Europa Ekialdeko etorkinen Astigarragako egonlekuaren gaineko dokumentala bihar, Amaian
SOS Arrazakeria taldeak Europa Ekialdeko etorkinek Astigarragan eraikitako egonlekua hizpide duen Balta Txuria. Balta Berdea. Urumearen zurrumurrua izenpeko dokumentala emango du bihar Amaia KZn, 19:00etan. Proiekzioaren ondotik, mahai-ingurua egingo dute Agustin Unzurrunzaga SOS Arrazakeriako kideak, Maite Olaziregi Astigarragako alkateorde eta irakasleak, Alfonso Gurpegi Eusko Jaurlaritzako Gizarte Gaietarako sailburuorde ohiak eta Sorina Lunca Balta Berdea kokaguneko bizilagun ohiak.
SOS Arrazakeria taldeak Europa Ekialdeko etorkinek Astigarragan eraikitako egonlekua hizpide duen Balta Txuria. Balta Berdea. Urumearen zurrumurrua izenpeko dokumentala emango du bihar Amaia KZn, 19:00etan. Proiekzioaren ondotik, mahai-ingurua egingo dute Agustin Unzurrunzaga SOS Arrazakeriako kideak, Maite Olaziregi Astigarragako alkateorde eta irakasleak, Alfonso Gurpegi Eusko Jaurlaritzako Gizarte Gaietarako sailburuorde ohiak eta Sorina Lunca Balta Berdea kokaguneko bizilagun ohiak.
Arartekoaren gomendioei jarraituta, eta Eusko Jaurlaritzaren zein Gipuzkoako Foru Aldundiaren lankidetzarekin, Europa Ekialdeko egonlekuko bizilagunak aintzat hartzea eta horiek erroldatzea onartu zuen Astigarragako Udalak 2012ko maiatzean. Zentzu horretan, 2017rako etorkin guzti horiek kanpamentutik kanpo egotea eta gizarteratzea aurreikusi dute inplikatutako administrazioek. Hortaz, Urumea ondoko egonlekuan bizi diren etorkinek zenbait baldintza onartu eta agiri bat sinatzera bultzatu zituzten.
Ikus-entzunezkoak Balta Txuria eta Balta Berdea izeneko kokagunean bizi diren etorkinen testigantzak jasotzeaz gain, erakunde publikoetako arduradunenak eta Astigarragako zein Hernaniko herritarrenak ere biltzen ditu. Denera, 17 lagun elkarrizketatu zituen SOS Arrazakeriak dokumentala osatzeko.