Itaia Henry Mendezen kontzertuaren aurka azaldu da
Bideo baten bitartez, Henry Mendez eskuin muturraren hauspotzailea dela eta bortxatzaile bati babesa eman diola salatu dute.
Larunbat honetan, hilak 27, Henry Mendez artista ospetsuak kontzertu bat emango du Irunen, San Juan plazan. Itaiak artista honek izandako hainbat jarrera salatu ditu sareetan zabaldutako bideo baten bitartez. Hala nola, Henry Mendez eskuin muturra hauspotu eta bortxatzaile bati babesa eman diola salatu dute. Baita, honen aurrean udalak izandako jarrera ere.
Itaiak argi eta garbi adierazi du Henry Mendezen kontzertua bertan behera gelditu behar dela. Duela aste batzuk Madrilgo Vallecas auzoan kontzertu bat eskaini zuen, eta bertan, “ez naiz sozialista, gorriak gorroto ditut” adierazi zuen ozenki. Bertako sozialistek kontzertua bertan behera utzi behar zutela adierazi zuten. “Larunbatean, ordea, hemen izango dugu PSE-EEk kontratatuta”.
Hori gutxi ez, eta Henry Mendez berriki Rafa Mir jokalariari babesa eman diola salatu dute. “Rafa Mir ezaguna da arrazista, homofobo eta faxista esplizitua izateagatik”. Jokalariak 20 urteko neska bat bortxatzeagatik zortzi urteko zigorra kartzela jaso zuen, eta sententzia jakin ostean, Henry Mendezek: “Animo crack” mezua bidali zion.
“Horrelako elementu bati dozenaka milaka euro ordainduko dizkiote kontzertu bat emateagatik, bitartean Irunen pintada matxista agertzen direnean, horiek tapatu ez, eta guri tapatzeagatik 3.000 euroko isuna jarri digute”. Honen aurrean, Itaiako kideek argi dute: “Komeni zaienean zabalduko dute progresismoaren eta feminismoaren bandera. Irungo Udalaren hipokresiak ez dauka mugarik”.
Instagrameko bideoa osorik, hemen.
