Ama hizkuntzak eta psikoterapia uztartuko ditu Irunero aldizkariak
Lassai Psikologia zentroko Estibaliz Zubialde psikologoa elkarrizketatuko dute, publikoari irekitako saio batean.
Ama hizkuntzak eta psikoterapia uztartuko ditu Irunero aldizkariak azaroaren 11n. Elkarrizketa bat antolatu dute, aztertzeko zer nolako garrantzia duen ama hizkuntzak psikoterapian. Oiasso Museoan egingo dute, Portu aretoan. Elkarrizketa grabatu egingo dute, baina publikoari irekita izango da. Irunero aldizkarirako eta Txingudi Online hedabideetarako erabiliko da elkarrizketako edukia.
Lassai Psikologia zentroko Estibaliz Zubialde psikologoak elkarrizketatuko dute. “Elkarrizketa honen bidez, terapia eta hezkuntza arloko profesionalek eta gaian interesa duten herritarrek ama hizkuntzaren eta emozioen arteko loturaren inguruko argibide interesgarriak jasotzeko aukera izango dute”, adierazi du Irunero aldizkariak ohar bidez.
Sarrerak eskuratzeko, Oiasso Museora joan beharko da interesduna. Doan da. Gehienez bi pertsonentzat hartu daiteke sarrera. Ordutegi aldetik, asteartetik igandera 10:00etatik 14:00etara eta ostiral eta larunbatetan 16:00etatik 19:00etara irekita dago museoa.Irungo Udalak Euskararen Nazioarteko Egunaren harira antolatutako jarduera egitarauaren barnean kokatzen da ekintza.
