
Tximeleta Kirol Elkarteko kideek ikasturte bukaerako emanaldia egin zuten herenegun arratsaldean, Elorsoro kiroldegian. Haurtzaron eta Elizalden dantza dibertigarriak, hip hop eta gimnastika erritmikoa egiten duten haur eta gaztetxoek egin zuten saioa....

Madrilgo Edu Manazas & Whiskey Tren Blues taldeak kontzertua emango du, bihar, De Cyne Reyna tabernan, 22:30etik aurrera. 1.300 kontzertutik gora eman ditu Madrilgo blues taldeak batez ere kultur zentro eta aretoetan. Edu Manazas (ahotsa eta gitarra), Phineas Sanchez (baxua) Oscar Gonzalez (gitarra) eta Pino Sambatarok (bateria) osatzen dute taldea.

Denboraldi honetakoa egin du Futbol 7 Txapelketak, eta hirugarren fasea, Vivaldi Otisek irabazi du, Desira Caferen aurretik. Hain zuzen, bi talde horiek izan dira denboraldi osoan zehar maila altuena erakutsi dutenak. Guztira, 50 taldek eta mila jokala...

Errenteriako Garaguneren aurkezpena egingo dute bihar Pontikako Kabia Espazio Kreaktiboan. Aurkezpenaren barruan, 11:30ean hasita, Gabierrota Auzo Elkarteko kideekin batera dantza erakustaldia egingo dute Garaguneko kideek, 12:30ak arte.

Andra Mariren abesbatzek (Orereta Txiki, Orereta eta Oinarri) kurtso bukaerako kontzertua emango dute, etzi, 20:00etatik aurrera, Fatimako Andra Mariren elizan. Imanol Elizasuk zuzenduko ditu koruak. Andra Marik jakinarazi duenez, aurten, abesbatzako m...

Igandean jokatu zuten iaz bertan behera utzitako Enrike Abril Errebote Txapelketako finala, Beheko plazan. Kapito Harrik (Ustaritze) irabazi zion Luzaz Gazteri (Donibane Lohizune), 13-4. Hasieratik, ustariztarrek euren nagusitasuna erakutsi zuten. Ia partida osoan paretaren jaun eta jabe izan ziren. eta donibanetarrek ezin izan zioten egoera horri buelta eman. Gainera, pilotaririk onena Kapito Harri taldeko Eneko Peretrat izendatu zuten.

Herri Musikaren Txokokoen, Ibargain eskolako ikasleen eta Elizaldekoen saioak izan dituzte eskolan Elizalde Herri Eskolan musika izan zen protagonista joan den aste osoan zehar. Kontzertu pedagokikoak egin zituzten eskolan, besteak beste. Astelehenean, Herri Musikaren Txokoko ordezkariek emanaldia egin zuten eskolako mediatekan. 2. eta 3. zikloko ikasleak gustura aritu ziren alboka, dultzaina, txalaparta, txistua, danbolina, panderoa, txaramela eta kanabera entzuten, baita azalpenak jasotzen ere. Asteartean, berriz, sei kontzertu pedagogiko izan ziren, Ibargain Musika Eskolaren eskutik. Goizeko hamaika eta erdietan izan ziren guztiak: tronpeta, akordeoia eta klarinetea, biolina eta biolontxeloa, flauta eta harpa, perkusioa eta gitarra, eta pianoa. Haur Hezkuntza eta Lehen Hezkuntzako ikasle guztiei eskaini zizkieten kontzertuak. Eskolako abesbatza Elizalde Herri Eskolako abesbatzak laugarren urtea du aurten. Hala, joan den ostegunean eta musikaren astearen harira, eskolako mediatekan emanaldia eskaini zien 2. eta 3. mailako ikasleei. 8-12 urte bitarteko 20 neska-mutil aritu ziren kantari. Urteroko ohiturari jarraituz, ostiralean, arratsaldeko bostetan, seigarren mailako ikasleek musika eta antzerki emanaldia eskaini zieten gurasoei. Lehen Hezkuntzari agurra ematen diote elkarrekin ikasle, guraso eta irakasleek.

Larrialdiak enpresak furgoneta bat eman dio Errenteriako Babes Zibilari. Zerbitzu pribatuan anbulantziek bizitza mugatua dute, eta orain, Babes Zibilak erabili ahal izango du furgoneta bezala, bestelako zerbitzuetarako. Gaur eguerdian eman dute horren ...

Musika eskolako ikasleek kontzertua eskainiko dute bihar arratsaldeko sei terdietatik aurrera, Hondarribiko Paradorean. Bigarren mailatik hirugarrenera pasako diren Musika eskolako ikasleek ziurtagiria jasoko dute.

Sanjoanetan izaten dira jaiak Fanderian, eta aurten ostiralez hasiko dira, eta hiru egun iraungo dute igandera arte. Erdiko Erreka auzo elkartean beste behin egitarau mardula prestatu du, eta urtero bezala, haur eta helduen danborrada izango da ekitaldirik esanguratsuena. Igandean izango da, 19:30etik aurrera. Aurreko egunean, San Joan bezperan, sua egingo dute, 22:00etan. Horrez gain, txapelketek ere edukiko dute garrantzia: etzi, patata tortilla txapelketa egingo dute, hurrengo egunean, futbolin, futbol nahiz toka eta bote txapelketak, eta azken egunean, berriz, argazki lehiaketa. Antolatzaileek herritar zein auzotar guztiei parte hartzeko deia zabaldu diete. Egitaraua Etzi, ostirala 17:30: Haurrentzako merienda (Telepizza, Pizza Sprint, Mc Donald’s eta Todo-todo supermerkatuaren eskutik). 19:00: Haurrentzako merienda (Telepizza, Pizza Sprint, Mc Donald’s eta Todo-todo supermerkatuaren eskutik). 19:00: Buruhandiak auzoan zehar. 19:15: Patata tortilla txapelketa (partaide bakoitzak hiru txartel jasoko ditu pintxo poteoan erabiltzeko, eta irabazlearentzat Txikote jatetxeak emandako afari bat lortuko du). 19:30: Pintxo poteoa Errota plazan. 23:30-02:00: Dantzaldia, Albertok girotuta. Etzidamu, larunbata 10:00: Buruhandiak auzoan zehar, Gabierrotako Laguntasuna elkarteak lagunduta. 11:00-12:30: Haur jolasak, Errota plazan. 12:00: Moto erakusketa. 12:30-14:00: Futbolin txapelketa Sport kafetegian. 16:00-20:30: Futbol txapelketa San Joan Sua dagoen zelaian (hiru maila: 6-8 urte, 9-11 eta 12-14) 17:00: Toka eta bote txapelketa. 18:00-20:00: Oliber eta Eureka taldearen [...]

Duela bi aste jarri zituzten martxan zerbitzu berriak Listorreta-Barrengoloia atseden gunean, eta udalak konpromiso handiagoa eskatu die erabiltzaileei espazio hori zaintzeko garaian. Izan ere, onargarriak ez diren jarrera batzuk ikusi dituela jakinara...

Irungo Udaleko Gizarte Ongizate arloak diru laguntza lerro berri bat atera du aurten, «Irungo herritarren lehen mailako premiei erantzuteko». Esaterako, “krisialdi gogorreko egoera honetan, jendea janariz, arropaz eta abarrez hornitzeko” ...

Guardia Zibilak 35 urteko gizon bat atxilotu du Errenteria-Oreretan, sexu harremanetarako sarean adingabeak bilatzea egotzita. Espainiako Gobernuak Gipuzkoan duen ordezkaritzaren arabera, Interneko sare sozialak erabiltzen zituen harremanetarako, eta &...

Koldo Mitxelena ikerketa bekaren 11.en aldian parte hartzeko epea zabalik dagoela jakinarazi du udalak, uztailaren 13ra arte. Ikertu beharreko gaia Errenteriako euskaldunen historia soziala eta euskara izango da, eta ikerketa lana, gehienez, hamabi hil...

Ostiralean hasi, eta igandean bukatu ziren Ergoiengo jaiak, sanantonioak. Larunbat arratsaldean izan ezik, eguraldia lagun izan zuten auzotarrek festetan, eta kanpotik ere jende dezente hurbildu zen antolatuta zituzten ekimenetan parte hartzera. Hilare...

Ekaineko ohiko udalbatzarra, astebete aurreratu, eta gaur egingo dute, 19:00etan, udaletxeko areto nagusian. Beste gaien artean, Olaldeko etxebizitza tasatuetarako izena eman duten pertsonen zerrendak onartuko dituzte. Gai guztiak hemen.

Mendinetik Arraguara doan bidean, bazter-babesak jartzen ari dira. Lanean ari dira bertan, eta bide bat itxita daukate, hala, norabide batekoak edo bestekoak pasatzen dira bertatik, semaforoak baimentzean. Ilarak sor litezke tarteka, eta pazientzia esk...

Hondarribia Blues Festival jaialdia aurkeztu zuten atzo goizean eta zazpigarren ekitaldiaren programaren aurrerapena eman dute jaialdiaren antolatzaileek. Nazioarteko izen handiak bilduko dituzte Txingudiko badiaren ertzean. Jaialdia uztailaren 12an, 13an, 14an eta 15ean egingo dute. Nazioarteko musikarien artean, bi nabarmendu dituzte antolatzaileek: bost Grammy irabazi dituen Robert Cray musikaria eta Eric Sardinas gitarra jotzailea, “slide gitarra teknikan hoberenetarikoa”. Horrez gain, Hondarribia Crossroad sailari garrantzi berezia eman diote antolatzaileek, “lehen mailako artistak bilduko baitira ekitaldi bakar eta errepikaezina eginez”. Chicagoko musika hartuko dute kontuan aurten Crossroad-en, “Bluesa maite dutenek izango dute aukera Tail Dragger, Zora Young eta Eddie Shaw-en ahots bereziekin gozatzeko, luxuzko taldeek lagunduta”.

Urteko egunik luzeena izango da larunbatekoa, eta San Joan bezpera ospatzeko ekitaldi bereziak egingo dituzte Hondarribiko txoko ezberdinetan. Udako solstizioko gaurik motzenean ospatuko dute San Joan bezpera eta uda garaiari ongi etorria emango diote. Astea eguraldi kaxkar antzean pasa badute ere, aurreikuspenen arabera eguraldiak nabarmen hobera egingo du larunbaterako Hondarribian, eta udako denboraldiari ongi etorria merezi bezala emateko aukera izango dutela dirudi. Herrian egingo duten ekitaldi nagusia Kai Zaharrean izango da, arratsaldeko zortzietatik aurrera. Ekitaldiari hasiera emateko Meakako Adixkideek aurreskua dantzatuko dute, geroago San Joan sua piztuko duten gunearen alboan. Gainera, Bentako aparkalekuan jarriko duten txosnan, lumagorri oilaskoa eta Gernikako piperrak dastatu ahalko dira. Jarraian, San Joan sua piztuko dute, eta Meakako Adixkideak Dantza Taldeak dantza giroa jarriko du. Hala, bertaratzen direnak animatuko dituzte elkarrekin dantzatzera. Kai Zaharrean suaren inguruan dantzan dabiltzan bitartean, Hondarribiko Musika Bandak herriko hainbat tokitan San Joaneko zortzikoa jotzen ibiliko da. Gainera, beste hainbeste su piztuko dituzte han hemenka egun argitan, festa iluntasunean bukatu arte. Besteak beste, hondartza inguruan, auzoetan eta inguruko baserrietan.

Zazpigarren urtez Hondarribiko liburutegiak literatura tailerrak antolatu ditu. Horrela, hiru tailer antolatu dituzte, literaturzaleek esperientziak trukatzeko. Bihar, osteguna, Liburuarekin hitzordua izenburuko tailerra egingo dute, 15:30etik aurrera,...