
Bertako 49 enpresaren produktuak eskaintzen ari dira; kanpaina hilaren 23ra arte dago martxan Carrefourrek Bertako Produktuak izeneko kanpaina jarri du martxan (herenegundik hilaren 23ra), «produktu lokalen eta herrialdeko produktuen aldeko apustuarekin jarraituz». Oiartzungo merkatalgunean martxan da dagoeneko, baita EAE Euskal Autonomia Erkidegoan dituen gainontzeko lau establezimenduetan ere. Carrefourrek jakinarazi duenez, kanpainan, bertako 49 enpresak parte hartuko dute: «290 produktutik gora eskainiko dituzte». Carrefourreko arduradunek nabarmendu dutenez, kanpaina hori jartzeko ideia Carrefourren hasierako konpromisotik dator: «1979. urtetik dago Carrefour EAEn, eta hasieratik, produktu eta enpresa lokalak laguntzea izan da enpresaren helburuetako bat». Zentzu horretan, iazko adibidea jarri dute: «431 entitate euskaldunei erosi genizkien euren produktuak, 252,9 milioi euro izan ziren, guztira». Carrefourren eredu komertzialak, produktu lokalak eta herrialdekoak ohiko produktuekin integratzen dituela gogorarazi dute: «Hala, bezeroek libreki aukera dezakete zer erosi nahi duten. Izan ere, kanpoko produktuez gain, bertakoak ere aurki daitezke supermerkatuetan, Carrefourren markako produktu propioekin batera». Egun hauetan, «are gehiago», Carrefourren eskaintza «askotariko produktu lokaletan» oinarritzen da. Inguruneko enpresa txiki eta ertainek egindakoak dira guztiak, eta Carrefourri «berritasun eta ekarpen berriak» egiten dizkietela azaldu dute. Hauek dira egunotan Carrefourra hurbiltzen direnek topatuko dituzte produktuetako batzuk: txakolina; Arabako Errioxako ardoak; sagardoa; likoreak; esnea; esnekiak; patatak; arrautzak; barazkiak; haragia eta lekaleak [...]

Ohitura lege, eta gaur, jaiak hasteko bezperan, Trintxer Zahar abesbatzak jaietako pregoia abestuko du elizan, 20:00etatik aurrera. Jaien atariko, gaur, baita ere, Jose Mari Elgezabalen oroimenezko 15. areto futbol txapelketako final laurdenak jokatuko...

Bi domina eskuratu dituzte Hondarribiko Arraun Elkarteko arraunlari gazteek Espainiako aulki mugikorreko txapelketan. Iragan asteburuan jokatu zituzten haur eta kadete mailako txapelketak Sevillan (Andaluzia), eta denboraldiko aulki mugikorreko azkenek...

Txitxo Txabarrik azken urteetan margotutako olioak ikus daitezke lehen aldiz Peña kaleko Hazia elkartean. Gertuko askok ez zekiten margotzen zuenik ere Joan den ostiralean Txitxo Txabarri artista irundarrak margotutako olioen erakusketa inauguratu zuten Hazia elkartean. Familia giroan egindako ekitaldia izan zen; han ziren bere emazte eta semea, artistaren lagun eta ezagunak, Haziako bazkideak eta tabernako zenbait bezero. Erakusketa ireki aurretik, Koro Egibar Haziako Kultur Batzordeko kideak aipatu zuen asko zaindu dutela muntaketa, eta nabaria da hori, elkarteko pareten koloreekin bat datozelako koadroak, tonoen arabera multzoka banatuta. Txabarri oso gustura zegoen emaitzarekin: “Oso ondo geratu da, lan txukuna egin dute”. Artista amateurra da Txabarri; amateurra eta berantiarra, duela bederatzi urte hasi baitzen margotzen. “Beti margotu nahi izan dut, baina korrika egiteari utzi nion arte ez nintzen hasi, beno, urte pare bat beranduago, duela bederatzi urte”. Inaugurazio ekitaldira hurbildutako ezagun batzuk harrituta begiratzen zieten Txabarriren koadroei: “Gaur esan didate erakusketa jarri behar zenuela… ez nekien margotzen zenuenik ere!”, esan zion lagun batek artistari. Beretzat egiten du lan, hobe esanda, etxerako: “Erakusketako margo guztiak emaztearenak dira —dio—, norbaitek esaten badit koadro bat egiteko, ba egingo diot, baina hauek ez daude salgai”. Arratsaldetan margotzen duela dio, “arratsaldero bi ordu”, eta bi tekknikatan jarduten duen [...]

Ehun urte baino gehiago Sainzigarrenea baserrian bizitzen daramaten maizter familia kaleratze arrisku larriaren aurrean sortu den Sainzigarrenea bizirik plataformak, hondarribiar guztiei eskerrak eman nahi dizkie kanporatze honen aurrean agertu duten e...

AupaQuartet taldeak kontzertua eskainiko du Banakon datorren asteazkenean gaueko hamarretatik aurrera. AupaQuartet Donostiako Jazzaldian parte hartuko du abuztuan, baina aurretik banakoko taula gainean izango da zuzenean. Sarrera doan izango da eta ate...

Oiasso Museoaren aurrean aurkeztu zuten atzo aurtengo udako kultur ekitaldien egitaraua. Eskoleta kalean egin zuten, baina berdin-berdin egin zezaketen Zabaltzan, Genaro Etxeandian, edo beste hainbat lekutan, Irungo Udaleko Kultura Sailak, auzo elkarteek eta beste zenbait eragilek prestatutako ekitaldiak hirian sakabanatuko baitituzte. Arrakasta ziurtatuta duten ohiko ekintzez gain, badira berritasun batzuk, bai ekitaldietan, baita guneetan ere (ikus uztaileko egitarau osoa Nabarmenak atalean). Belen Sierra Kultura ordezkaria eta Jose Maria Rastrilla Irun Hiria Musika Bandako presidentea egon ziren atzoko aurkezpenean, eta uda sasoiko berritasunetako bat kalean egingo diren musika emanaldiak izango direla aurreratu zuten. Horregatik, Triumf saxofoi laukotea izan zen Oiasson, musika tresna eta guzti. “Musikak garrantzia du beti udan, baina aurten beste formatu batean dator. Helburua da daukaguna balorean jartzea, tokiko musikariak”, adierazi zuen Sierrak. Udal Kontserbatorioko ikasle eta Musika Bandako kide diren musikariz osatutako bi laukotek eta boskote batek jardungo dute, baita 22 musikariz osaturiko Big Band batek. Rastrillak ekimen berriaren baliagarritasuna aldarrikatu zuen. “Europan hau normala da, edozein hiritan ikus daiteke, baina hemen ez da ohikoa. Ikusteko dago erantzuna zein den, baina musikari bikainak dira eta nik uste dut polita izango dela”. Laukote eta boskoteen emanaldiak Eskoleta kalean izango dira, eta Big Band-arena Zabaltzako kioskoan. Horiez gain, Irun Hiria [...]

Ainara Benavente lehen emakumea izan da, eta Imanol Burguera eta Ander Orbegozoren K-2a, bigarrena Eguraldiaren iragarpenak bete egin ziren eta haize bortitzak gogor astindu zuen Plentzian (Bizkaia) larunbatean jokatutako Euskal Ligako euskal kayakeko proban, olatu arriskutsuak eraginez. Egoera petralari aurre eginez, baina, Trintxerpeko Donostia Kayak taldeko Aritz Araneta inor baino hobeto moldatu zen itsasoan, eta estropada gogorrean aurrea hartu zion Lander Rodriguez taldekideari, lehenengo aldiz aurtengo denboraldian. Imanol Burgueraren eta Ander Orbegozoren K-2ak ere lan bikaina egin zuen, eta bigarren izan ziren Hondarribiko ontzi garailearen atzetik, lehia bizian amaieraraino. Ainara Benavente lehenengo emakumea izan zen beste behin, eta Pasaia Kayakeko Beteranoen Mailako Txema Yarzak osatu zuen helmugaratutako pasaitarren ordezkaritza; euskal palisten artean laugarrena izan zen.

Sukaldaritzan eta iturgintzan trebatzen dituzte 15 eta 18 urte arteko gazteak, bi ikasturtetan Lanbidea ikasi, Derrigorrezko Bigarren Hezkuntzako (DBH) titulua eskuratzeko prestakuntzarekin jarraitu, eta lanean hasi nahi duten gazteei zuzenduta dago Pasaiako Udalak kudeatzen duen Hasierako Lanbide Prestakuntzako Zentroa. Trintxerpen dago eta sukaldaritzan eta iturgintzan trebatzeko formazioa ematen dute bertan. DBHn ezarritako helburuak gainditu ez dituzten 15 eta 18 urte arteko gazteek eman dezakete izena Lanbide Prestakuntzako Zentroan. Lanbide bat irakatsiz, lan munduan sartzeko aukera erraztu nahi die prestakuntza zentroak gazteei, baita DBHko titulua eskuratu ahal izateko hizkuntza eta zientzia ezaguerak eman ere. Era berean, gaztearen heldutasunean eragitea eta laguntzea da zentroaren helburua. Bi ikasturte Zentroan izena ematen duten gazteek bi ikasturte osatu behar dituzte. Lehenengo ikasturtean aukeratzen duten lanbiderako trebetasunak eskuratzen dituzte. Horrez gain, DBHrako prestakuntza jasotzen dute zentroan bertan, eta baita tutoretza eta orientazio zerbitzua ere. Bigarren ikasturtean, formazio praktikoarekin eta teorikoarekin jarraitu, eta 350 ordu egiten dituzte enpresetan, praktiketan. Era berean, Erdi Mailako Heziketa Zikloko atariko probarako prestakuntza jasotzen dute, tutoretza eta orientazio zerbitzuarekin batera. Interesdunek bisitak eta matrikulak egiteko telefono zenbaki honetara dei dezakete: 943 404 894, baita ondoko posta elektronikora idatzi: cip@pasaia.net. Bihar bukatzen da izena emateko epea.

Irungo Udaleko Kultura ordezkari Belen Sierrak aurtengo sanmartzialetako balorazioa egin du, eta “oso pozik” agertu da egitarauko 100 ekitaldiek izandako erantzuna dela eta: “Programa zabala izan da: arte eszenikoak, kirol ekitaldiak, estilo guztietako musika adierazpenak… Denek parte hartze handia izan dute”. Urdanibia plazako kontzertuetan 8.900 lagun zenbatu dituzte; La Pegatinaren emanaldia izan zen jendetsuena (3.000 lagunekin), eta Su ta Gar taldearen saioa ondoren (2.800). Arte eszenikoetako ekitaldiek ere jarraitzaile asko izan dituztela nabarmendu du Sierrak: 6.880 pertsona guztira. Kirol jarduerak Udalak antolatutako ekintzez gain, hiriko elkarteek prestaturiko egitarauak ere «erantzun oso ona» izan duela nabarmendu du Sierrak. Hala, Mariño Kirol Elkartean antolaturiko Eskolen Arteko Futbol Txapelketan 450 haurrek parte hartu zutela, eta Erroibideren 3×3 Basket Txapelketarako 108 kirolarik izena eman zutela nabarmendu du. Kurpil Kirolak-en 60. ekitaldia, San Pedro Eguneko txirrindularitza proba eta halterofilia lehiaketa nabarmendu zituen Kultura arduradunak, beste batzuren artean. Belen Sierraren ustez, “jai parte hartzailegoak izateko bidean urrats bat gehiago egin da”. Ekitaldietan parte hartu zuen jendeaz gain, jaietako kartela eta ekainaren 22ko kontzertuko talde teloneroa herri bozketaz aukeratu zituztela gogorarazi du zinegotziak. Alarde Parekideko Batzordea: «Aurten erabat sendotu da desfile publikoa» Irungo Alarde Parekideko Batzordeak ekainaren 30eko desfilearen balorazio oso ona egin du: “Inoiz baino partaide [...]

Goizean esleitu dituzte zenbakiak, eta dagoeneko jarri dituzte Udalaren webgunean behin betiko zerrendak, eta bakoitzaren zenbakiak. Datorren ostegunean zozkatuko dituzte etxeak, 17:00etan.

Joan den astean Asiako liztorren habia bat kendu zuten udaltzainek Lartzabalgo etxeetan. Udalak gogorarazi duenez, oso arriskutsuak dira liztor horiek bertako ekosistemarentzat, hemengo erleak akabatzen baitituzte. Dagoeneko Errenteria-Oreretan aurkitu...

Niessen elkarteak euskal kultura sustatzeko hainbat ekintza antolatzen ditu urtean zehar, otxoteak, toka, euskal pilota… Orain beste ekintza bat gehitu behar dio urteko agendari: bolo txapelketa. Lehenengo aldiz egingo dute igandean, Foru plazan, eta herriko zein kanpotik etorritakoak ariko dira bolotan. Atzo aurkeztu zuten ekimena Niessen elkarteko Jose Antonio Lopez de Aberasturik eta Fernando Lopetegik, eta Pedro Lazkano eta Antonio Goenaga Gipuzkoako Toka eta Bolo Federazioko kideak eta kide ohiak, hurrenez hurren. Lazkanok adierazi zuen nabarmentzekoa dela Niessenek egin duen ahalegina, batik bat herrian bolatokirik ez dagoela kontuan hartuta. Hain zuzen, ekimen horretatik abiatuta, herrian bolatoki bat jartzea proposatu dio Niessen elkarteak Errenteriako Udalari. Horren harira, bi aldeak harremanetan daudela azaldu du Lopetegik. Proposamen horren arabera, bolatokia Fanderian egongo litzateke. Izen ematea Edozeinek eman dezake izena bolo txapelketan. Horretarako, nahikoa da igandean, 11:00etatik 12:00etara Foru plazatik agertzea. Parte hartzeko 5 euro ordaindu beharko dira. Parte hartzea bermatze aldera, Goierritik bolotan aritzen diren hainbat jokalari herrira etorriko direla iragarri du Lazkanok. Partaideek 7-9 kiloko bolarekin 18-20 metrora egongo diren boloak bota beharko dituzte. Boloak hiruna boloko hiru filatan egongo dira jarrita, eta azkenekoa, aurrean. Guztiak botatzeko sei aukera edukiko ditu bakoitzak. Partaideak kioskoaren parean egongo dira, eta boloak, berriz, Alondegiaren aurrean. [...]

Jaialdiaren zazpigarren edizioa dela eta, gaueko autobus zerbitzuak eskainiko dituzte. Hondarribia eta Irun artean, bihar eta etzi, 40 minuturo bat egongo da. Geldialdia Ama Guadalupekoa ikastetxean egingo du. Hondarribia eta Donostia lotzen dituen aut...

Hilaren 13tik 16ra Lapitze-Elitxuko jaiak. Hainbat ekitaldi Pio XII. Plazan. Hilak 13 Mision Imposible IV filmaren proiekzioa. 22:00etan, Santiago kaleko Euskal Jai frontoian. Hilaren 13tik, urriaren 14ra Mentxu Gal, kolorearen grina erakusketa. Menchu Gal aretoan. Hilak 14 julio Tryumf saxofoi laukotearen kontzertua, Irun Zuzenean programaren barruan. 22:30ean Eskoleta kalean. Hilak 15 Irungo Udal Txistulari Bandak Diana joko du Belaskoenea eta Elitxun. 09:00etan hasita. 09:00 Hilaren 20tik 25era Santiago auzoko jaiak. Auzo elkarteak antolatuta, egitarau zabala osatzen ari dira. Ekitaldi gehienak Santiago kalean eta ondoko plazan izango dira. Hilak 20 Muki-show magia ikuskizuna, Angel magoarekin. 20:00etan, Genaro Etxeandia plazan. Luis Marianori omenaldi kontzertua, Irun Hiria Udal Musika Bandaren eskutik. 23:00etan, Zabaltza plazan. Hilak 21 Asteburuko monologoak, Mario Simancasek aurkeztuta: Jesus Angel Arriet eta Danny Boy ariko dira. 22:30ean, Zabaltza plazan. Hilak 22 Irungo Udal Txistulari Bandak Diana joko du Santiago eta Beraun auzoetan. 09:00etan hasita. Hilak 25 Santiagoko polkak, Irun Hiria Udal Musika Bandaren eskutik. 20:30ean, Triangeluaren plazan. Hilak 26 Bidasoako Gazte-mailako XVI. Nazioarteko Folklore Jaialdiaren inaugurazio ekitaldia. 19:00etan, Zabaltza plazan. La legión del águila filmaren emanaldia. 22:00etan Santiago kaleko Euskal jai frontoian. Hilaren 27tik abuztuaren 3a arte Behobia auzoko jaiak. Auzo elkarteak antolatutako hainbat ekitaldi. Hilak 27 Faisaien irlako XXVIII. Jaialdia. [...]

Antxoko Alkartasuna Dantza Taldeak maiz egin ohi ditu elkartrukeak. Horietako baten barruan kokatu behar da asteburu honetan antxotarrek jasoko duten bisita berezia. Iazko urrian, Lugon izan zen Alkartasuna dantza taldea, hango jaialdi folkloriko ba...

Madalen jaietako omenduen aukeraketak hautsak harrotu ditu. Jai giroan herriko eragile, talde eta norbanakoen lana aitortzea du helburu, eta aurten, jaio zeneko 50. urteurrena beteko duen Alabergako danborradak jasoko du ohore hori. Danborradaren izenean, egungo zuzendari Mitxel Blanco Txuri, Josetxo Ule zuzendari ohia, Mila Urrutia haurren danborradaren zuzendaria eta beti danborradaren atzean izan den Maite Hernandezek piztuko dute jaiei hasiera emango dien txupinaren metxa, udaleko bozeramaileen bilkurak aho batez hala onartuta. Omenduetako baten aukeraketak, ordea, Ulerenak zehazki, Amalatz, Bilgune Feminista eta Garaipen talde feministen haserrea eragin du, Errenteria-Oreretako emakumeenganako “iraintzat” hartu baitute aukeraketa hori: “Danborrada zuzendu duen urte guztietan, bera zuzendari izan bitartean emakumeak kantinera gisa baino ez zirela aterako publikoki adierazi izan du Ulek”. “Sorpresa desatsegina” Izan ere, urte luzeetan, soilik gizonek izan dute Alabergako danborradan danbor edo barril jotzaile gisa irteteko aukera, emakumeek kantinera moduan baino parte hartzerik ez zuten bitartean. Herriko talde feministek gogorarazi dute, halaber, “biztanleriaren erdia diskriminatzen” zituzten halako ekintzak diruz ez laguntzeko eskatu ziotela udalari, eta eskaera haren ondorioz, egun, Alabergako danborrada mistoa dela, eta beste zuzendari bat duela nabarmendu dute. Ule omentzeko proposamenak “sorpresa desatsegina” ekarri diela gaineratu dute Bilgune Feministak, Amalatzek eta Garaipenek.”Udalak memoria eskasa duela erakutsi digu, gainera”, esan dute. “Esfortzu [...]