Arrakastatsua izan da bluesaldia

Carlos Malles zuzendariak ziurtatu du aurreikuspen guztiak gainditu dituela aurtengo ekitaldiak, eta dagoeneko hamargarrenerako gonbita luztu du: "oso berezia izango da". Udala ere oso pozik dago bisitari kopuruagatik eta herritarren eta ostalari eta merkatarien harrera nabarmendu du.

admin

Bidasoa

2014/07/21

Malles, Taj Mahali txapela jartzen

Arrakasta. Horrela laburtu daiteke Hondarribia Blues Jaialdiaren IX. ekitaldiak eman duena. Antolatzaileek balantzea egin dute eta aurreikusitako jende kopurua gainditu dela ziurtatu du Carlos Malles zuzendariak: “benetan bikainak dira emaitzak”. Espero baino jende gehiago izan da ekitaldi guztietan, bereziki larunbatean aurtengo Hondarribia Saria jaso duen Taj Mahalek eta, ondoren, Crossroads Texaseko musikariek emandako gaualdian,; “baina ostegunean eta ostiralean ere jende asko ibili zen, Steven Seagal ezustekoarekin eta Gov’t Mule beteranoekin, hurrenez hurren, beste guztiez gainera”, gehitu du antolatzaile buruak. Aurtengo uda aukera asko ematen ari ez den arren, blues jaialdiarekin eguraldia portatu zen, eta hori alde izan dutela onartu du Mallesek: “Programa osoa bete dugu eta jendearen erantzuna ezin hobea izan da, inolako arazorik gabe, eta eskerrak eman nahi ditugu horregatik. Jende gehiago izan da kontzertu guztietan eta azpimarratu nahi dut hobera aldatu dugula Arma Plazako eszenatoki berriarekin”. Musikarien gainean era mintzatu dira antolatzaileak, eta horrekin ere pozik daude: “Artistak bikain aritu dira guztiak eta uste dugu jendeak oso ondo pasa duela aurtengoan ere”. Aurten bederatzigarrena egin dute eta datorrena, zenbaki biribila izango da. Dagoeneko hamargarren ekitaldia prestatzen ari dira eta “oso berezia” izango dela ziurtatu du zuzendariak. Udala ere, pozik Hondarribiko Udalarentzat ere ekitaldi arrakastatsua izan da bluesaldiaren aurtengoa, eta nabarmendu du milaka eta milaka ibilgailu sartu zirela herrian lau egunetan, “eta udalak eta Ekialdebusek antolatutako gaueko autobus zerbitzuek ere erantzun bikaina izan dute”. Aitor Kerejeta alkateak herritarren eta herriko zerbitzuetako enpresen erantzuna goraipatu du. “Hondarribiak berriro ere erakutsi du bere harrera egiteko gaitasuna” esan du, “hala ostalaritza, sukaldaritza, merkataritza… zerbitzuetan nola herritarren artean ere. Musika erreferente izan gara, oihartzun handia izan dugu komunikabideetan, eta aukera bikaina izan da gure hiria kulturaren ikuspegitik begiratuta sustatzeko, eta horretan jarraituko dugu lanean”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Arrakastatsua izan da bluesaldia

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak