Hainbat trafiko mozketa izango dira igandean Behobia-Donostia dela eta
Erdigunerako hainbat kale moztuko dira, eta Behobia inguruan aparkalekuak kenduko dituzte.
Igandean, Behobia-Donostia lasterketa dela eta, hainbat aldaketa egingo dituzte trafikoan eta autobus zerbitzuetan. Aldaketak 06:30ean hasiko dira, eta 14:00etaraino luzatu dira.
Osinbiribiletik Behobiara doan errepidea moztuta egongo da, bertan hasiko baita lasterketa. Horren aurrean hainbat alternatiba izango dira:
- Behobiako eta Nafarroako norabidean Artiga eta Blaia ibilbidetik eta Gazteluzar eta Lastaola kaleetatik egingo da.
- Donostiarantz, aldiz, AP-8tik, Behobiako sarrera erabilita, Behobiako nazioarteko zubia, Hendaia, Santiagoko nazioarteko zubia, GI-636 (Donostiarantz) eta AP-8, Kateako sarrera erabilita. 06:30etik 08:00etara eta 11:30etik 14:00etara Zaisa III barnealdetik Blaiako hilerriraino joan ahal izango da Juan Wollmer, Urdanibia plaza eta Junkal karrikara joateko. Hortik, Iparralde hiribidera, Stadium Galeko biribilgunera, GI-636ra eta AP-8ra sartu, Kateako sarreratik.
Behobiako biribilgunearen eta AP-8a lotzen dituen biribilgunearen arteko tartea moztu egingo dute ere, hasi baino lehen korrikalariak bertan pilatzen direlako. Horren alternatibak:
-
Behobiako eta Nafarroako norabidean Artiga eta Blaia ibilbidetik eta Gazteluzar eta Lastaola kaleetatik egingo da.
-
Donostiako noranzkoan, Behobiatik AP-8rako sarrera hartuko da Zaisa I-aren barnealdetik.
Kolon pasealekua erabat itxita izango da 7:30eatik 8:00etara eta 9:00etatik 13:00etara. Anaka kalean Irun aldera doan erreila moztu egingo dute, Geltoki kaleraino, 7:30etik 10:30era. Geltoki kalean dagoen taxi geltokiak ez du eraginik izango.
Distantzia luzeko autobusen ohiko geralekua, Txanaleta plazan, bertan behera geratuko da, 7:30etik 13:00etara.
Nafarroa hiribidea, Elizatxo hiribidea, Molinoko errepidea eta Letxunborro hiribidea (Suhiltzaileen parketik Ospitaleko biribilgunera bitartean) itxita egongo dira zirkulaziorako 09:00etatik 13:00etara.
Atzotik, Behobian hainbat aparkaleku kenduko dituzte, lasterketarako azpiegiturak prestatzeko. Beraketa kalean ere, ostiraletik aurrera kenduko dituzte aparkalekuak. Kolon aparkalekuan eta San Juangoan ere mozketak egingo dituzte, lasterketa pasatzen den kaleetatik. Mendibilgo aparkalekua normaltasunez erabili ahalko da.
