
Gaur zortzi abiatuko da Trintxerpen Musikaz Blai jaialdia, ostiralean, eta ekainaren 7an amaituko da. Astebeteko epean musika ardatz dute hamarnaka ospakizun izango dira Trintxerpen, gehientsuenak kontzertuak, baina baita, dantza, jolas, ikuskizun eta txapelketak ere.

Gaztak eta Hiruzta txakolinak uztartuko dituzte hilaren 31an Dasta Gazta & Txakoli dastamen tailerrean. 12:00etan hasiko da tailerra baina ordu laurden lehenago azaldu behar dute interesdunek.

Gaur egingo dute Gure Esku Dagoren aurkezpena, Itsas Etxean. Erabakitzeko eskubidearen alde ekainaren 8an Durango eta Iruñea artean egingo den giza katerako metroa oraindik erosi ez duten hondarribiarrek, egunero izango dute horretarako aukera, lanegunetan Itsas Etxea parean eta asteburutan Portuan.

Trintxerpeko alkateordetzan aurkeztu zuen atzo Jon Mayak Ondartxon eraikitzen ari diren San Juan galeoiaren proiektua. Albaolako Faktoriaren egitasmoa da, Donostia 2016 proiektuaren barruan kokatutakoa. Aurkezpena bera Antxon egingo du Jon Maiak datorren astean. Ostegunean izango da, hilak 29, 19:30ean, kultur etxean.

Emakumeetan Hibaika eta gizonetan Hondarribia izan dira Gipuzkoako trainerillen Ligako nahiz Txapelketako irabazleak. Aurreko asteburuan Mutrikun lortu zituzten behin betiko garaipen horiek eta asteburuan Euskadiko Txapelketa egingo dute estropada eremu horretan berriro.