Santi Angulo, LABeko afiliatua. “Langabezia tasarekin kezkatuta azaltzen zaigu alderdi sozialista eta udal gobernuari enplegu-politika sustatzeko proposamena egin dio. Nik ez dakit, une honetan, PSOEk berak zorpean utzitako udalak zer ahalmen ekonomiko eta zein eskumen dituen hori aurrera eramateko, baina, berandu datorrela iruditzen zait, krisi ekonomikoak luze joko duelako eta PPren erreformak lan baldintzak enpresarien eskuetan utzi dituelako. Zazpi urtez egon da PSOE Madrilgo gobernuan, garai onetan eta garai txarretan, eta langabezia tasa igoz joan da, eta ez du langileen egoera hobetzeko ezer egin. Hala ere, enpresarioen aldeko lege aldaketak onartu ditu, azpikontratazioa bultzatu du, proiektu handi-manditan dirutza xahutu du, bankuei dirua eman die haien zorrak estaltzeko, ustelkeria kasuetan buru-belarri murgilduta ibili da… Bi urte luze daramatza Gasteizko gobernuan, garai txarretan, eta proiektu handitan xahutu du dirutza, hemengo gehiengo sindikala baztertu du, beti enpresarien defentsan azaldu da, PPk ezarritako erreformaren aurrean ez du ezertxo ere egin (Euskal Herrian gobernukideak dira, jakina)… PSOEk orain arte aukera handiak izan ditu egoera hau eman ez zedin zerbait egiteko, baina denbora galdu du. Alternatibak bazeuden eta badaude, Islandiakoa kasu; nonbait, Greziaren bidetik joatea nahiago dute. Euskal Herrian laugarren greba orokorraren deia egin da. Aspaldian gaude egoera ekonomikoaz haserretuta. Egoera gero eta latzagoa da. Egunero [...]
Julen Mendoza alkateak alegazioak aurkeztu dizkio Pasaiako Portuko Plan Zuzendariaren Ingurumen Jasangarritasun Txosten berriari, eta horrekin batera, bi agiriak atzera botatzeko eskaera ere egin du. Horren ordez, egungo portuan ingurumen alorreko ha...
Josu Gil (Eibar, 1979) EHNE sindikatuko kidea 19:30etik aurrera egongo da gaur Gezala Auditoriumean. Txoriak galduta egozenian dokumentala ikusi ondoren, hitza hartuko du Gilek. Filmak Zumarragako Oraa baserriko bizimodua azaltzen du. Arratsaldeko ekitaldia Gipuzkoa desberdin baten alde, jendarte eredua aldatu: azpiegitura lan handiak gelditu izenburuko jardunaldien barruan egingo dute. Gaur solasaldia egongo da Gezala Auditoriumean. Zer aditzeko aukera izango dute bertaratzen direnek? Hitzaldia baino gehiago, Txoriak galduta egozenian dokumentalarekin dago lotuago saioa. Baserri tradizional baten bizimodua azaltzen du, eta gaur egun ikusteko zailak diren hainbat lanbide ikusteko aukera egongo da. Pasarte batzuk hartuko ditut, eta jendeak zer pentsatzen duen adierazi dezake. Ez dut ohiko hitzaldi bat emango, nahiago dut jendearen iritzia jaso; euren kezkak eta galderak jaso. Film horretan familia batek zalantzak ditu, baserrira aurrerapen teknologikoak eraman ala ez, batzuk aldekoak dira, beste batzuk kontrakoak… Ea jendeak zer pentsatzen duen horri buruz. Eztabaida modukoa izatea da helburua, interaktiboa. Arratsaldeko ekitaldia ‘beste Gipuzkoa baten aldeko’ jardunaldien barrukoa da. Baserriak oinarrizkoak dira aldarrikatzen den beste Gipuzkoa horretan? Bai, argi daukagu baietz. Dinamika horretan azpiegitura handiak kritikatzen dira: Abiadura Handiko Trena edo Jaizkibelgo kanpo kaia… Azpiegitura horiek, eta ia denek, nekazaritzan dute eragina. Nekazal lur asko ari dira zementuz betetzen. Nekazaritzak [...]
Errenteria-Orereta Bizirik eta Oarsoaldeko Eguzkik antolatuta, egungo kaiaren gaineko hitzaldia eman zuen Jose Manuel Cortizo CCOOko delegatuak joan den ostegunean. Cortizok kanpo kaiaren beharra justifikatzeko txostenetan gastatzen ari diren dirutza salatu zuen, barne portuaren egoera «jasangaitza» konpontzeko inolako neurri zuzentzailerik hartzen ez duten bitartean. Egungo kaiak Ingurumen Kudeaketa Planik ez duela ere nabarmendu zuen.
Asteburu honetan jokatu dira Gipuzkoako eta Euskadiko Kenpo federatuko txapelketak. Hondarribiko Washiken klubeko kirolariek podiumeko postuak eskuratu dituzte.
Propeller Clubek estreinako bilera egin zuen atzo eguerdian Pasaian. Elkarte hori portuetako eta itsas arloan aritzen diren enpresetako ordezkariek osatzen dute. Orain arte, Euskal Herrian daramaten urtebetean, egin dituzten bilera guztiak —bi hilean behin dira— Bilbon egin dituzte. Gonbidatu batek hartzen du beti hitza, eta atzokoan Lucio Hernando Pasaiako Portu Agintaritzako presidentea izan zen. Harekin batera Iñaki Arriola Eusko Jaurlaritzako Etxebizitza, Obra Publiko eta Garrraio sailburua eta Gerardo Tiedemann euskal Propellerreko burua egon ziren. Hernandok esan zuen Pasaiako zein Bilboko portuak “bateragarriak eta beharrezkoak” direla. Gainera, gogorarazi zuen Gipuzkoan lanpostu gehien dituen enpresa dela portua, 4.500ekin. Horrez gain, portu berri baten alde egin zuen Hernandok, “Pasaiako badia birgaitzea ahalbidetuko duena, alde batetik, eta Gipuzkoari portu azpiegietura moderno bat emango duena, bestetik”.
Udalak jakinarazi duenez, dagoeneko egin daiteke eskaera madalenetan tabernetako barra kanpora ateratzeko. Eskaera hori udaletxeko erregistroan aurkeztu beharko dute interesdunek, hilaren 27a (asteazkena) baino lehen. Udalak zehaztu duenez, argi adiera...
Datozen asteetan Euskal Herritik kanpo ibiliko da Kukai dantza konpainia. Ostiralean, Valladolideko (Espainia) Nazioarteko Kaleko Arteen Jaialdian parte hartuko du, eta Karrikan ikuskizuna aurkeztuko du bertan. Ekainaren 1ean, berriz, Annemassera (Fran...
Oiartzun Arriskuan lan taldeak alegazioak aurkeztuko ditu berriro; Udalak gauza bera egiteko eskatu du Pasaiako Kanpo Kaiaren Ingurumen Jasangarritasunaren Txostenak Lezo-Oiartzunen makroplataforma logistiko bat eraikitzeko proposamena jasotzen du, kaiaren azpiegitura osagarri gisa. Txosten hori 45 egunez jarri zuten jendaurrean pasa den abenduaren 4an. Lur eremua, 180 hektarea dituena, bat dator Donostialdea-Behe Bidasoako Lurralde Plan Partzialak (LZP edo PTP) aurreikusitakoarekin. Plataforma logistiko horren aurka, duela urtebete, ia 8.000 alegazio-idazki aurkeztu zituzten oiartzuarrek eta 40 entitate inguruk, udal talde politiko guztiek barne. Baina plataforma logistikoaren zein kanpo kaiaren izapideek aurrera jarraitzen dutela salatu du Oiartzun Arriskuan taldeak. Pasaiako Portuko Agintaritzaren IV. Eranskina. Pasaiako Portuan gune logistikoa ezartzeko azterketaren analisia dokumentuan (www.puertopasajes.net) jasotzen denez, azpiegitura hori, hasieran, Jaizkibelgo tuneletarako eta portuko lanetarako materialak biltzeko izango litzateke. Eta gero, portuko salgaiak uzteko eta jarduera logistikoetarako, geltoki intermodala barne. Oiartzungo aldean egin nahi dutena zehaztu du taldeak: «Funtzio Anitzeko Eremu Logistiko bat egin nahi dute, gutxi gorabehera 20 hektareakoa, eta Zerbitzuen Eremu bat lehen fase batean» (gainerako eremua Arizabalo eta Mendin arte zabaltzen da). Horretarako, zelaigune handi bat egin beharko litzateke Trapada mendian eta ingurunean, eta ondorioz, mendi hori desagertuko litzateke». Ondorioak Dokumentuak berak dio jarduketa horrek «ia erabateko eragina izango lukeela Oiartzungo Arau Subsidiarioetan, [...]