
Iraunkortasunerako I. Ekintza Planaren helburu estrategikoetako batek «biztanleriaren mugikortasun eta irisgarritasun beharrak iraunkortasun irizpideak aintzat hartuz asetzea» dio. Gaia jorratzeko, Agenda 21en Herritar Fororako deialdia luzatu dute g...

Bihar, 17:30etik aurrera, Hormachic ekimen artistikoaren antolatzaileak elkartuko dira Kabia espazio kreaktiboan. Ekimen horren bidez Errenteriako paretak jantzi nahi dituzte, eta horrenbestez, marrazkiak, diseinuak eta mosaikoak egingo dituzte. Deiald...

Lehengo asteburuko Sagardo Jaia eta Dantzari Txiki Egunaren ondotik, pare bat egun atseden hartu eta berrindartuta heldu da Antxora Alkartasunaren hamabostaldia. Atzo arratsaldean mutxikoetan trebatzen aritu direnak azkenekoz elkartuko ziren, «ikaslee...

Astelehenaz geroztik musika eskolako ikasleak ari dira kontzertuak ematen Musikaz Blai jaialdiaren barruan. Bihar eta etzi ere, ikasleek joko dute Gudarien Enparantzako karparen barruko agertokian. Horrez gain, buruhandiak irtengo dira bi egunetan, 17:30ean. Etzi, 20:00etan, Donibaneko Itsas Mendiko Txistu taldearen kontzertua izango da. Astebururako, berriz, hamaika kontzertu eta ekitaldi iragarri dituzte. Egitaraua osorik pasaia.hitza.info-en ikus daiteke.

Asteburuan Euskadiko Itsas Kayak Kopako bigarren proba jokatu dute Pasaiako badian Euria, haize zakarra eta itsaso mugitua izan ziren protagonista joan den asteburuan Pasaian jokatutako Euskadiko Itsas Kayak Kopako bigarren proban. Haize-olatuen ondorioz zenbait parte hartzailek estropada utzi egin behar izan zuten kanpoko ziabogara iritsi aurretik, eta erorikoak ere izan ziren. Sprinter modalitatean, K1 Senior Mailan, Borja Estomba (Oviedo Kayak) izan zen probaren irabazlea. Euskal taldeetako ordezkaritzari dagokionez, berriz, Lander Rodriguez, Aritz Araneta eta Julen Hurtado izan ziren podiumean. K2 sailkapenean, Hondarribia Arraun Elkarteko Aitor Arrietaren eta Manuel Melararen kayaka izan zen helmugara iristen lehenak. Emakumeetan, berriz, Ainara Benaventek irabazi zuen eta Nerea Fernandez izan zen bigarrena. Junior kategorian, Ion Carballo, Eneko Garcia eta Iker Azurmendi izan ziren podiumean, guztiak ere Donostia Kayak taldekoak. Beteranoek beren maila bikaina erakutsi zuten oraingoan ere, eta Fortuna Kirol Elkarteko hiru kidek, Antxon Gisasolak, Joxemari Villagarciak eta Javi Lizancosek, guztiak ere Espainiako txapeldun iaz beren adin-tarteetan, bete zituzten podiumenko hiru koskak. K2ko sailkapenean, Andres Lopez eta Ramon Vega (Fortuna) izan ziren garaile, Felix Sarasua eta Raul Barba taldekideen eta Zumaiako Itsas-Gain taldeko Karmelo Txapartegi eta Javier Solozabalen aurretik. Kayak tradizionalen modalitatean, aldiz, Pasaia Kayak taldeko Valer Carballo izan zen lehena Francisco Javier Olaskoagaren (RC [...]

Juan Carlos Alduntzinek Trintxerpen aurkeztuko du plana, 19:00etan, alkateordetzan Gaur egungo hiru zabortegi kutsakorrak ixtea, hondakin guztiak tratatzea eta sei konpostaje planta sortzea aurreikusi du Gipuzkoako Foru Aldundiak hondakinak kudeatzeko sortu berri duen planean. Horrez gain, Zubietan energia berriztagarria sortuko duen biometanizazio planta eraikiko dutela iragarri dute. Esan dutenez, azpiegitura sare oso hau eraikitzeko, orain arte aurreikusitako diruaren erdia erabiliko dute. Gipuzkoako Foru Aldundiak atzo goizean aurkeztu zuen hondakinen kudeaketarako estrategiak biltzen dituen dokumentua Batzar Nagusietan. Arratsaldean Gipuzkoako Hondakinen Partzuergoari aurkeztuko zioten plana, eta gaurtik aurrera, berriz, herriz herriko aurkezpenei ekingo diete. Trintxerpen, bihar aurkeztuko dituzte hondakinak kudeatzeko estrategiak, 19:00etan, alkateordetzan. Aurkezpenean Juan Carlos Alduntzin Ingurumen diputatu eta Pasaiako alkate ohiak, eta Laia Valenzuela, Spora Serveis Ambientals-eko zuzendariak parte hartuko dute. Pasaian bezala, Donostian, Zarautzen, Arrasaten eta Tolosan aurkeztuko dituzte estrategiak. Prebentzioa Azpiegitura sareari ez ezik, prebentzio arloari ere garrantzi berezia eman nahi dio aldundiak. Hala, 2016rako hondakinen sorrera %4 murriztuko dutela esan dute. Gipuzkoako Foru Aldundiak dioenez, «sortzen ez dena delako hondakin onena». Bilketari dagokionez, 2016rako lurralde osoko hondakin guztien % 60 gaika biltzea aurreikusi dute. Autokonpostajea eta konpostaje komunitarioa sustatzeaz gain, elikagaien xahuketa eragoztea ere estrategikotzat jo dute. Aurkezpena Noiz. Bihar, 19:00etan. Non. Trintxerpeko alkateordetzan. Hizlariak. Jaun Carlos [...]

Etzira arte egongo da itxita, 08:00etatik 18:00etara, Olalde eremuko urbanizazio lanek eraginda.

Hondarribia Erdi Arora bueltatuko da bi egunez, izan ere, Erdi Aroko Azoka antolatu dute astebururako udalak eta Napar Bideak elkarteak. Erakustaldiak, tailerrak eta animazioak izango dira Gune Historikoan. Artisauen eta jakien 80 postu inguru jarriko dituzte, eta iraganeko tresnak ezagutzeko aukera izango da. Hondarribia, Erdi Aroan, merkataritza-gune garrantzitsua izan zen eta azokei esker, merkatari eta artisauen komunitate dinamikoa bihurtu zen. Horrela, arotzak, errementariak, upelgileak, urreginak, harginak… Erdi Aroko hirigunera itzuliko dira, garai hartako artisauen jakinduria ezagutzeko. Postuez gain, makina bat ekitaldi izango dira bi egunetan. Saltinbankiak, titiriteroak, malabaristak eta juglareak; horiek denak Hondarribian bilduko dira azokako bizitza islatu eta girotzeko, eta gainera, kristau, arabiar eta judu kulturak elkarrekin egongo dira. Milaka bisitari izaten ditu azokak urtero. Tailerrak eta erakustaldiak Erdi Aroko ohiturak ezagutzeko tailerretan parte hartzeko aukera ere izango da: buztina, landareak, ehungintza, beira puztua, joko zaharrak, egurrezko kateak… Horrez gain, ikuskizun asko izango dira: arku jaurtiketak, aldi bereko xake partidak, gaiteroak, txotxongiloak, juglareak, malabaristak, ipuin kontalariak, iraganeko tresnen erakusketa, arabiar haima eta ardiaren gunea, besteak beste. «Alde Zaharra Erdi Aroko gaiekin apainduko dugu. Azokak sor ditzakeen arazoen inguruan ulermena eta barkamena eskatu nahi nieke, aldi berean, hondarribiarrei. Jakin badakigu hala dela, baina ekimen oso berezia da», azaldu zuen atzoko [...]

Elizalde Dantza Taldeak emanaldi berezia egin zuen larunbat arratsaldean Doneztebe plazan: Ane Otxoteko taldeko kide izandakoa omendu zuten gainontzeko taldekideek. Hainbat dantza eskaini zizkioten Otxotekori.

Igoera Fasea jokatzen ari da Pasaian, eta larunbatean Bermeoren kontra jokatu behar dute bigarren kanporaketa. Zaleak taldea animatzera joan daitezen, autobusa antolatu du Pasaia K.E-k. 11:00etan irtengo da autobusa Marealtatik. Autobusa doan da, jokal...

Haurtzaro Ikastolaren urteko festa igandean egin zuten, egun osoz. Goizean, eguraldiak ez zuen gehiegi lagundu, eta ekitaldi ofiziala Elorsoro kiroldegian egin behar izan zuten. Arratsaldean, eguraldia lagun, hainbat ekimenekin gozatu zuten ikasleek et...

Abiadura arau hausteak %42 jaitsi dira udalak apirilean Labrederren, Txipaun eta Amutalden radar finkoak jarri zituenetik. Apirilaren 25etik maiatzaren 31ra arte radar finkoekin kontrolak egin dituzte . Udalak emandako datuen arabera, bide horietatik i...