
Aste osoan zehar, gaurtik, Hendaiako eta Pausuko hainbat tokitan OARSO BIDASOKO HITZA jasotzeko aukera dute hala nahi dutenek. Banaketarekin izandako arazoak direla-eta hartu du HITZA-k neurria. Honako tokietan jaso daitezke egunkariak: Hendaiako Herr...

Giro paregabearekin eta parte hartze handiarekin aurrera doaz Madalen Jaiak. Oraindik, baina, bi egun oso daude aurretik, 48 ordu, eta denen neurrira antolatutako hamaika ekitaldi geratzen dira jaiekin gozatzen jarraitzeko, aurtengo jaiei agur esan aurretik. Koadrilen eta Erretiratuen Eguna izan zen atzokoa. Lehenengoek aurreikuspen guztiak txiki utzi zituzten, 670 lagunek hartu baitzuten parte Agirre Lehendakariaren plazan antolatutako bazkarian. Eguzkiak ere ez zuen kale egin nahi izan laranja bilakatu zen txosna gunean. Gogotik berotu zuen, bazkarirako itzalik harrapatzerik izan ez zutenen zoritxarrerako. Idi-demak Pontikan Giroa, baina, goizean goizetik jarri zuten herriko koadrilek. 10:00etan hasi ziren estreinakoz antolatu zuten lehiaketarako entsaladak prestatzen. Batzuk landuagoak eta beste batzuk, berriz, prestatzen errazagoak, guztiak bazkariko lehen platera bihurtu ziren. Paella erraldoiarekin lagundu zuten entsalada, eta otordua ongi bukatzeko, kaferik ez zen falta izan. Bazkaria eta gero, berriz, koadrilek antolatu eta DJ Bullek girotutako poteoak hartu zituen kaleak. Bestelako hautua egin zuten Pontika aldera jotzea erabaki zutenek. Bertan idi-demen madalenetako hogeita hamalaugarren saria egin zuten atzo, goizez eta arratsaldez. Asko izan ziren bertara hurbildu zirenak. Zahar egoitzakoak ere jaietan Txikienak, berriz, hamarnaka eta haien gurasoak atzetik, Xanti eta Maialen erraldoiekin batera ibili ziren eguerdiaz geroztik herriko kaleetan barrena, buruhandietatik ihesi. Zahar egoitzakoek ere jaiekin bat egin [...]

Hondarribiak Pasaiako Portu Agintaritzaren Bandera irabazi zuen herenegun, eta San Miguel Ligako lidergoari eutsi dio. Mikel Orbañanosen mutilek Pasaian erakustaldia eman zuten, eta garaipena lortzeko azken luzean, Kaiku nabarmen atzean uztea lortu zuten. Ziabogak erabakigarriak izan ziren Pasaiako estropadan, eta Hondarribiak azkeneko maniobra ederki egin, eta 19 minutu eta 47 segundotan gelditu zuten kronometroa. Sestaoko trainerua bigarrena izan zen hamar segundora, eta San Juan hirugarrena iritsi zen, hamabira. San Pedro, estropadaren antolatzailea, bosgarren postuan sailkatu zen, hemezortzi segundora. San Juanek irabazi zuen bigarren txanda. Hala, ohorezko txandako ontziek arrosen denbora gainditzea izan zuten helburu, eta Hondarribiak eta Kaikuk bakarrik lortu zuten hori. Sailkapen nagusian, Hondarribiko ontziak Kaikurekin zuen aldea bi puntu handitu du, hala, 87 puntu dituzte berdeek. Urdaibai da hirugarrena, San Juan laugarrena, Tiran bosgarrena eta San Pedro seigarrena. Larunbatean, Ribamontan al Marren (Kantabria, Espainia), jokoan izan zuten GP Dynasol bandera, eta Hondarribia hirugarren, San Pedro laugarren eta San Juan bosgarren sailkatu ziren. Kaikuk eraman zuen bandera etxera. Nesketan, laugarren San Juan Euskotren Ligako bi estropada jokatu dituzte asteburuan. Hirugarren sailkatu zen San Juan herenegun Pasaian, eta laugarrena izan zen larunbatean Ribamontan al Marren. Zumaiak irabazi zuen Pasaian, eta Rianxeira Mecaliak Kantabrian. Sailkapen nagusian Zumaia dago lehen postuan, Rianxeira [...]

Gipuzkoako Lurralde Auzitegiak 11 urteko espetxe zigorra jarri dio Jose Maria Bravo Gipuzkoako Ogasuneko Irungo bulegoko zuzendari ohiari. Haren emazte Rosa Cobosi, berriz, hiru urte eta lau hilabetekoa. Udaberrian egin zieten epaiketa eta, besteak bes...

Aurreko batzarraldiko aktaren onarpena. Laikotasunari buruz Bilduk aurkeztutako mozioa. Epaitegi Gorenak emandako epaiaren berri ematea, Udalbatzak 2008/02/18an harturiko erabakia deuseza deklaratzen duena. Epaitegi Gorenak emandako autoaren berri ema...

Herenegun zabaldu zuten Ficoban Arteando, arte garaikidearen feria. 50 erakusketarien artean, Irungo Udalaren stand-a dago, eta aurten, artista gazteen aldeko hautua egin dute udaleko ordezkariek, eta gaur bertan aurkeztu dute postua gazteek, eta udaleko kideek. Belen Sierra Kultura zinegotziak azaldu duenez, sortzaileei askatasuna eman diete azokan hiriaren irudia zein izango den erabakitzeko orduan, eta arlo publikoaren eta pribatuaren arteko elkarlana nabarmendu du: “Horrela, gazteek, egiten dutenaren berri emateko aukera gehiago izango dituzte, eta aldi berean, hiria kultur sorkuntzan ezagutarazteko bidea izango da gazteek jorratuko dutena”. Hilaren 23ra arte izango da zabalik Ficobako feria.

San Miguel Ligaren barruko zortzigarren estropada eta Euskotreneko laugarrena jokoan izango dute bihar (igandea), 12:00etatik aurrera, Pasaiako badian. Gizonen kasuan Pasaiako Portu Agintaritzaren II. Bandera izango dute jokoan ligako hamabi traineruek; emakumeak Euskotren Banderaren bila joango dira. Berezitasun bat dute, ordea, biharko bi lehiek: luzeak ohikoak baino motzagoak izango direla, hortaz, normala baino ziaboga gehiago eman beharko dituzte ontziek. Pasaiako badiaren barruan, portuaren eremuan, izango dira lehiak. Lemazainen lana, beraz, erabakigarria izango da. Izan ere, gizonek sei luze eta bost ziaboga egingo dituzte, eta emakumeek hiru luze eta bi ziaboga. Sanpedrotarra Arraun Elkarteak antolatuko du biharko estropada. Horregatik, bi banderen aurkezpenean, bertan izan zirenek esan zuten sasoiko estropada “berezi eta politenetakoa” izango dela biharkoa, bai eremuagatik, baita Pasaiak duen arraun tradizioagatik: aukera dago San Juan eta San Pedro txanda berberean ateratzeko, garai bateko norgehiagoka historikoetan bezala. Hondarribia da bandera irabazteko faboritoetakoa, Kaiku eta Urdaibairekin batera. Biharko txandak, gaurko Ribamontan al Mar Banderaren (18:00etatik aurrera, Pedreñan) emaitzen arabera antolatuko dituzte. Ikuskizuna ziurtatuta dago.

Atzoko udalbatzarrean onartutakoaren gaineko iritzia eman du Pasaiako PSE-EEk. Sozialisten arabera, udalaren eta San Markoren arteko hitzarmena “aldez aurretik hitzartutako erabakia” izan da, eta zentzu horretan, bereziki kritikatu dute Ezk...

Derio izan da errezeta elektronikoa erabil daitekeen lehen herria, baina irailetik aurrera beste zenbait herritan ere erabili ahal izango da, eta Hondarribia da horietako bat. Horrenbestez, hemendik hilabete pasatxora farmazietan e-rezeta edo errezeta ...

Lezoko PSE-EEk legegintzaldiaren balantzea egin du, eta nota jarri dio Bilduren udal gobernuaren kudeaketari: “zero, edo zero azpitik, hondakinen gaia kontuan hartzen badugu”. Aurreko gobernu taldearekin “aldaketarik ez dagoela” zehaztu du Mikel Antxon Arrizabalaga Lezoko zinegotzi bakarrak. “Betiko ezker abertzalea da, hauteskunde marka ezberdinekin, eta pertsona ezberdinak diren arren, jarraikortasun politiko osoa dago”. Horrela, gobernu planik ez izatea egotzi dio Bilduri, eta lau urterako plan ekonomiko bat egitea eskatu die. “Gainera, 2012ko aurrekontuetan esan daiteke inbertsioa zerora jaitsi dela”. Arrizabalagaren ustez, udal gobernuak egin duen “gauza bakarra” nahasmena sortzea izan da. “Oiartzungo udaltzaingoarekin egindako patruila bateratua bezalako okurrentzia izan zuten. Urteetan dirua galdu ondoren, Ertzaintzari utzi diote zerbitzua, orain dela urteak egin behar zuten zerbait denean”., esan du. “Inkoherentziak” ere gaitzetsi ditu PSE-EEko zinegotziak. “Musika eskolako hainbat irakasleren dedikazioa jaitsi dute, udaltzainen gaueko zerbitzua kentzeagatik konpentsatzeko. Zerbitzu eskaintzen ez bada, ez da ordaintzen. Gauza hori bera esan dezakete musika eskolako irakasleek”. Hala ere, horren atzean arrazoi bat dagoela uste du: “Mesede sindikalak ordaintzeko balio izan du”. Kale argiteriarekin izandako afera ere izan du hizpide. “Kale batzuetako farolak itzaltzea ateraldia izan da”, adierazi du, eta eraginkortasun energetikoko plana egiteko eskatu die berriro. Gobernu taldeak astean honetan bertan esan du plan hori [...]

Hilaren 27an, arratsaldeko zortzietan, mundu mailako ikuskizun bat ikusi ahal izango da Itsas Etxeko auditorioan. Emanaldian Itziar Mendizabal hondarribiarrak eta Londresko Royal Ballet-eko bakarlariek dantzatuko dute. The Royal Ballet Erresuma Batuko ...

XVIII. Jose Antonio Zuloaga oroitaldiko finalak atzo jokatu zituzten Errenteria-Oreretako Fanderiako pilotalekuan. Bertan, gazteetan, Oiarpeko Andoni Ugaldek eta Ander Imazek, txapela jantzi zuten. 22-15 irabazi zioten Labaka-Iruretagoiena bikoteari.

Hondarribiak Pasaiako Bandera irabazi zuen atzo eta San Miguel Ligako lidergoari eutsi dio. Mikel Orbañanosen mutilek Pasaian erakustaldia eman eta garaipena lortzeko azkeneko luzean Kaiku aurreratzea lortu zuten. Ziabogak erabakigarriak izan ziren Pa...

KAE2 Ligako hirugarren bandera —bigarrena jarraian— irabazi du gaur eguerdian Trintxerpe-Illunbek Pasaiako badian, Hibaikaren VI. Ikurrinan. Lehen posturako borrokan sasoi guztian zehar bidelagun Orio B ia 11 segundo atzean utzi dute urdinek, hortaz, azken estropadetako alderik nabarmenena lortu dute David Iglesiasek entrenatutakoek. Bi ondorio utzi ditu gaurko garaipenak: lehena, sailkapen nagusian nabarmenago dela lider Trintxerpe, eta bigarrena, moralari dagokionez are indartsuago daudela pasaitarrak. Lehen ziabogatik nagusitasun osoa erakutsi dute Azkuene ontzikoek. Aurreko asteburuan Donostian irabazi zuten urdinek. Hirugarrena Donostiarra B izan da, eta laugarrena, San Pedro B. Estropada oso ona egin dute moreek. Hamahirugarren eta azken denbora egin du Hibaikak, estropadaren antolatzaileak. Ondoko zerrendan, sailkapen osoa. 1. Trintxerpe-Illunbe 20:13 2. Orio B 20:24 3. Donostiarra B 20:46 4. San Pedro B 20:56 5. Getxo 20:57 6. Arkote 20:58 7. Castro B 21:04 8. Raspas 21:10 9. Mundaka 21:23 10. Colindres 21:38 11. Luanco 21:59 12. Santander 22:12 13. Hibaika 22:31

Udalbatzarra egin zuten atzo goizean Pasaiako udaleko zinegotziek. Gai bakarra zuten aztertzeko: hondakinen gaikako bilketa sustatzeko estrategia bultzatzeko San Marko Mankomunitatearen eta Pasaiako Udalaren arteko lankidetza hitzarmena sinatzeko adost...

KAE2 Ligako estropada jokatuko dute gaur, 12:00etatik aurrera, KAE2 Ligako 13 traineruek. Hibaika Arraun Elkarteak antolatu du Hibaikaren VI. Ikurrina, Pasaiako badian. Bertan, etxeko taldeaz gain, Oarsoaldeko Trintxerpe-Illunbe eta San Pedro B izango ...

Bihar, igandea, 12:00etatik aurrera, Kalean Kantuz ekimenaren saio berri bat egingo dute Hondarribian. Azeri elkartearen parean bilduko dira euskal kantuez gozatu nahi dutenak. Udaleko Euskara Zerbitzuak deia egin die herritarrei bertan parte hartzeko,...

Agerraldia egin zuen herenegun arratsaldean Errenteria-Orereta Bizirik plataformak Herriko Enparantzan, duela zortzi urte sortu zen leku berean, herriko eragile eta norbanakoek lagunduta. Zortzi urte hauetan egindako lanaren “aitorpena” egin eta jasotako laguntza eskertzea zen agerraldiaren helburuetako bat, Aitziber Garzia plataformako kideak azaldu zuen moduan. “Bestea, Orereta-Errenteriako bizilagun guztioi hiri hondakinen kudeaketa jasangarri baten alde lanean jarraitu edo lanean hastera deitzea da”, gaineratu zuen. Plataformak dituen zortzi urteetan “hamaika gorabehera” izan direla ere aipatu zuen, eta horien artetik bi ekarri zituen gogora Garziak, “txanponaren bi aldeak islatzen dituztelako”. Alde ezkorrean, erraustea defendatzen duten alderdien “jarrera zeken, demagogikoa eta manipulatzailea” kokatu zuen, “alderdi horien estrategia ez baita errausteak beraien ustez izan ditzaken abantailak azaltzera mugatzen, bestelako sistema alternatiboak iraindu, desinformatu eta zentzugabeko alarma piztera baizik”. Baikorrak izateko arrazoiak Alde positiboan, berriz, gizarteak gaiaren gainean azaldu duen “sentsibilizazio gero eta handiagoa, sortu diren gizarte eragile berriak eta eremu instituzionalean izan den agertoki aldaketa handia”, nabarmendu zituen Garziak. Errenteria-Orereta Bizirik plataformako kideak, orain zortzi urte baino “hobeto” daudela eta baikorrak izateko “arrazoi gehiago” daudela onartuta, oraindik ere egiteko lan handia dagoela zehaztu zuen: “Ez dugu balorazio positibo horretan gelditu nahi. Gaur egun dugun egoera berria baliatuta, lanerako dinamika berriak sortzea dugula uste dugu, gure [...]

Etzi amaituko du denboraldia Zintzilik Irratiak, eta jaiekin bat eginez, madalenei buruzko saio berezia egingo dute. 17:00etatik aurrera, beraz, berri garrantzitsuenen errepasoa, jaietako egitaraua, elkarte eta herritarrekin elkarrizketak egingo ditu...