
Bertha Gaztelumendi irundarrak zuzenduriko Mariposas en el hierro dokumentala eskainiko dute ostiralean Itsas Etxeko Auditoriumean, 20:00etan. Hainbat motako indarkeria jasan duten emakumeei buruzko ikus-entzunezkoa da Mariposas en el hierro, Berdintas...

Klasikoak Badatoz egitasmoa martxan jarri du Mikelazulo kultur elkarteak, eta igandean, pieza klasikoak landuko dute elkartean. Berpizkundetik gaur egunerainoko musika klasiko eramatea proposatu du Mikelazulok, eta gero joaten diren aurrean aurkeztea, pieza horren azalpen bat emanez. Ekimen hori igandean izango da, 10:30ean, Mikelazulon. Pieza horiek artxibo digitalean, CDan edo biniloan eramateko eskatu dute.

Antxoko kantu jirak bost urte beteko ditu asteburu honetan. Larunbat honetan ospatuko dute, San Tomas azokarekin batera, urteurren hori. Horrela, Lore Txorta elkartearen arkupeetan jarri dute zita, 11:30ean, eta herriko kaleetan zehar ibiliko dira kant...

Asteburuan atseden egin du Hondarribia-Irun saskibaloi taldeak. Emakumeen Ligan 11 talde daudenez, astebururo batek ez du jokatzen, eta azken jardunaldian hondarribiarrei tokatu zaie. Baina adi-adi egon dira besteek zer egiten zuten ikusteko, Erreginaren Kopa zeintzuk jokatuko duten zehazteko bi aste besterik ez baitira geratzen. Sailkapeneko lehengo laurek irabazi zuten eta, antza, talde horiek dira Kopa jokatzeko aukera gehien dituztenak: Rivas da lider (bederatzi garaipen), ondoren Unigirona eta Perfumerias Avenida daude (sei), eta Tintos de Toro (bost). Eta hurrengo sailkatua da Hondarribia-Irun, 4 garaipenekin. Rivasek eta Tintos de Torok ez dute oraindik atsedenik hartu eta horrek esan nahi du, Anne Peñaren neskek hurrengo partida irabaziz gero, laugarren postuan berdinduko luketela Tintos de Tororekin. Liderrari irabazi beharra Hondarribia-Irunek aukerak ditu, baina zaila izango da. Batetik, geratzen diren bi partidak irabazi beharko lituzte, eta azken jardunaldia porrotik gabe dagoen Rivasen kontra jokatuko du. Eta, bestetik, irabazita ere, aldeko puntuak pilatu beharko lituzke, Tintos de Torok sartutako eta jasotako puntuen diferentzia oso aldekoa baitu momentuz. Sailkatzeko beste aukera bat litzateke Tintos de Torok datorren asteburuko partida galtzea. Zamorako taldeari partida bakarra geratzen zaio jokatzeko, sailkapeneko azkenaren kontra. Tintos de Torok Bembibrerekin galdu eta Hondarribia-Irunek bi partidak irabaziz gero, Hondarribiko taldeak Erreginaren Kopa jokatuko luke, [...]

Euskadiko Squash Masters Txapelketa egingo dute larunbatean Hondarribiko Hondartza kiroldegian. Euskadiko Squash Federazioak eta Hondarribiko Udalak antolatzen dute eta Hego Euskal Herriko hamar squash jokalari onenetatik zortzik parte hartuko dute.Ber...

Laurak Bat Pasaiako merkatari elkartea haserre dago udalak ez dituelako Gabonetako argiak jarriko aurten. “Gure elkarteak egindako proposamenaren harira, udalak hartu duen jarreraren aurrean suminduta gaude. Udalak ez du jarriko Gabonetako argiteriarik hain data seinalatuetan”. Elkarteak esan du badakitela zein den udalaren egoera ekonomikoa, “baina gu ere egunez egun egoera hori jasaten ari gara, eta ez gara baloratuta sentitzen, eta ez dugu gure udalaren babesa jasotzen hain une zailean. Komertzio txikia arriskuan ikusten dugu”. Gabonetako argiteriaren harira Laurak Batek hartu duen jarrera euren “borondatearen eta jokatzeko eraren kontrakoa” izan dela jakinarazi dute, “baina akordiora heltzeko ahalegina egin dugu arduradun politikoekin, eta ez da akordiorik izan. Espero dugu udalak gogoeta egingo duela”. Udalaren erantzuna Udalak, bere aldetik, egoera azaldu du. Izaskun Biurrun Zerbitzu zinegotziak esan du Oarsoaldeak diru partida ematen zuela enplegua sustatzeko. “Aurreko urteetan elektrikariak kontratatzen ziren, eta argiteria jartzen zuten eurek”, adierazi du, “baina aurten Jaurlaritzak diru partida horiek moztu ditu eta ez dugu baliabiderik ez dirurik”. Merkatariei proposamen bat egin zieten, baina eurek dirurik ez dutela jakinarazi zieten. Datorren urterako irtenbide bat aurkitu nahi dutela esan du Biurrunek, eta aurten maniobra egiteko denbora gutxi izan dutela adierazi du. Borondate faltarik ez dagoela gaineratu du.

Itsasaldia bigarrenez egingo dute Pasaian. Asteburu honetan izango da, larunbatean eta igandean, eta badiaren bi aldeak lotuko ditu. Itsas Gela, Badia Eskola eta Itsas Mendi elkartea aritu dira antolakuntza lanean, udalerriko beste hainbat eragilerekin batera. Jaialdia larunbatean hasiko da, San Pedron. Ekitaldi batean, bertako itsas eragileek euren lana ezagutaraziko dute, “jarduera dibertigarrien bitartez”, antolatzaileek jakinarazi dutenez. Torreatze inguruan izango dira. Bertan izango dira itsasoarekin harremana duten hainbat eragile. Hala, Azti-Tecnaliak lupa eta mikroskopioen bitartez arrainen adina kalkulatzeko teknikak erakutsiko ditu. Kofradiako arrantzaleek, berriz, eguneroko lana ezagutaraziko dute. Itsasontzietan erabiltzen diren korapiloei buruzko ikastaroa emango dute Pasaiako Nautikak zein Arrantza Eskolak. Udalerriko ondare naturala erakusteko txangoa antolatuko du ere Itxas Zerbik. Ondartxo ere jaialdiaren topaleku izango da. Horrela, San Joan galeoiaren maketaren eraketa ikusteko aukera izango da bertan. Jarduera horiek guztiak gutxi balira, beste hainbat gehiago egingo dituzte San Pedron: etxeko arraun taldeak arraunketa izango du hizpide, Dantzaguneak “itsas dantzak”, Portu Agintaritzak bere jardunari buruzko azalpenak emango ditu, eta Buceo Donostik urpekaritza tailerra antolatuko du. Ibilbide horietan parte hartzen dutenen artean, Mater ontzi-museoan “itsas gauak” banatuko dituzte. Itsasoari lotutako jarduerez gain, musika, antzerkia zein haur jolasak egingo dituzte. Gainera, bakailao txapelketa egingo dute, eta pintxoak banatuko dituzte bertara hurbiltzen direnen artean. [...]

Emakumeen Kontrako Indarkeriaren Aurkako Nazioarteko egunaren karietara, HITZA egunkarian irakurri nuen Hondarribiko Udalak adierazpen instituzionala onartu zuela eta testuan, indarkeria matxistaren aurkako gaitzespena egiten zuela: “Emakumeengan...

Bihar, asteazkenarekin, bilera egingo dute Muara elkartean, 19:30ean, tabernaren etorkizunaz hitz egiteko. Duela bi aste egin zuten azken bilera, zenbait proposamen egin zituzten eta bi asteko epea adostu zuten proposamen berriren bat ateratzen zen iku...