jose Antonio Santano alkateak azaldu zuen tokiko ekonomiarentzat data esanguratsuak direla, “horregatik, komertzioa dinamizatu behar da, herritarrek bertan erosketak egin ditzaten”.
Mugan elkarteko Jose Antonio Bermudezek esan zuen kalean giroa egotea garrantzitsua dela, eta horrek ekarriko duela hiritarrek bertan erosketak egitea. Hartara, Mugan elkarteko bazkideez gain, MercaIruneko, Uranzuko azokako, eta Mendibil merkataritza guneko dendek ere bat egin dute kanpainarekin.
Dibulitoon-en azken lana
Kanpainaren barruan zinemarekin eta aisiarekin harremana duten zozketak egingo dituzte dendetan. Batetik, Ficoban jarriko duten Gabonetako Haur Parkerako 500 sarrera banatuko dituzte: hilaren 22tik urtarrilaren 4ra zabalduko dute, 15:00etatik 20:00etara.
Bestetik, Dibulitoon Studios ekoiztetxe irundarraren azken lana ikusteko 1.000 sarrera emango dituzte. El corazón del roble (Haritzaren bihotza) izena du marrazki bizidun lan horrek, eta Goya sarietarako hautagaia da, zortzi arlotan.
Bestalde, Oiassok ere haurrentzat tailer bereziak antolatu ditu Gabonetarako.
Hortaz, herriko dendek eta bestelako eragileek urratsa egin dute. Orain herritarrek erantzutea falta da.
Gabonetako egitaraua hemen.
