[Argazki galeria] Betti Gotti: "Bazkariaren balorazio oso positiboa egiten dugu"

Betti Gottik egindako lanak emaitza izan du. Sanmartzialetako herri bazkaria antolatu zuten ekainaren 27rako, eta horren balorazio oso baikorra egin du euskara eta kultura elkarteak.

Urko Etxebeste Petrirena

Irun

2015/07/02

Bazkariko partaideak, Ficobara bidean kalejiran

Larunbatean egin zuten Ficoban sanmartzialetako herri bazkaria. Betti Gotti Euskara Kultur Elkarteak antolatuta, 1.600 lagun elkartu ziren erakustazokan. Baina jaia otordua baino askoz gehiago izan zen, eta gainera gertatutako guztiarekin ados, pozik dago Betti Gotti: “Bazkariaren balorazio oso positiboa egiten dugu”. Adierazpenak Iñaki Goikoetxeak egin ditu, elkarteko kideak. Bazkariaren azken zertzeladak kudeatzen ari dira egunotan, ordainketak eta bestelakoak ixten. Baina ondo egindako lanaren zapore gozoarekin. Hala, Goikoetxeak adierazi duenez, bazkariaren aurretiko kuadrillen olinpiaden finalean gustura egon ziren parte hartzaileak nahiz ikusleak. Parte hartzaile batek istripua izan, eta finala eten beharrean aurkitu ziren, baina sariak emateko soluzioa proposatu du Betti Gottik: “talde irabazle bat egon ordez, finalean zeuden lau taldeekin egun pasa edo afari bat antolatu nahi genuke, sarian denen artean elkarbanatzeko. Olinpiaden ondoren, jaiaren apoteosia iritsi zen. Bazkarirako txartelak erosita zituzten 1.600 lagunek kalejira egin zuten Urdanibiatik Ficobara, “inoiz baino jende gehiago elkartu zen. Ordubete baino gehiago behar izan genuen Urdanibiatik Ficobaraino iristeko”. Bazkarian dena behar bezala joan eta gero, ondorenean festa lehertu egin zen, Ficobako ateak ireki zituztelako musika saioetarako, eta bertan 2.500-3.000 ikusle izan zirela zehaztu dute. Kamiseta eta logotipo lehiaketako sariak ere banatu zituzten bertan. Ficobak musika saioak bukatuta, berriz ere kalejiran itzuli ziren partaideak Alde Zaharrerantz, sorpresa batekin, gainera: bazkarian izandakoek txosnetan baliatzeko euro bateko deskontua zuen txartela jaso zuten. Festa biribila izan zen, hortaz. [nggallery id=53]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Argazki galeria] Betti Gotti: "Bazkariaren balorazio oso positiboa egiten dugu"

Gipuzkoa

Afari solidario jendetsua egin dute Donostian, «alkateari kasurik egin gabe»

Jon Insaustik «onkeria eta populismoa» baztertzeko eskatu die kaleko afari solidarioak debekatzeagatik kritikatu dutenei

Sare Herritarrak eta Donostiako Piratak mobilizaziora deitu dute abuztuaren 14rako, presorik eta iheslaririk gabeko besten alde

Nicole Garcia, Maha Harada, Pablo Larrain eta Mike Leigh Donostiako Zinemaldiko lehian izango dira

Harun Farockiren begirada zorrotza

Itxasok uste du beharrezkoa dela etxe eskaintza handitzea tentsio eremuetako egoerari aurre egiteko

Coltrane eta Davis, 1926an jaiotako izarrak

Donostiako Karmengo jaietan jasandako «jazarpen poliziala» salatu dute dozenaka herritarrek