Gaur, ez daudenekin gogoratzeko eguna dute, eta bihar, berriz, San Inazio ospatuko dute, jaietako azkena Donibaneko jaiak azken txanpan sartu dira, eta San nazio bezperarekin batera, jai giroak gaina joko du berriz ere. Hamaika jarduera daude iragarrita gaurko eta biharko, jaiez gozatzeko asmoz hara hurbiltze den edonorentzat gozagarri. Hona egitaraua:
Israelen aurkako herri mobilizazioa deitu dute larunbaterako, San Juan plazatik abiatuta, 12:00etan. Gazako sarraskia gelditu, Israeli boikota! lelopean deitu dute elkarretaratzea Irungo eragile ezberdinek. Irungo Askapenak bat egin du deialdiarekin.
Espainiako Gobernuaren Sustapen ministerioaren barruan dagoen Aviacion Civil erakundeak Oiartzungo Hirigintza Antolamendurako Plan Orokorraren (HAPO) kontrako txostena bidali du. Hori egiteko Hondarribiko aireportuaren balizko handitze bat argudiatu du, esanaz, azpiegitura handituko balitz, udalerriaren aire eremu oso-osoa beharko litzatekeela hegazkinek euren zeregina egin dezaten.
Bidasoafolk jaialdiaren XIV. ekitaldia aurkeztu dute gaur goizean Hondarribiko udaletxean. Abuztuaren 22tik 24ra bitartean antolatu dituzte emanaldiak Irunen, Hondarribian eta Hendaian. Kultur anitz batuko dituen jaialdia izango da aurtengoa antolatzaileen iritziz, "tradizioa eta modernotasuna eskura, jende ororentzako, gazte eta helduentzako, badiako herritarrentzako eta bisitarientzako". Gainera, emanaldi guztiak debalde direla gogora ekarri dute.
Behin baino gehiagotan eskatu dute kalearen izena aldatzeko. Pedro Mourlane Mitxelena irundarrak Cara al Sol ereserki ezagunaren letra sortu zuen.
Egungo itsas zirkulazioa zein den ikusita "justifikatuta" ez dagoelako, Pasaiako Portu Agintaritzak kanpoko kaiaren egitasmoa albo batera uztea erabaki du, tiradera edo kaxoi batean sartuko du. Ez dute guztiz baztertu egitasmoa, baina bai, momentuz, alboratu, "egoera aldatzean berriz ere mahaiaren gainean jar daiteke".
Hondarribiko Abiyuanek hartu-emana antolatu du Valentziako L'Aixequella txarangarekin. Ostiralean elkar ezagutzeko aukera izango dute eta larunbaterako egun osoko festa iragarrita dago, herri bazkari eta guzti.
Juanma Garate Zikloturista Martxa egingo dute igandean. Larunbatean Donostiako klasikak tarteko helmuga Colon pasealekuan izango du. Egitarau zabala prestatu dute bi egunetarako.
Las dos caras de enero fima proiektatuko dute gaur, asteazkenez, Itsas Etxea Auditoriumean, gaztelaniaz. 18:00etan hasiko da eta sarrerak 4 euro balio du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
