Dominez betetako Ur bizietako Espainiako Txapelketa
Slalomean eta kayak crossean oso fin aritu dira Santiagotarrakeko ordezkariak. Taldekako bi bigarren postuez gain, 12 domina poltsikoratu dituzte.
Santiagotarrak taldeko kirolariak dominaz josirik itzuli dira Espainiako Ur Bizietako Txapelketatik. Slalom (banaka zein patruiletan) zein Kayak Cross txapelketetan ordezkaritza izan du klubak, eta bietan oso fin aritu dira bidasoarrak. Taldekako bina bigarren postu eskuratu dituzte, hau da, slalomean eta kayakean bigarren talde onena izan da Santiagotarrak.
Taldekako sariez gain, hainbat banakako domina ere poltsikoratu dituzte taldeko kideek. Slalomean, K1 gizon beteranoetan Ander Diezek urrezkoa eskuratu du, eta haren atzetik, zilarrezkoarekin, Ekhi Diez izan da. K1 emakume beteranoetan ere albiste onak heldu dira, Jone Otañok brontzezkoa eskuratu baitu. C1 emakume seniorretan Klara Olazabalek eskuratu du domina, brontzezkoa oraingo honetan. C1 emakume juniorretan Maria Garciak poltsikoratu du domina, brontzezkoa ere. Slalomeko dominekin bukatzeko, Oier Diazek urrezkoa irabazi du C1 gizon juniorretan.
Slalom patruiletan ere kolore guztietako dominak irabazi dituzte bidasoarrek. C1 emakume juniorretan Maria Garcia, June Bajo eta Haizea Celayak urrezkoa jantzi dute. c1 gizon seniorren ordezkaritzak ere domina eskuratu du, brontzezkoa irabazi dute Oier Diaz, Haritz Azanza eta Javier Arruabarrenak. K1 emakume seniorretan Klara Olazabal, Ainara Azanza eta Izar Garciak osatutako hirukoteak brontzezko domina eskuratu du eta Udane Ortega, Maria Garcia eta Haizea Celeyak, berriz, zilarrezkoa.
Azkenik, kayak croseean, Ainara Azanza (emakume seniorrak) eta Aitor Iridondo (gizon seniorrak) igo dira podiumeko lehen kosketara, hirugarren izan dira biak.
