Klink elkarteak “Kontsumo solidarioa” bularreko minbiziaren kontrako kanpaina berria martxan jarri du. Hainbat hornitzaileekin akordioak lortu ondoren, produktuetan deskontuak lortu dituzte, eta erositako produktu bakoitzeko euro bat kanpainara bideratuko dute. Gainera, hilaren hamarrean Klink elkartean egingo duten bertso afarian lortutako dirua bularreko minbiziaren kanpainarako izango da. Uxue Alberdi eta Beñat Gaztelumendi bertsolariak izango dira bertan. 1.010 euro azaroan Klink elkarteak Hondarribiko behartsuenentzako azaroan egin duen “Zorioneko saltoak eman” kanpaina solidarioan bildutako 1.010 euroak eman zituen iragan astelehenean. Han izan ziren, Caritaseko Mertxe Ancisar eta Txaro Berrotaran, eta Klink elkarteko Mikel Obeso eta Toño Gonzalez. Eskerrak eman, eta behartsuenen artean banatzeko konpromisoa hartu zuten.
Datorren urteko aurrekontuen zirriborroa herritarrekin osatzen ari udalak: «Auzoetan, azalpen orokorrez gain, auzo bizitza indartzeko neurriak hartzeko proposamenak jaso nahi dira eta 2012an auzolanean proiektuak garatzeko egongo den partidaren berri ...
Allerru-Jaizkibelek Azpeitian jokatuko du etzi arratsaldean, 16:45etik aurrera, bertako kiroldegian. Allerru-Jaizkibelek garaipena eskuratu nahi du sailkapeneko azkeneko postuan dagoen taldearen kontra. Horrela, goiko postuetara begira jarri nahi dute, hiru puntuak eskuratuta. Zortzi partidaren ondoren hamar puntu eskuratu dituzte lezoarrek. Sailkapeneko zortzigarren postuan daude, liderrarengandik 11 puntura. Lezoko gizonen gainontzeko taldeek atsedenaldia izango dute asteburu honetan. Emakumeen futbol taldeak, aldiz, Mariño liderra jasoko du etzi arratsaldean Plazetan.
Azaroko udalbatzarra azkar joan zen. Herenegun arratsaldean, ordubete nahikoa izan zuten zinegotziek mahai gainean zuten zazpi puntuko gai ordena aztertzeko. Horietatik, bi mozio zituzten eztabaidatzeko. Bata, Errenteriako Ezkerrak proposatutako pentsiodunen eta erretiratuen erosahalmenari buruzkoa, eta bestea, Bilduk hipotekak ezin ordainduta kaleratzen dituztenei buruz aurkeztutakoa. Batak zein besteak argi berdea ikusi zuten. Pentsiodunen gainekoa, Errenteriako Ezkerrarekin batera, PSE-EEk eta EAJk babestu zuten. Bildu eta PP, berriz, abstenitu egin ziren. Bilduk aurkeztutako mozioaren kasuan, koalizioaz gain, PSE-EE eta Errenteriako Ezkerrak ere aldeko botoa eman zuten, eta EAJ eta PP abstenitu egin ziren. Pentsioen mozioa CCOOren ekimen batetik dator. Errenteriako Ezkerraren arabera, puntu batzuetan ados ez egon arren, funtsean bat egiten dute, eta hori izan da aurkezteko arrazoia. Bertan, Espainiako Gobernuak pentsioak izozteko hartutako erabakiaren aurrean, gobernu berriari Toledoko Itunari eusteko eskatzen zaio, pentsiodun eta erretiratuek erosahalmena berreskura dezaten. Udal taldeek, oro har, arazoa onartu zuten, baina Bilduk eta PPk ez zuten babestu: Bilduk Euskal Herriak erabakitzeko marko propioa behar duela argudiatuta, eta PPk udalak horretarako eskumenik ez duela arrazoituta. Bilduren mozioak ere alderdi guztien kontsentsua lortu zuen funtsean dagoen arazoan, baina aurreko mozioarekin bezala, PPk erabakitzeko ahalmenari begiratu zion, eta oraingoan ere udalak ezin duela ezer egin esan zuen. Mozio horretan Espainiako [...]
Atzo egin zuten azaroari zegokion ohiko udalbatzarra. Bederatzi zinegotzi izan ziren udaletxeko areto nagusian: Bilduko zazpi eta EAJko bi. Beste hainbat gairen artean, hiru mozio onartu zituzten (pentsioei buruzko bestea —behean— ez zuten onartu)....
Irun Rugby Taldeak garaipen garrantzitsua lortu zuen larunbatean Plaiaundin, Iruñeko La Unica taldearen kontra (66-5). Markagailuak alde handia erakutsi zuen arren, bigarren zatira arte ez zen lehia erabaki. Datorren partida bi aste barru jokatuko dut...
Za Horata Bulgariako aldizkariak Hondarribiari buruzko erreportaje zabala argitaratu du eta jaiak, tradizioak, hotelak, jatetxeak eta Hondarribiko txokorik interesgarrienak deskribatzen ditu. Za Horata, “jendearentzat” euskaraz, Bulgariako bizitzaz mintzatzen den aldizkaria da eta kultur, arte, bidai, kirol eta eguneroko albisteak lantzen dituzte, “jendeari axola zaiona” kontuan hartuta, azaldu du Yvaylo Haralampiev-ek, Espainian berriemaile den Bulgariako kazetariak. Mandragora Estudioko Unai Perez hondarribiarraren argazkiak dakar erreportajeak eta Hondarribiko leku eta momentu esanguratsuenak bildu dituzte. Aldizkaria 2005ean sortu zuten, Bulgariako prentsa idatzizko Standart egunkari garrantzitsuaren astekari gisa. 2011tik aurrera, Za Horata hilabetekari izatera pasa da, orri kopurua hirukoiztuz. 35.000 aleko tirada dauka eta irakurle zabalari zuzenduta dago. Za Horata interneten ere kontsulta daiteke, eta http://zahorata.com/news/306/1377 helbidean, Hondarribiko erreportajea irakur daiteke.
Gabonetako oporretan kirola egiteko aukera izango dute Lezoko haur eta gaztetxoek. Gabonak kirol udalekuetan parte hartzeko aukera izango dute 8 eta 13 urte bitartean dituzten haurrek. Bi txanda egingo dituzte. Lehena hilaren 26an hasiko da, eta 31ra arte izango da. Bestea, urtarrilaren 2an hasiko da eta 5era arte iraungo du. Lehenengo astearen prezioa 40 eurokoa da, eta bigarrena, berriz, 32koa, Lezon erroldatua egonez gero. Kanpokoa izanez gero, 60 edo 48 euro ordaindu beharko dira. Goizetan egingo dituzte ekintzak, 09:00etatik 13:30era. Bekoerrota kiroldegian edota bertako pilotalekuan izango dira ekintzak. Hainbat kirol ezagutzeko aukera izango dute haur eta gaztetxoek. Horrela, eskubaloian, futbolean, hockeyan, ostiko beisbolean, saskibaloian, herri kiroletan, pilotan eta beste hainbat kiroletan aritu daitezke. Kirolaren ikasketei lotuta dauden ariketak eta jolasak ere egingo dituzte. Horrez gain, kirol jarduerekin lotutako heziketa ere landuko dute hainbat tailerretan: kirol etika, baloreak, zelaian edo kantxan izan beharreko jarrera, elikadura… Izena emateko Kutxaren 2101 0052 27 0012918959 kontu korronte zenbakian sartu behar da dirua. Ordain agiri hori aurkeztu behar izena emateko orriarekin. Kultura Sailean eman daiteke izena (goizez) edo Bekoerrota kiroldegian (goizez eta arratsaldez). Abenduaren 15era arte eman daiteke izena.
Lowriders taldearen doinuak entzuteko parada izango da gaur gauean De Cyne Reynan. Zarautzen sortutako taldea lau lagunek osatzen dute, eta haiekin batera hainbat kolaboratzaile izaten dituzte kontzertuetan. Lagun taldea da Lowriders, eta “zuzene...
Pagoak bi festa bereezi antolatu ditu asteburutako. Bihar, neska disko jartzaileen txanda izango da: Furonia (Donostia), Nerea (Berriatua), Mimi (Frantzia) eta Yasemin (Frantzia). 00:00etan hasiko da festa eta sarrerak sei euro balio du, trago batekin....
EATko atletismo eskolako ikasleek lan ona egin zuten igandean Plaiaundiko atletismo pistan jokatutako txapelketan. Izan ere, atleta gazteek, bost lehenengo postu eta hiru bigarren eskuratu zituzten egindako hainbat mailatako probetan. Nesken Haurren Ma...
Petra Lekuonan geratzen diren azken mojak (lau) hilaren 10ean joango dira bertatik. Hala, etzirako agur ekitaldiak antolatu dituzte. Meza izango da 11:00etan Doneztebe parrokian, eta 12:00etan ekitaldi zibila egingo dute: omenaldia eta luntxa, horiek e...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
