Trintxerpeko batzarretara biltzeko deia egin du Hondakin Bilketa Berriaren Aldeko Herritar Taldeak
Atez atekoa sistema "onena" dela iritzi diote taldean bildutakoek Asteazkenean eta ostegunean egingo dituzte Trintxerpen hondakinak atez ate biltzeko sistema berriaren inguruko batzarrak, eta San Pedron sistema berriaren alde eratu den taldea haietara joateko eskaera luzatu du: "benetan birziklatu nahi duten herritarrei dei egin nahi diegu datorren astean Trintxerpen Udalak deitu dituen batzarretan parte hartzera.
Atez atekoa sistema “onena” dela iritzi diote taldean bildutakoek
Asteazkenean eta ostegunean egingo dituzte Trintxerpen hondakinak atez ate biltzeko sistema berriaren inguruko batzarrak, eta San Pedron sistema berriaren alde eratu den taldeak haietara joateko eskaera luzatu du: “Benetan birziklatu nahi duten herritarrei dei egin nahi diegu datorren astean Trintxerpen udalak deitu dituen batzarretan parte hartzera. Entzun zein den proposamena, esfortzu txiki batek izugarrizko emaitzak ematen dituela konturatuko zarete”, esan dute.
Udalak Trientxerpen eta San Pedron atez atekoa ezartzeko erabakia hartu duelako pozik agertu dira, eta txalotu dute udal gobernu eta Ezker Anitza taldeko zinegotziaren jarrera, presioak alboratu eta aurrera egitea erabaki dutelako.
Atez atekoa sistema “onena” dela iritzi diote: “birziklapen datuei begiratu besterik ez dago bi barrutitan: %85etik gertu”. Bosgarren edukiontziaren defentsa, aldiz, “ulertezina” dela defendatzen dute. “Datu ofizialak begiratu besterik ez dago”, esan dute.” Bosgarren edukiontzia duten herri batzuen birziklatze portzentaje datuak dira honakoak (2014ko lehen bi hilabeteak): Eibar (%36), Elgoibar (%38), Soraluze (%36), Ermua (%36), Mutriku (%31), Orio (%39) eta onenetan onena, Urnieta (%43)”. Nabarmendu dutenez Pasaiak portzentaje horiek gainditu ditu atez atekoa lau barrutietatik bitan bakarrik jarrita.
Azkenik, galdeketaren kontrako iritzia agertu dute: ” Ezin dugu konpartitu sistema on baten eta kaxkar baten artean herritarrek erabakitzeko eskubidea izatea” esan dute. Atez atekoa hondakinen inguruko Europako zuzentarauak betetzen dituela nabarmendu dute eta “mundu mailan erreferente bihurtzen gaituela” baieztatu dute.
