2012/2

The Last Vegas eta Mushroom Caffeine, zuzenean, bihar, Psilocybenean

Kontzertu agenda interesgarria prestatu dute Psilocyben datozen asteetarako. Hala, The Last Vegas eta Mushroom Caffeine taldeen kontzertuak izango dira bihar Psilocybenea aretoan, gaueko hamarretatik aurrera. Sarrerak Psilocybenean bertan eros daitezke, hamabi euroan. The Last Vegas taldeak 2004ean argitaratu zuen Em and Leave lehen diskoa. Guitar Hero bideo jolasak The Last Vegas taldearen abesti bat dakar. Helmet eta Fighting With Wire Psilocybenea bisitatuko duten hurrengoak Helmet eta Fighting With Wire taldeak izango dira, martxoaren 10ean, 21:00etatik aurrera. Sarrerek 22 euro kostatuko dute. Helmetek hiru kontzertu besterik ez ditu emango Espainiako Estatuan.

admin

‘Kafe txinatarra’, igandean, Itsas Etxean

Txalo produkzioak ekoiztutako Kafe txinatarra antzezlana igandean emango dute Itsas Etxeko auditoriumean. Antzezlana arratsaldeko zortzietan hasiko da, eta sarrerek hamar euroko prezioa dute. Horiek Arma plazako eta kirol kaiko turismo bulegoetan eros ...

admin

Musika eta dantza jardunaldiak, igandean

Zumardikoak Kultur Elkarteak musika eta dantza jardunaldiak antolatu ditu iganderako. Damarri kaleko plazan egingo dituzte, eguerdiko hamabietatik aurrera. Hala, euskal musika eta dantzak gogoratuko dituzte eta herritarrak parte hartzera animatu nahi d...

admin

Petra Lekuonako erakusketa, 13ra arte

Pili Ansaren lanak jarrita daude oraindik Petra Lekuona Zaharren Egoitzan. Lore lehorrekin egindako koadroak dira. Ansa, Katalina Erauso Arte Klubeko kidea da. Erakusketa bisitatu nahi dutenek, hilaren 13ra arte —astelehenera arte— izango dute horr...

admin

Metaposta I eta II ikastaroak, gaur eta bihar

Gaur eta bihar Metaposta I eta II ikastaroak emango dituzte Madalensoro pilotalekuan dagoen KZgunean. 09:00etatik 11:00etara izango dira eskolak. Interesdunek doan eman dezakete izena.

admin

Kaldereroentzat, dena prest

Urtero bezala, Irungo Atsegiñak antolatutako kaldereroen konpartsa Irungo kaleetan zehar ariko da larunbatean, otsailaren 11ean. Ibilbidea: Alberto Angera plazatik aterako da konpartsa arratsaldeko 19:00etan. Ondoren, Oiartzun kalea, Hondarribia, Zubi...

admin

60 lagun kontratatu ditu udalak, ekainera arte

Abenduan iragarri bezala, udalak Irunen bizi diren 60 lagun kontratatu ditu urtarrilean. Guztiak langabeak izateaz gain, ez zuten langabezia laguntzarik jasotzen. Hala, langileek garatuko dituzten lanen artean, besteak beste, honakoak daude: artxiboak ...

admin

Hezkuntzaren alde

Lezo Herri Eskolako langileek elkarretaratzea egin zuten atzo arratsaldean, ordu erdiz, Euskal Herria plazan. Eusko Jaurlaritzak hezkuntzan egin nahi dituen murrizketak salatu zituzten, eta bihar lau orduko lan uztea egingo dute, 11:00etatik aurrera.

admin

HAZen ISO egiaztagiria berritu du Aenorrek

Aenorrek (Normalizaziorako eta Egiaztapenerako Espainiako Elkarteak) Hiritarrak Atenditzeko Zerbitzuari (HAZ) emandako ISO 9001:2008 egiaztagiria berritzea erabaki du. Hala, HAZen bulegoan zein Internet bidez emandako zerbitzuaren kalitatea aitortu du.

admin

Urrezko 25 domina, zilarrezko sei eta brontzezko bi, Andoaingo piano lehian

Hondarribiko Musika Eskolako eta Oiartzungo Ibargain Musika Eskolako ikasleek lortu dituzte Pasa den asteburuan Andoaingo VII. Piano Jaialdia egin zuten. Hondarribiko Musika Eskolako eta Oiartzungo Ibargain Musika Eskolako ikasleek parte hartu zuten, eta 25 urrezko domina, zilarrezko sei eta brontzezko bi irabazi zituzten. Seiaslek —piano jaialdiak antolatzeko elkarteak—, Andoaingo Udalak eta Bastero Kulturguneak antolatzen dute jaialdi hori. Pianoarekin egiten den musika bultzatzeko eta jendaurrean ezagutarazteko antolatzen duten jaialdia da. Gainera, soinu-tresna hori jotzen duten ikasle eta irakasleek elkar ezagutzeko parada paregabea dela nabarmendu dute musika eskoletako kideek. 33 ikasle guztira Hondarribiko Musika Eskolari dagokionez, Esther Barandiaran, Maite Elizondo eta Miren Erostarbe irakasleen 11 ikaslek parte hartu zuten. Banaka parte hartu zuten, hiru mailatan: A, B eta C. Guztira, urrezko zortzi domina, zilarrezko bi eta brontzezko bat irabazi zituzten. Urrezko dominetako batek, gainera, batek aipamen berezia jaso zuen, eta amaierako kontzertuan parte hartzeko aukeratua izan zen. Jaialdian parte hartu zuten gainontzeko gazteen artean, Oiartzungo Ibargain Musika Eskolan pianoa jotzen ikasten ari diren 22 ikasle izan ziren. Oarso Bidasoko 33 ikaslek parte hartu zuten beraz. Oiartzungo ikasle horiek 9 eta 16 urte artean dituzte, eta adinaren arabera banatuta bakarlari moduan jotzeko aukera izan zuten larunbatean eta igandean. Ibargaingo arduradunen arabera, jaialdiaren ondoren, [...]

admin

Gipuzkoako Bike-Trial Txapelketako bigarren proba igande honetan Arrokaundietan

Donibane Kultur Jolas eta Kirol Elkarteak antolatuta, Gipuzkoako Trialsin Txapelketako bigarren proba egingo dute igandean Arrokaundietan. Bederatzigarren aldia izango da Donibaneko lehiaketa egingo dela, eta goi mailako txirrindulariek hartuko dute pa...

admin

250 hondarribiarrek izena eman dute alokairu sozialeko etxebizitzetan

250 hondarribiar baino gehiagok izena eman dute Muliateko alokairu sozialeko etxebizitzen zozketarako. Etxebidek kudeatutako 25 etxebizitzen zozketa udaberrian egingo dute. Hondarribiko PSE-EEren ordezkari Iosu Alvarezen arabera, «Hondarribian behar handia dagoela azaltzen dute datuek, eta alokairuzko etxebizitzak sustatzeko, udalak esparru ekonomikoetan ere lagundu beharko luke». Hondarribiko lehenengoak Alokairuko etxebizitzak azalera eskubidea duten 170 etxebizitzekin batera eraikitzen ari dira, eta zozkatuko diren 25 etxebizitzek Muliateko 6. blokea osatuko dute. Gainontzekoak bezala, urte honetan bukatuko dituztela espero dute arduradunek. Hondarribian eraikitzen diren gisa horretako lehenengo etxebizitzak dira Muliateko horiek. Hala, etxebizitzek garajea eta trastegia dute, eta hilero ordaindu beharko den errenta jakiteko ezinbestekoa izango da etxebizitza bakoitzaren tipologia, eta esleidunaren sarrera ekonomikoak kontuan hartzea. Zozketa Hondarribian egingo dute eta Eusko Jaurlaritza izango da horren arduraduna. Kontratua bost urtero berrikusiko diete jabeei. Martxoan, lehenengo giltzak 2011ko urtarrilaren 29an zozkatu zituzten Muliateko azalera eskubideko 157 etxebizitzen giltzak martxoaren 20tik aurrera hasiko dira banatzen. Hondarribiko biztanleriaren %3,5a biziko da bertan, hau da, 500 pertsonako auzo berri bat izango du Hondarribiak.

admin

Donibane liderrari gauzak zailtzen saiatuko da

Donibanek Zarautzen jokatuko du larunbatean, Amenabarren aurka, Lurraldeko Lehen Mailako hamabosgarren jardunaldiari dagokion partidan. Multzoko lehen postuan dago Amenabar, porrot bakarrarekin, eta gol gutxien jasotzen duen taldea da. Sanjuandarrek az...

admin

Peter Panen abenturak igandean, Amuten

Amuteko zine zikloaren azken aurreko emanaldia egingo dute igandean. Peter Pan Walt Disney-ren filma emango dute, arratsaldeko bostetatik aurrera, Amuteko lokalean. Hook kapitain gaizkilearen abenturez gozatzeko aukera izango dute etxeko txikiek. Inau...

admin

Hibaika, elurretan entrenatzen

Azken egunetako hotza eta elurra ez dira izan oztopo kirola egin eta entrenatzeko, eta horren adibide dira Hibaikako taldeen larunbateko irudi hauek.

admin

Outlet Stock azoka ostiralean abiatuko da

Outlet Stock azokaren lehenbiziko ekitaldia izango da ostiraletik igandera bitartean, Ficoba erakustazokan. Azoka berri horrek 30 stand inguru elkartuko ditu modako oinetako, kirol, larru eta lehen markako produktu aukera zabala eskaintzeko asmoarekin. Hala, stockarekin amaitzeko xedearekin horietako batzuk %80ko beherapenak eskainiko dituzte. Ekitaldia 2. pabiloian garatuko da eta 1.500 metro koadro baino gehiago edukiko ditu. Horiek horrela, Jose Antonio Herbon Irungo Outlet Stockeko zuzendariaren esanetan, “inork ez dezala nahastu Outlet Stock azoka, azoka txiki batekin. Gure helburua produktu onak eskaintzea da, marka onekoak eta oso prezio lehiakorrean”. Eventos Hersyl enpresa galiziarrak antolatu du azoka, eta estatuko beste zenbait lekutan -Leon, Valladolid, Galizia…- arrakasta izan ondoren, Gipuzkoan saiakera egingo du. Ordutegia Outlet Stock otsailaren 10etik 12ra egingo da. Hilaren 10ean 16:30etik 21:00era irekiko ditu ateak; hilaren 11n eta 12an, berriz, 11:00etik 21:00era. Sarrerak 2 euroko prezioa du, eta 10 urtetik beherakoentzat doan izango da.  

admin

Lorcako afektatuei laguntza emateko afaria antolatu dute

Iparraldeko Flamenko Elkarte Kulturalak Lorcako (Murtzia, Espainia) lurrikararengatik afektatuei laguntza emateko xedearekin afaria antolatu du.

admin

‘Txirrindaren mutila’ filma emango dute Amaian

El niño de la bicicleta (Txirrindaren mutila) luzemetraia izango da Amaia KZn, 20:00etan. Sarrerak Telekutxa, Servikutxa, www.irun.org, Turismo Bulegoan, www.kutxa.net weborrian eta Amaian bertan eros daitezke, 4,60eurotan.

admin

Droga saltzea egotzita, hiru atxilotu izan dira

Hiru lagun atxilotu zituen Espainiako Poliziak atzo, droga trafikoa egotzita. Atxilotuak, ustez Irunen eta Donostian saltzen zuten droga. Poliziak Irungo 2. Instrukzio Epaitegiaren esku utzi ditu akusatuak. Hala, Espainiako Poliziak jakinarazi duenez, ...

admin
Gehiago