Bilduren udal taldeak eta Ezker Batua-Berdeak alderdiak azaroaren 25eko Emakumeen Aurkako Indarkeriaren Kontrako Nazioarteko Egunaren inguruko iritzia jakitera eman dute. Bilduren kasuan, udal gobernuak onartutako deklarazioan abstenitu izanaren arrazoien nondik norakoak azaldu ditu Oinatz Mitxelena bozeramaileak. Hala, taldekidearen aburuz, “halako egun batean deklarazio bat egitea ez da nahikoa. Azaldutakoaren arabera, ez daude onartutako testuaren aurka, baina Irungo errealitatea islatzen ez duela uste dute. “Testu oso orokorra da eta bertan agertzen diren hitz batzuekin egia da ez gaudela ados”, adierazi du. “Herritarrei konpromisoa hartzeko eskatzen zaie, udalak konpromisorik ez duenean hartzen”. Izan ere, udal gobernuak hartutako konpromisoak “orokorrak eta zehaztapenik gabekoak” direla uste du. Horiek horrela, lehenik eta behin, Berdintasun arlo bat eratu beharko litzakeela uste dute Bilduko zinegotziek. Behin baino gehiagotan luzatutako eskaera dela azaldu du Mitxelenak, eta “errepikatzen” segituko dutela ohartarazi du. Saiatu programa eta Alardea Gipuzkoako Foru Aldundiak garatutako Saiatu programa bertan behera utzi izana leporatu diote Bildu udal taldeko zinegotziek udal gobernuari, “eta kezkaz hartzen dugu”, gaineratu dute. Hala, Emakumeen arloa, emakumeen txokoa… garatzeko proposamenak egiten jarraituko dutela adierazi dute. Bestalde, Alardeaz ere mintzatu da bozeramailea. “Irunen badago emakumeen kontrako eraso bortitz bat Alardearekin. Emakumeen eskubideak ez dira bermatzen eta hori ere beti edukiko dugu gure ahotan. Konponbidearen [...]
Añarbeko baso erreserba izendatzeko erabakiaren gainean oraindik ez du Gipuzkoako Foru Aldundiak pausorik eman, eta Ekologistak Martxan, Eguzki eta Haritzalde talde ekologistek “ardura” eskatu diote erakundeari. Zentzu horretan, “ona...
Kristina Brit (Oiartzun, 1966) Gezak-eko arduraduna da, kiroldegia daraman enpresakoa. Egutegia erabakitzeko bozketaren nondik norakoak azaldu ditu. Zer bozkatuko dute erabiltzaileek? Udako lanak bi astean edo hirutan egin. Itxialdiak zenbatekoa izan...
EAT Errenteria Atletismo Taldeko atletak Txingudiko krosean izan ziren igandean, Irunen. Guztira, hamabi kirolari federatuk parte hartu zuten, eta eskolartekoetan, berriz, 11k. Guztietan markarik onena Mercedes Bautistak lortu zuen, Beteranoen Mailan bigarren iritsi baitzen helmugara 9:17ko denbora eginez. EATko gainontzeko lau emakume beteranoak lehen hamarren artean sailkatu ziren. Gizonetan, berriz, 4.380 metroko ibilbidea zeukaten egiteko, eta EATeko atleten artean denborarik onena Alberto Chaconek egin zuen. Hamaikagarren iritsi zen, 15:16ko denbora eginez. Gazte Mailan, berriz, ordezkari bakarra eduki zuen EATk, Igor Arrieta. 5.370 metroko ibilbidea egin zuen, 21 minutu eta 6 segundotan. Azkenik, eskolartekoen kategorian, Nahia Vicentek egindako lana nabarmendu dute EATko kideek. Podiumera igo zen, helmuga bigarren tokian zeharkatu ondoren. 1.530 metroko ibilbidea osatzeko 5:33 egin zuen. Horrez gain, Haurren Mailan, taldeka, hirugarren geratu ziren EATko neskak.
Outdoor kirolen Mendiexpo eta akzio kirolen Sportjam azoka larunbatean abiatuko da Ficoban. Lehenaren bederatzigarren ekitaldia eta bigarrenaren zazpigarrena izan arren, aurtengoan indarrak metatu eta azoka bakar bat egitea hobetsi dute antolatzaileek. Horien arabera, “publikoari tamaina eta erakargarritasun handiagoko ekitaldi bat eskaintzea da itun horen helburua”. Feria bakoitzak Ficobako pabilioi bana hartuko du eta era horretan, bisitariek azoka bakoitzaren eskaintzak argi identifikatu ahal izango ditu. Monica Alday Mendiexpoko zuzendariaren arabera, “bi azokek nortasuna mantentzea da kontua, baina elkarren osagarri direla baliatuz”. Horiek horrela, Mendiexpo guneak “erakargarritasuna eta hedapena” uztartuko ditu. Antolatutako ekintzen artean, Banffeko Mendi Zinemaldiko ikus-entzunezkoak nabarmendu ditu azokako antolakuntzak. Horrez gain, MendiART Mendietako Herrien Kulturen Jaialdiaren lehen ekitaldia antolatu dute eta Aragoi izango da gonbidatu berezia. Olga y los Ministriles folk musika taldearen kontzertua ere izango da. Sportjam azokan bestalde, surf, skate, snow eta scooter –mikropatina– kirolak protagonista izango dira. Antolakuntzatik adierazi dutenez, “ekintza kirolak maite dituen publiko gazteari” zuzenduta dago batez ere azoka, eta zenbait jardueretan parte hartzeko aukera ere eskainiko da, tartean, igerilekua, skate pista, finger board…
Geroz eta atxikimendu handiagoa lortzen ari dira espetxeratzeko arriskuan dauden sei gazte auzipetuak, eta Lau Haizetara Euskaldunon Elkartea ere batu zaio. Elkarteak “erabat lekuz kanpokotzat” jo ditu gazteei egotzitako zigorrak —sei eta...
Xehetasunen kultura ikastaro praktikoa antolatu du Bidasoa Bizirik erakundeak Anfitrioiak prestakuntza programaren baitan. Basquetourrek Euskal Autonomi Erkidegoko eskualde guztietan abian duen turismo enogastronomikoa bultzatzeko planaren baitan antolatutako jarduera da eta turismoaren sektoreko profesionalei zuzenduta dago. Azaroaren 27an asteartearekin garatuko da ikastaroa eta izen emate epea bihar bukatuko da. Bidasoa Bizirik-en arabera, Irunen eta Hondarribian “turistek egin ahal dituzten planak zuzenean” profesionalei erakustea da jardueraren helburua. Era horretan, “bisitarei proposatzeko plan eta esperientzia gehiago edukiko dituzte”. Ibilbidea Ikastaroko parte hartzaileek Oiasso museoan egon beharko dute asteartean, 15:30ean. Tren berdeak bertan jasoko ditu eta Irugurutzetako labeetara eramango ditu. Horren ondotik, Ola sagardotegira abiatuko dira eta bisita gidatu bat egingo dute bertan. Horiek horrela, handik Hondarribiko Hiruzta txakolindegira autobusez eramango dituzte parte hartzaileak eta bisitaren ondotik, ikus-entzunezko bat ikusiko dute ikastaroari bukaera emanez. Ikastaroan parte hartu nahi duten lagunek turismo bulegoetan edo 943615458 telefono zenbakian izena eman dezakete.
Txakurkrosa Oarsoaldean taldeko korrikalariek ongi baino hobeto hasi dute denboraldia. Batik bat, Naiara Casi larratxoarrak. Espainiako Kopako lehenengo lasterketa irabazi zuen Ruka txakurrarekin, Zizur Nagusian (Nafarroa) hilaren 10 eta 11n egindako lasterketetan. Ez zuen zorte bera izan Urrotzen Iban Angulo lezoarrak. Hilaren 18 eta 19an jokatutako Nafarroako Txapelketan parte hartu zuen Triziklo Mailan, eta laugarren postuarekin konformatu behar izan zuen lasterketan zehar hainbat arazo izan ostean. Lehenengo egunean txakur batek min hartu zuen, eta bigarrenean, hiru txakurrekin lehiatu zen, beraz. Eskualdera ere etorriko da lehia: urtarrilaren 27an, Donibanen; martxoaren 10ean, Errenteria-Oreretan, eta hil horren 31n, berriz, Oiartzunen. Denboraldiko probak Espainiako Kopa: Abenduak 2, Cercedilla (Madril, Espainia). Abenduak 15-16, Vallgorguina (Bartzelona, Herrialde Katalanak). Urtarrilak 13, Liencres (Kantabria, Espainia). Urtarrilak 27, Donibane. Otsailak 17, Corrubias (Gaztela eta Leon, Espainia). Martxoak 3, Rodeiro (Pontevedra, Galizia). Gipuzkoako liga: Abenduak 9, Donostiako Txakurkrosa (Ulia). Urtarrilak 20, Zumaiako Txakurkrosa (behin-behinekoa). Urtarrilak 27, Jaizkibelgo Txakurkrosa. Otsailak 24, Tolosako Txakurkrosa. Martxoak 10, VI. Errenteriako Txakurkrosa. Martxoak 31, II. Oiartzungo Txakurkrosa.
BTT irteerak egiten hasiko dira abenduan eskualdeko ibilbideetan, eta animatzen diren txirrindulari guztiak Errenteria-Oreretan bilduko dira, Galtzarabordako topoko geltokian, 09:00etatik 13:00etan. Irteera horiek txirrindulari gazteei zuzenduta daude,...
Android eta iOS gailuetan erabil daiteke; Antxeta Irratiak garatu zuen iaz, Berria Bekan jasotako laguntzarekin Oiartzun Irratia sakelakoetan ere entzun daiteke orain, Uhinbak izeneko aplikazioarekin. Android eta iOS sistema eragileak dituzten gailueta...
Yemamah taldeak Brasilgo doinuak ekarriko ditu Errenteria-Oreretara, gaur gauean. Kontzertua 22:30ean izango da De Cyne Reyna tabernan. Brasil eta Euskal Herriko kideekin osatutako taldea da Yemamah, eta horrek ere taldearen aniztasunean eragina izan d...
Fatimako parrokian, gaur, 20:00etan, gazteen txanda izango da Andra Mari Abesbatzaren Santa Zezilia zikloan. Musika tailerra lehenik, Mutilak gero, eta segidan, Orereta Txiki abesbatza, Orereta eta Oinarri abesbatzak igoko dira taulara. Kontzertua hiru...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
