Henry Mendezen kontzertua bertan behera uztea eskatu du Ernaik
Hainbat erakunde eta eragilek deitutako elkarretaratzea izango da gaur, 19:00etan, San Juan plazan. Ernaik bat egin du mobilizazioarekin.
Henry Mendez.Getty Henry Mendez artista dominikarraren etorrerak hautsak harrotu ditu Irunen. Herriko Ernaik adierazi du ez dutela onartuko “jarrera matxistak eta ultra-eskuindarrak” dituen artista bat Irungo jaien ospakizunetan parte hartzea, “gutxiago diru publikoz ordaindua bada”.
Ernaik Irungo jaietatik kanpo nahi du Mendez, eta Irungo Udalari kontzertua bertan behera utz dezan eskatzeko, elkarretaratzea egingo dute gaur (ostirala) San Juan plazan, 19:00etan hainbat erakunde eta eragilek deituta. Mendezen kontzertua biharko (larunbata) dago programatua, 22:30ean, San Juan plazan.

