Manu Goiogana, final-laurdenetara
Bertsolari irundarra Gipuzkoako Bertsolari Txapelketako final-laurdenetan aritzeko eskubidea bere egin du. Eibarren du fase horretako saioa.
Manu Goiogana. Gipuzkoako Bertsolaritza Txapelketan aurrera egingo du Manu Goiogana Bengoetxea irundarrak. Larunbatean jokatu zen lehiako azken final-zortzirenekoa, eta hango eta aurreko beste sei saioetako puntuazioak kontuan hartuta, aurrera egiteko eskubidea bere egin du Irunabar Irungo Bertsoaren Bilguneko kideak. Hala, final-zortzirenekoa saioa hilaren 19an izango du Goioganak, Eibarko Coliseo aretoan (17:00). Agin Laburu Rezola, Alaia Martin Etxebeste oiartzuarra, Aratz Igartzabal Bidegain, Eneko Araiztegi Agirre, eta Haizea Arana Cardenal izango ditu oholtzakide.
Final-laurdenetan bost saio izango dira. Hau da, Goiogana izango den Eibarkoa, eta beste lau. Horietako irabazleek zuzenean eskuratuko dute finalerdietarako txartela, eta horiez gain puntuazioan onenen diren beste hamahiru kideek osatuko dute finalaren atarikoen koadroa. Beraz, final-laurdenetara iritsi diren 30 kideetatik 18 pasako dira finalaurrekoetara.
Final-zortzireneteko bi saio jasoko ditu Oarso-Bidasoak. Lehena Errenteria-Oreretan izango da, hilaren 20an Lekuona Fabrikan (17:00); bestea Irungo Ficobako antzokian, hilaren 27an (17:00). Horietarako sarrerak salgai dira jada, 14 euroan (sarrera orokorra). Hemen klik eginda eros daitezke.
