Hainbat kalte eragin ditu haizeteak gauean
Benjamin ekaitzak eragindako haize boladek hainbat zuhaitz bota dituzte auzo ezberdinetan. Puntal auzoan teilak erori egin dira.
Hainbat kalte eragin ditu gaur gaueko haize boladak herrian zehar. Gauean, 120 kilometro ordu inguruko haizeak izan dira, Benjamin ekaitzak eraginda. Hondarribiko Udalak sare sozialen bidez azaldu duenez, hainbat zuhaitz erori dira, besteak beste, golf inguruan, aireportuko errepidean eta Puntal auzoan. Puntalan ere, etxeetako teila batzuk erori egin dira, eta kalea moztu behar izan dute. Udalak sare sozialetan abisua eman duen momentuan, Guadalupeko errepidea itxita zegoen, zuhaitz baten erorketa dela eta. Gainera, hiri altzariek kalteak jasan dituzte, eta San Nikolas zubiaren inguruan zenbait harri erori dira. Haizeak eguerdira arte irautea aurreikusten da.
Argazkiak, Hondarribiko Udalaren eskutik:
