
Ertzaintzak 15 urteko gaztetxo bat atxilotu du igande goizaldean gazte lokal batean larderiaz lapurtzea egotzita. Ertzaintzaren arabera, lapurreta egiteko garaian labana bat erabili zuen gazteei beldurra eragiteko, eta ustez euren gauzak ostu zizkien. ...

FUTBOLA Erregional Ohorezko Maila Ostadar-Hondarribia 1-3 SASKIBALOIA Emakumeen Liga Perfumerias Avenida-Hondarribia Irun 74-56 ESKUBALOIA Euskal Liga La Bacaladera Hondarribia-Corazonistas 24-25

Eglantins taldeak garaipena lortu zuen atzo Eysines herrian (Okzitania), Akitaniako Ohorezko Promozio Mailako 4. jardunaldiari zegokion partidan (0-2). Garrantzi handiko garaipena izan zen. Izan ere, aurten Hendaiako taldeak duen lehen helburua mailan mantentzea izanik, sailkapeneko azken taldeekiko tartea handitzea lortu du Eglantinsek. Hiru dira oraindik partidarik irabazi ez duten taldeak, horien artean Eysines. Hendaiakoek bederatzi puntu dituzte, bi partida irabazi eta bat galduta. Goiz da jakiteko bakoitzaren lekua zein den, lau jardunaldi besterik ez direlako eta multzoko talde erdiek partida bat gutxiago dutelako, haien artean Eglantins. Lons da multzoko liderra, 16 punturekin, jokatutako lau partidetan garaile izan eta gero. Coqs Rouges taldeak ere partida guztiak irabazi ditu, baina bat gutxiago jokatu du.

Alkatea auzoetan ekimena Elitxura iritsiko da hilaren 8an, ostegunarekin. Jose Antonio Santano alkatea Elitxu eta Lapitzeko bizilagunekin bilduko da auzoari eta hiriari buruz dituzten ideiak, kezkak eta iritziak entzun eta aztertzeko. Auzo elkartearen ...

Iaz bezala, aurten ere baserritar jantziak egiteko ikastaroa antolatu du Alkartasuna Dantza Taldeak. Bertan, jantzi berriak egiteko, edota etxekoak moldatzeko eta birziklatzeko aukera izango da. Hilaren 12an hasiko da ikastaroa, eta abenduaren 13an buk...

Iruñeko arroa inguratzeko antolatutako egitasmoaren azken etapa egingo du Jaizkibel Mendizale Taldeak datorren larunbatean, hilaren 10ean. Berriosuson hasiko dute ibilaldia eta Zabaldikan bukatu. 13,5 kilometroko ibilbidea da. Parte hartu nahi dutenek...

12:00etan atera dira Meipitik parte hartzaileak, eta plazara joan dira. Bidean, hainbat puntutan geratu dira abesteko, eta gero eta jende gehiago batu da.

Hondarribiko Hiruzta txakolin upategiak jakitera eman duenez, 65.000 bat litro ekoiztu dituzte aurten. Mahats-bilketa bukatutzat eman dute dagoeneko eta jasotako kopuruari esker 85.000 botil bilduko dituzte 2012ko uztarekin. Ana Martin upeltegiko enologoak gainera, “kalitate ezinhobeko” txakolina dela adierazi du. Mahats-bilketaren ondotik txakolinaren ekoizpen prozesuari ekingo diote orain Hiruztakoek. Hala, aurtengo klima “ohikotik” atera dela adierazi du enologoak. Izan ere, udaberria eta uda “oso lehorrak eta tenperatura altukoak” izan diren arren, mahastiaren garapena egokia izan da “aurreko neguko ur erreserbei esker”. “Udaberriko mahats-mordoek uzta ona izango zela adierazten zuten”. Ondorengo lehorteak medio, mahatsaren heltzea eta horren bilketa zertxobait atzeratu ziren, baina uda bukaerako klima aldaketak hezetasuna eta euri pixka bat ekarri zituen eta beraz, “mahatsaren garapen ezinhobea ekarri du”. Horiek horrela, aurtengo uztak “mahats kopuru handia sortu du, azukre aberastasun orekatuarekin, garraztasun baxuarekin eta heltze aromatiko bikainarekin”. Guzti horren emaitza izango da, “txakolin uzta ezinhobea”.

Ama Guadalupekoa Nazioarteko Judo Txapelketa jokatzen ari dira gaurkoan Jostaldi pilotalekuan. Hainbat herrialdeetatik etorritako gazteak -kadeteak, hain zuzen- lehiatzen ari dira kategoria ezberdinetan. Jostaldi pilotalekua jendez gainezka agertu da goizean zehar eta publiko zabalaren artean, judogi urdinak eta txuriak nagusitu dira. Hala, lehiaketa egun osoan zehar luzatuko da gaurkoan eta bihar, stage-a izango da goizeko 09:30etik aurrera. Halaber, podiumaren berri ere emango dute biharkoan.

Gurutzeko emakumeak, bazkaltzeko elkartuko dira gaur. 14:00etan jarri dut hitzordua, Toki-Alai tabernan. Bazkaldu ondoren, abesteko aukera izango dute, batzuek gitarrak eramateko asmoa baitute.