2014/3

Steven Seagalek Hondarribian joko du uztailaren 10ean

Arte martzialetan iaioa, aktore bezala da ezagunagoa Seagal, baina eskarmentu handia du blues gitarrista bezala eta BB King, Bo Diddley edo John Lee Hooker bezalako musikari handiekin batera jo izan du.

admin

Jon Davozen Mitsubishiak irabazi du Rallysprinta eta lidergoa hartu du

Jon Davoz eta Vicky Gorrizen Mitsubishi Lancer Evo IX autoa izan zen azkarrena larunbatean Hondarribian egin zen VIII. Rallysprintean. 18 minutu eta 44 segundo behar izan zituzten 8,5 kilometroko ibilbideari hiru itzuli emateko. Zazpi segundoko tartea atera zioten Txus Jaiori (BMW 320) eta 25 segundo Aingeru Castrori.

admin

Iker Oliverik iazko bigarren postua errepikatu du, Talaia gogorrenean

Iker Oliveri hondarribiarrak bigarren postuan bukatu zuen atzo Fortuna elkarteak laugarrenez antolatutako Donostia-Hondarribia Talaia Trail lasterketa. Erlaitz elkarteko mugalariak 2 ordu 15 minutu eta 18 segundo behar izan zituen 31 kilometroko mendi lasterketa burutzeko. Nesketan irundarrak izan ziren Oarso Bidasoko azkarrenak.

admin

Allerruren 50. urteurrena ospatu dute lezoarrek

Gainezka egin zuen ostiralean Bekoerrotak Allerruren 50. urteurrenaren ospakizunaren harira. Sutargi, Aiton Borda, Atzeko Ate eta Parrokiko abesbatzek bat egin zuten eta haiek zabaldu zuten urteurrena ospatzeko ekitaldi ofiziala. Harmailak beterik, txaloka jarraitu zuten ikusleek Allerruren himnoa jo eta abestu zutenean. Lezoarrekin batera izan ziren Errealeko jokalari Elustondo eta Canales, Gipuzkoako Futbol Federazioko Presidentea Juan Luis Larrea,bertako idazkaria, Patxi Gabilondo, eta udalaren izenean Ainhoa Zabalo alkatea eta Mikel Arruti zinegotzia. Ekitaldiaren barruan Allerruren ekipazio berria eta taldearen ikur berria ere aurkeztu zituzten. Allerruren lehen garaietara jo zuten, bestalde, Lezoko elkartearen historia egiteko. Ondoko bideoan Manchester City taldeko jokalariak agertzen dira, Allerru zoriontzen. http://youtu.be/WiVye28xono

admin
Gehiago