Ehizarako foru agindu berriaren kontrako errekurtsoa jarri du Eguzkik
Talde ekologistak lau eskaeratan oinarritutako errekurtsoa aurkeztu du, agindu berriak "kontuan hartu behar ziren inguruabar eta gertakari garrantzitsuak alde batera uzten" baitituelako haien ustez.
![Ehiza postuen egoera argitzeko eskatu du Eguzkik [Irudia: Eguzki].](https://bidasoa.hitza.eus/site/files/2021/11/ehiza.jpg)
Ehiza postuen egoera argitzeko eskatu du Eguzkik [Irudia: Eguzki]. Gipuzkoako Foru Aldundiak onartu berri duen 2025-2026 denboraldirako Ehizari buruzko Foru Aginduaren kontrako errekurtsoa jarri berri du Eguzki talde ekologistak. Taldekoek argudiatu dutenez, “kontuan hartu behar ziren inguruabar eta gertakari garrantzitsuak alde batera uzten dituela” uste baitute.
Ehiza sustatzeko aldundiak urteak daramatzala “argudio berberak erabiltzen” salatu dute, “errealitate aldakorrak baloratu gabe”. Klima krisi larriak, espezie askoren egungo egoeraren ezjakintasunak eta elgez kanpoko uxalde batean gertatu berri den istripuak (etxean zegoen lagun bat hil zen ondorioz) ehiza jardunaren “erregulazio baldintzatu beharko luke, haren iraunkortasuna bermatzeko”. Erantsi dutenez, agindu berri honetan “aurreko urteetako eduki gehiena errepikatu” dute, eta beste behin ehiza jarduera “argudio tekniko eta zientifikoetan oinarritu dadila” eskatu dute.
Aurkeztu berri duten errekurtsoan, honako eskaerak egin dituzte, hitzez hitz:
- Naturagune babestuetako erreserba eremuetan ehiza debekatzea.
- Oilagorraren ehiza epea murriztea.
- Azeria ehizatzek egungo epeari eustea, oinarri tekniko edo zientifikorik gabeko luzapenik gabe.
- Kontserbazio egoera kritikoan dauden bi espezie (istingor txikia eta istingor arrunta) ehizatzea debekatzea.
Talde ekologistak ezinbestekotzat jo du “neurri horiek eta beste batzuk” hartzea, “indarrean dagoen ehiza ereduari buruzko hausnarketa sakona egiten ez den bitartean. Basafaunaren kontserbazioa benetan babesten badu, proposamen honekin bat egitera gonbidatzen dugu aldundia”.
