Bikain aritu dira Washikeneko kirolariak Gipuzkoako zein Euskadiko Txapelketan

Asteburu honetan jokatu dira Gipuzkoako eta Euskadiko Kenpo federatuko txapelketak. Hondarribiko Washiken klubeko kirolariek podiumeko postuak eskuratu dituzte.

Goizeko 09:30ean abiatu zen Gipuzkoako eta Euskadiko Kenpo federatuko txapelketa. Washiken klubeko zazpik kirolarik parte hartu zuten eta honako hauek dira emaitza nabarmenenak (Gipuzkorako zein Euskadirako balio zuten emaitzek):

Julen Lekuonak, Asier Kuendek eta Maiana Lekuonak, garaipena eskuratu zuten borroka modalitatean, eta katan, hirugarrenak izan ziren. Einar Hernandezek, berriz, borrokan brontzezko domina zintzilikatu zuen.

Théo Matthew-ek eta Mare Gonzalez-ek podiumik lortu ez bazuten ere “lan bikaina” egin zutela azaldu dute klubetik. Haien lehen txapelketan ederki aritu ziren.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.