Edukiontzi urdin komunitarioak zabaldu nahi ditu udalak
Papera eta kartoia edukiontzi komunitarioen bidez bildu nahi du udalak. Horretarako, 240 litroko edukiera duten ontziak jaso ditu udalak eta interesa duten bizilagun komunitateek atez ateko bulegoan eskatu beharko dituzte. Edukiontziak komunitatetako soetoetan, garajeetan, zein hondakinen geletan jatzea proposatu du udalak, eta papera eta kartoia jaostzeko eguna tokatzen denean edukiontzia kanpo aldean utzi beharko dute ordutegiaren barne bizilagunek.
Edukiontzi komunitarioa eskatzeko, bizilagun guztien adostasun agiria aurkeztu beharko dute atez ateko bulegoan komunitateek, edukiontziaren kudeaketa komunitatearen esku izango baita. Erabilpen okerra emanez gero, berriz, udalak edukiontzia berreskuratu ahal izango duela jakinarazi dute.
Atez ateko bilketa hasi zenetik urtea bete dela eta, egindako esfortzua eskertu die udalak herritarrei, bestalde. Deialdia ere egin die bilketa modu zuzenean egin dezaten. Besteak beste organikoa biltzeko garaian kuboa erabiltzea derrigorrezkoa dela gogorarazi du udalak: “poltsa konpostagarria erabiltzea aukerakoa da, baina plastikozko poltsa erabilzten bada horren ordez, irekita utzi behar da kubo barruan”. Papera errafiazko poltsa urdinean atera behar dela eta konpresak eta pardelak egunero atera daitezkeela ere esan du errafiazko poltsa griseanazken horiek, eta higiene kontuagatik plastikozko poltsa batean sartuta. Arropa jasotzeko eduz¡kiontzi bereziak daudela Aralar eta Donibane kalean, eta bertan oihalezko materiala bota daitekeela esan du, betiere zikina ez badago.
Obra hondakinak garbigunera eraman behar direla gogorarazi du azkenik.
