
San Tomas azoka egingo dute etzi goizean Donibanen. Leloa, barruti horretan izanda, Lurra eta itsasoa uztartuz da. Eta lelo hori jarraitzen duten ekitaldiak antolatu dituzte Itsas Mendi elkarteak eta Itsas Gelak (Itsasaldia jaialdiaren barruan sartu du...

Dagoeneko aurkez daitezke lanak Mariasun Landa Sarietarako, eta urtarrilaren 31 arteko epea izango da horretarako. Aurten hirugarrenez aurkeztu du Berdintasun Kontseiluak lehiaketa hori, beste behin, gizarteko hainbat arlotan emakumeek Errenteria-Orere...

Joan den asteburuan Murtzian lehiatu ziren Hondarribiko Ama Guadalupekoa Judo Taldeko kadeteak. Bertako Infanta Cristina Goi Errendimenduko Zentroan kontzentratuta zegoen Espainiako selekzioarekin entrenatzeko aukera izan zuten, eta larunbatean Totana herrian lehiatu ziren, Espainiako Kopako proban. Guztira 300 kirolari elkartu ziren bertan eta Hondarribiko taldetik esan dutenez, “gure judoken jarduna oso ona izan zen”. Amets Sarasuak eta Lidia Yarzak lehen postua eskuratu zuten. Sarasuaren kasuan, irabazten duen Espainiako Kopako bigarren proba izan zen eta rankineko lehen postua sendotzeko aukera izan du. Iker Otegi gazteak ere oso txapelketa ona burutu zuen, baina finalean galdu eta bigarren geratu zen. Oier Goikoetxea eta Andoni Gorrotxategi bosgarren geratu ziren. Biek domina lortzeko aukera izan zuten baina brontzerako borroka galdu zuten. Bosgarren postuarekin rankinerako puntuak pilatu zituzten. Kadeteak Iruñean eta helduak Hernanin Asteburu honetan bi txapelketetan lehiatuko dira Ama Guadalupekoa klubeko judokak. Kadete Mailakoak Iruñeara joango dira, Espainiako Kopako beste proba batean parte hartzeko. Eta nagusiek Hernanin dute zita, udal kiroldegian egingo duten Euskadiko Txapelketan.

Futbola Ohorezko Maila Mondragon-Hondarribia. Igandea, 16:30ean Arrasateko Mojategi zelaian. Saskibaloia Emakumeen Liga Hondarribia Irun-Obenasa. Larunbata, 19:00etan, Hondartza kiroldegian. Eskubaloia Euskal Liga La Bacaladera Hondarribiak atsede...

Torrekua berritu zutenetik hutsik egon da, eta orain, hain zuzen, eraikina zerekin bete, horrexek sortu du ika-mika. Eraikina jantzi museo izateko xedearekin berritu zuten duela bi urte, Iraultza dantza taldeak urteak egin ostean nahi horren atzetik. Orain, ordea, udalak ostatu bihurtzeko asmoa azaldu du, eta dantza taldea sinadurak biltzen hasi da Interneten Torrekua jantzi museo izatearen alde (https://sites.google.com/site/torrekuamuseoa). Ramon Garcia Iraultza dantza taldeko kidearen arabera, udalak jantzi museoa irekitzeko dirurik ez zegoela azaldu zien, eta beraiek momentuan onartu egin zuten. Baina irekitzerik ez zegoela ikusita, euren burua aurkeztu zuten boluntario moduan museoa irekitzeko, “astean behin izanda ere”. Bilera horretan bertan, udalak eman zien irtenbidea Torrekuan ostatu bat irekitzea izan zela azaldu du Garciak. Iraultza proposamen horren kontra agertu da hasieratik, “urteak” baitaramatza Errenteria-Oreretan jantzi museoa irekitzearen alde lan egiten, eta Torrekuan egitekoak zirela eta, orain plangintza aldatzearen kontra daude, eta gainera, arrazoi ekonomikoak ere kontuan izan ditu. Ostatu bihurtzeko eraikin osoa berritu beharko litzatekeela esan du, egungoa museo izateko prestatuta dagoelako. “Beraz, ez dago dirurik museoa irekitzeko, eta bat-batean bai ostatu bat eraikitzeko”, gaineratu du Garciak. Proposamena bakarrik Errenteriako Udalak erantzun du ostatuaren gainean egindakoa “proposamena baino” ez dela, eta asmo sendoa agertu du Errenteria-Oreretan jantzi museoa egiteko: “Torrekuarako egiten [...]

Zigorra beteta, atzo ziren askatzekoak Juan Carlos Estevez Melli Errenteria-Oreretako presoa. Herenegun arratsaldean, ordea, espetxean bertan atxilotu zutela jakinarazi du Etxerat-ek, Espainiak eskatutako euroagindua dela eta. Gaua komisaldegian pasatu...

Gabonetako I. Areto-Futbol Elkartasun Txapelketa antolatu du Behobia Kirol Klubak abenduaren 29 eta 30erako eta urtarrilaren 5 eta 6erako, Artalekun. Irabaziak Minbiziaren Aurkako Elkartearentzat izango direla jakinarazi dute gaur Behobia Kirol Klubeko Juan Carlos Arranzek eta Pedro Alegre Kirol zinegotziak. Izen-emate epea zabalik dago oraindik eta gehienez, 5-10 lagunek osatutako 20 talde lehiatu ahal izango dira. Hala, parte hartzeko interesa dutenek Arranzekin harremanetan jarri beharko dira 657716154 telefono zenbakian. Talde bakoitzaren izen ematea 150 eurokoa izango da. Larunbateko partidak 08:00etatik 20:00etara jokatuko dira, eta igandekoak 09:00etatik 13:30era.

Mikelazulok literatura eskola antolatu du etzirako, 10:00etan, elkartean. Karlos Del Olmo EIZIEko kide eta itzultzaileak bere gremiokoei buruz hitz egingo du. Hala, lehen itzultzaileak nortzuk izan ziren azalduko du, eta euskarara zein ekarpen egin zut...

Errenteriako Tokiko Gobernu Batzarrak ezohiko eta presazko bilera egingo du bihar goizean, 08:00etatik aurrera. Besteak beste, zerga bilketako langile exekutibo lanpostua betzeko lehiaketa deitu eta lehiaketa horren oinarriak ere onartu beharko dituzte...

Hirigintza eta Mantenu Departamentuak jakinarazi duenez, atzo hasi ziren Basanoagako igogailua kentzen, eta hortik aurrera, obrak azken fasean sartuko dira. Astelehen goizean sinatu zuten Julen Mendoza alkateak eta obren UTE eta hornitzaileek akordioa,...

Tamainak inporta duen ala ez berebiziko eztabaida omen da posmodernoen artean. Gaur arratsaldean, baina, tamainak garrantzia handia duen erakusketa zabalduko dute San Pedroko Udal Aretoan: 12 cm. Inaugurazio ekitaldia 19:30ean hasiko da. Udalerrian tradizio handia du erakusketak. Izan ere, antolatu duten hamazazpigarren aldia izango da aurtengoa. Bertan, gehienez, hamabi zentimetroko luzera edota zabalera daukaten artelanak ikusteko aukera izango da. Hasi zenetik, 90eko hamarkadaren erdialdetik, ez da artelanen tamaina aldatu. Artearen hainbat diziplinetako lanak aurki daitezke erakusketa horretan: pintura, serigrafia, eskultura, argazkigintza… Urtarrilaren 13ra arte, zabalik Erakusketa gaurtik hasita urtarrilaren 13ra arte egongo da irekita. Astegunetan zein larunbatetan arratsaldez egongo da zabalik, 19:00etatik 21:00etara. Igande zein jaiegunetan, berriz, 12:00etatik 14:00etara irekiko ditu ateak Udal Aretoak. Hilaren 21ean, 24an, 25ean eta 31n, zein urtarrilaren 1ean, 5ean eta 6an itxita egongo da erakusketa.

Bihar, larunbatarekin egingo dute Sortu alderdiaren eratze prozesuaren bigarren bilera Hondarribian, 09:00etan Muaran. Azaroaren 24an egin zuten lehenengoa eta deitzaileak oso pozik geratu ziren agertutako jendearekin eta izan zuten parte hartzearekin:...

Masta eta Iñaki Stepi. Bad Sound System taldeko kideak Bihar kontzertua emango du Bad Sound System taldeak Psilocybenean, 22:00etan. Azken diskoa, ‘Aldaketa’ izenekoa, aurkeztuko dute, baina laster hamar urte beteko dituztenez, «sekulako festa» egingo dute bidean lagun izan dituzten askorekin. Hamar urte beteko ditu 2013an Bad Sound System talde irundarrak. Urte horietan taldeko kideak pertsona bezala aldatu dira, baita musikalki ere, nahiz eta reggae eta hip-hop erritmoak beren oinarri izaten jarraitzen duten. Bilakaera horren isla da Aldaketa diskoa, haien bizitzan izan duten eta gizartean gertatzea nahiko luketen aldaketena. Bihar festa handia egingo dute Hondarribiko Psilocybenea aretoan. Hamar urtean kolaboratzaile izan dituztenak gonbidatu dituzte, eta horietatik 21 igoko dira taulara, tartean Alemania, Frantzia edota Italiatik etorritakoak. Taldeko kide Stepi eta Mastaren arabera, «ezingo da errepikatu». Hamar urte beteko dituzue laster, eta orain arteko disko osatuena kaleratu duzue. Sasoi onean zaudete. Masta: Urteekin ipurdia gogortzen zaizu nolabait, eta hori alde dugu. Oso pozik gaude atera denarekin. Bilakaera bat izan dugu, eta gauza pila bat bizitu ditugu, eboluzionatzera eramaten gaituztenak. Egin dugun bideak ekarri gaitu honaino. Stepi: Musika zale amorratuak gara, estilo pila bat entzuten ditugu, eta hori diskoan oso ondo islatu da. Diskoaren izena Aldaketa da. Behar bat adierazteko, borroka bat… Zergatik [...]

Negua berotuz, goiburu horrekin hainbat ekitaldi antolatu ditu Saindua gaztelekuak hilaren 26, 27 eta 28rako. Ekintza guztietan parte hartzeko ezinbestekoa da aldez aurretik izena ematea, behar bezala antolatzeko aukera izan dezaten. Hilaren 15a da izena emateko azken eguna, Sainduan bertan. Interesdunek 943 64 31 08 telefono zenbakira deitu edo helbide honetara mezu bat bidali behar dute informazioa eskatzeko. Hilaren 26an Futbol 7 eta Laser Ball txapelketak egingo dituzte Hondartza kiroldegian. Futbol 7koa goizez izango da, 10:00etan hasita, eta Laser Ballekoa 16:00etan. Horrela, nahi duenak bietan parte har dezake. Hurrengo egunean, hilaren 27an, Gouretteko eski estaziora irteera egingo dute, eskiatzera joan nahi duenarentzat. 06:00etan aterako dira Sainduatik. Eskiatzera joateko irteera da gaztelekuak antolatu dituen ekintzen artean ordaindu beharreko bakarra. Eta azken egunerako, 28rako, festa handia egingo dute. Goizean Bikingo altxor-bilaketan jolastuko dira eta “bikingo jantzi hoberena duenak bonifikazioa izango duela” esan dute gaztelekutik. Eta arratsaldean izango da festa. Musika egongo da, txapelketetako sari banaketak, etabar.

Felix Manso eta Angela Basabe sukaldari irundarrak zuzendutako Gaztelumendi-Antxon jatetxeak Repsolek banatutako gidaren lehen mailako Eguzkia jaso du, Irun Gehi Gastronomiak jakitera eman duenez. Repsolek hainbat kategoriatan banatzen ditu Eguzkiak eta Gaztelumendi-Antxon jatetxeak jasotakoa, kalitate ezinhobearen eta orotariko eskaintzaren adierazlea da. Halaber, jatetxea bera, hiria, eremuko gastronomia maila, eta kalitate-prezioa kontuan hartzen ditu. Angela Basabe sukaldaria “asebete” agertu da sariarekin. “Inoiz ez duzu sariengatik lanik egiten, baina gisa honetako errekonozimenduak iristen direnean, harrotasunez betetzen zaitu”, gaineratu du. Felix Manso bere aldetik, saria “erronka” berri bat dela adierazi du: “errokonozimendua da, baina hobetzeko helburua ezartzen digu”.

Oiarso Saskibaloiak bigarren entrenamendu saioa antolatu du Alebin Mailako haurrei zuzenduta (2001-2002an jaiotakoak). Don Boscoko kiroldegian izango da (Basanoagako eskolatik sartu beharko da); 10:00etan neskentzat eta 11:30ean mutilentzat. Senior Mai...

2013ko aurrekontuak astelehenean aurkeztuko ditu udalak, 18:30etik aurrera, Merkatuzarren. Errenteriako Udalak adierazi duenez, udal ordezkari zein teknikariak herritarrekin batera aritu dira aurrekontu horiek egiten, “zenbakiak egiten, lehentasu...

Etzi kale ekintza Arditurrin izango da, 16:00etatik aurrera. Txondorra piztuko dute ordu horretan, eta musika eta gaztain jatea izango dira. Animatzeko deia egin diete 6-12 urteko haur eta gaztetxoei, baita horien gurasoei ere. Ikazkin talde batek egun...

Errenteria-Oreretako Lorena bizilaguna etxetik kaleratzeko prozesuan sartuta dabil, eta atzo hori salatzeko elkarretaratzea egin zuten Donostian. Bertan parte hartu zuten udaleko zenbait ordezkarik, kaltetutakoari euren elkartasuna adierazi eta egoera ...