Azarora arte atzeratu dute laugarren Uhinak kongresua
Irailaren 30ean Ficoban egitekoa zen Klima Aldaketari eta Itsasertzari buruzko Mugaz Gaindiko Kongresuak azken orduko data aldaketa jasan du, larrialdi egoeragatik.
Ficoba Irailaren 30etik urriaren 1era bitarte egitekoa zen Klima Aldaketari eta Itsasertzari buruzko Mugaz Gaindiko IV. Uhinak Kongresuak azken orduko data aldaketa jasan du. Larrialdi egoeragatik atzeratzea erabaki dute antolatzaileek, beraz, azaroaren 4tik 5era bitarte hartuko du Ficoba kongresuak.
Laugarren edizioa Klima larrialdiaren aurrean jarduteko mugitzen gara lelopean egingo dute, eta bertan, komunitate zientifikoko, teknikoko eta administrazio publikoko ordezkariak bilduko dira. Biltzar horretan, kudeatzaileek klima aldaketaren aurrean dituzten beharrak ezagutuko dituzte, eta horiek konpontzeko zientzialariek zer ekarpen egin dezaketen ikertuko dute.
Kongresuaren gaineko informazio gehiago, esteka honetan eskuragarri.
