2013ko txostena aurkeztu du Bidasoa Bizirik-ek

admin

Bidasoa

2014/07/22

Paez eta Altuna, El Espazion

Miguel Angel Paez Bidasoa Bizirik-eko presidenteak eta Juan Mari Altuna presidenteordeak Bidasoaldeko garapen agentziaren 2013ko memoria aurkeztu dute gaur goizean, El Espazion egindako agerraldian. Altunaren arabera, “hitz bat erabili beharko banu, bultzatu hitza izango litzateke, zeren saiatzen gara enpresen lehiakortasuna bultzatzen, enplegua bultzatzen, ekintzailetza bultzatzen eta turismoa bultzatzen. Azkenean lau ildo hauek dira jorratutakoak 2013. urtean zehar”. Zentzu horretan, pozik agertu dira bi arduradunak 2013. urtean Bidasoa Bizirik garapen agentziak egindako lanarekin. “Helburu nagusia garapen ekonomikoa eta enplegua bultzatzea da”, adierazi du presidenteordeak. Paezek azaldutakoaren arabera, agentziak “enplegurako politika aktiboak aurrera eramateko eskumenik” ez duen arren, ahalik eta ekarpen zabalena egiten saiatzen da. Ildo horretan, ekintzailetzarako aholkularitza zerbitzua eta laguntza ekonomikoak, enpresen diagnosia, Bidasoa ibaiaren bi aldeetako enpresen arteko elkarlana… bultzatu ditu Bidasoa Bizirik-ek. Horiek horrela, “Bidasoa Bizirik-en begiak etorkizunera begira jarrita daudela” nabarmendu nahi izan du Altunak. “Beharrak aztertzen ditugu, datuak kudeatu eta aipatutako ildoari jarraiki, kontuan edukiz egungo egoera honetan zenbait jende langabezian dagoela eta nahiz eta gure eskumena ez izan, bailaran hobekuntzak egiten eta jende horrek baldintza duinetan oinarritutako lana aurkitzen saiatu behar gara”, bukatu du presidenteordeak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

2013ko txostena aurkeztu du Bidasoa Bizirik-ek

Gipuzkoa

Taxilariek zerbitzua eten dute Donostian gaur arratsaldean

KASeko kideak alfonbra gorrian ibili dira erosketa orgekin

Gipuzkoako zahar etxeetako langileek «propaganda» egiteari uzteko eta baliabideak jartzeko eskatu diote aldundiari

Donostiako Udalak 502 milioi euroko aurrekontua aurkeztu du 2027rako, %1,2 handiagoa

Tsai Ming-Liang zinemagilearen erakusketa bat ireki du Tabakalerak, ibili ahala inguruari erreparatzeko

Pasaiako portuan saihesbide bat egitearen alde agertu dira alderdiak, titulartasunaren gatazkak gorabehera