Pasai Antxon estreinatu berri dute parkea, eta San Pedrokoa aste honetan jarriko dute, pilotalekuko plazan. Haurrentzako bi jolas egitura eraikiko dituzte San Pedron: batetik, txirrista duen egitura bat, eta bestetik, bi kulunkako egitura. Horrez gain, haur parkeetan erabili ohi den gomazko lur berezia jarriko dute. Halaber, M. Oliber plazan, saskibaloian jolasteko bi saski jarriko ditu Udalak.
EAJko udal taldeko bozeramaile eta alkatetzarako hautagaia Nahikari Oterminek Pasaiako haurren jolastokien "egoera txarraren" inguruko kezka azaldu du prentsa ohar baten bidez. Bozeramaile jeltzaleak adierazi duenez, Donibane eta Trintxerpeko zenbait parkeen "egoera tamalgarria" da eta haurrentzako arriskutsuak izan daitezkeelako kezka agertu du. Horregatik, Bilduko gobernuari jolastokien egoera hobetzera bideratutako diru partidak osorik erabiltzea eskatu dio.