Sinadura bilketa egingo dute Lurraldebuseko aldaketen aurka
Hainbat komertziotan jarri dute sinatzeko aukera, urriaren 19ra arte. Izen eta ordutegi aldaketen aurrean kexu agertu da herria.
Lurraldebuseko lineak izenez aldatu dira, baina ez hori bakarrik. ordutegiek ere aldaketak jasan dituzte eta. Herritarrak kexu agertu dira aldaketa horien aurrean, eta azalpenak ez ezik, lehengo egoera eta ordutegi berdinak eskatzen dituzte. Kexu kanpaina aurrera doa, eta orain sinadura bilketa bat zabaldu nahi izan dute, Whatsapp bidez hedatutakoa, eta herriko hainbat komertziotan sinatu daitekeena. Adierazi dute herritarren mugimendu bat dela, eta ez dagoela elkarterik sustapenaren atzean.
Lehen kexu horien aurrean, mugikortasun sailak azaldu zuen Donostiara zuzenean doan autobusak (orain BI02, lehen E21) frekuentzia murriztuko duela goizean, eta lehena 07:15ean aterako dela, eta unibertsitateetara doan autobusa (orain BI07, lehen E28) ere lehenago aterako dela.
Amuteko Kostako bizilagunen elkartea izan da haien kexua gehien zabaldu dutenetariko bat, baina baita ere udal alderdiak, hala nola EH Bildu. Orain, sinadura bilketa ekingo dute, urriaren 19ra arte.
Zein komertzioetan sinatu daiteke?
- Iraola farmazia
- Ttopara kafetegia
- Casa Santamaria taberna
- Okil store
- Itxola
- Lurgorri denda
