Olentzerok eta Mari Domingik ilusioz beteko dituzte kaleak
Abenduaren 23ko desfilea ordu erdi beranduago hasiko da, 17:30 Leka Enea ikastetxetik eta ohiko ibilbidea jarraituko du San Juan plazara arte.
Olentzero eta Mari Domingi abenduaren 23ra helduko dira herrira eta txoko guztiak ilusioz beteko dituzte. Etorrerak ilusio handia pizten du, baina aurtengo itxaronaldia ohi baino luzeagoa izango da. 17:30ean abiatuko da desfilea Leka Enea ikastetxetik, iaz baino ordu erdi beranduago.
Desfileari dagokionez ez ditu berritasunik izango Leka Enea ikastetxean hasi, eta iazko ibilbide bera izango du Donostia kaletik San Juan plazaraino. Desfilea amaitzean, 18:30etik 20:30ak arte gutunak jasoko dira plazan bertan. Baldintza meteorologikoak kontrakoak badira, Kapitulu Aretora lekualdatuko dute. Aurten, dibertsitate funtzionala duten pertsonek lehentasunezko ilara bat izango dute gutunak eman ahal izateko.
Desfilean herriko zenbait elkartek parte hartuko dute. Olentzero eta Mari Domingi ez dira bakarrik helduko, luxuzko segizio batek lagunduko die desfilean. Auntxa Trikitixa Taldea, Eraiki Dantza Taldea, Kemen Dantza Taldea, Adaxka Dantza Taldea, Bidasoako Joaldunak, Landetxako Muxikoak, Honyarbiko Muxikoak, EKT Abesbatza, Elatzeta Kantu Lagunak, Kemengo Dultzaineroak, IGA Abesbatza, Maite Mutxikoak eta erraldoiak izango dira.
Desfileari 18:15 aldera amaiera emango diote San Juan plazan. Bertaratutako lagunek Ole! Magi! abestia abestuko dute herriko hainbat lagunen artean konposatu dute.
Desfilea dela eta, trafikoan aldaketak izango dira arratsaldean zehar. Horrek autobus linea batzuen zerbitzuak aldaketak egitea ekarriko du 16:50etik 18:15era, gutxi gorabehera.
Gabon Kantuen Jaialdia
Olentzerok eta Mari Domingik opariak banatzeko atsedena hartzen duten bitartean, Gabon Kantuen Jaialdia egingo dute San Juan plazan abenduaren 24an, 19:00etan. 15 minutuko emanaldiak egingo dituzte hurrengo abesbatza taldeek: San Juan Arri-La Salle San Martzial, Nayade, Larreaundi, Atzokoak, IGA eta Ametsa taldeak igoko dira eszenatokira.
