Eskola Agenda 21en ikasturteko lehen foroa egingo dute gaur goizean, Gezala Auditoriumean, 11:30etik aurrera. Bertan zaborrei eta hondakinei buruz iazko ikasturtean ikasleek egindako eskaerei erantzungo diete udaleko ordezkariek. 2011/2012 ikasturtean, baina, Herri Eskolako eta Lezo Institutuko ikasleek jorratuko duten gaia bioaniztasuna izango da. Hasi dira ikastetxe horietan gaia lantzen. Horrela, Lehen Hezkuntzako 5. mailako ikasleek Altamiragain parkea bisitatu zuten, eta bertan egindako lanak ikusteko aukera izan zuten: zuhaixken landaketa, landare inbaditzaileen aurkako neurriak… DBHko 2. eta 4. mailakoek, berriz, Jaizkibelen egin zuten txangoa pasa den ostegunean. Mendi horretako ameztia berreskuratzeko lanak ikusi ahal izan zituzten ikasleek, baita sortutako urmaela ere. Txango hori, berez, urriaren 24ean egin behar zuten, baina eguraldi txarragatik bertan behera utzi zuten.
Hilaren 26an elkartuko dira 1961an jaiotakoak. 12:30ean meza egingo dute Madalena ermitan, eta 14:00etan bazkarira joateko autobusa hartuko dute Zumardian. Izena emateko 3035 0011 21 0111244490 kontu zenbakian (Euskadiko Kutxa) 60 euro sartu behar dira...
Gipuzkoako Foru Aldundiak datorren urteko aurrekontuak herritarrei azaltzeko hainbat bilera egingo ditu datozen egunetan herrialdeko eskualdeetan. Lehenengoa atzo egin zuen Martin Garitano ahaldun nagusiak Errenteria-Oreretako Reina aretoan. Garitanore...
Zintzilik Irratiak denboraldiko programazio berria aurkeztu zuen larunbat arratsaldean. Eta hobekien egiten dakiten moduan egin zuten, gainera: mikrofonoen aurrean, uhinen bidez aurkeztu zuten ikasturte berrirako prestatutako programazioa. Zuzenean irrati bidez, zein Zintzilik-en webgunetik, irratiko entzuleek denboraldi berrirako prestatu dituzten proposamenak ezagutzeko aukera izan zuten. ‘Aiako Harrikada’, saio berria Denboraldirako berritasuna Bidasoa Beheko Antxeta Irratia eta Oiartzun Irratiarekin elkarlanean egingo duten saioa da. Aiako Harrikada du izena saio horrek, eta Zintzilik Irratiaren jarraitzaileek ostegunero 20:30ean, eta ostiralero 13:30ean, entzun ahal izango dute. Erretegia, irratikideek eta kolaboratzaileek egiten duten albistegia, berriz, astelehenetik ostiralera egingo dute, 20:00etan. Elikadura osasuntsuak tartea izaten jarraituko du Astindu txingurritegia saioaren bidez. Azken hori asteartero egingo dute, 19:30ean. Horrekin batera, umorea, euskara, literatura eta hitzaldiek tartea izaten jarraituko dute Errenteria-Oreretako irrati librearen uhinetan. Martxan hasi zenetik, Zintziliken 27. urtea da aurten, eta bertako kideak gogoz daude: “Ilusio handiz hasiko dugu denboraldi berria”. Halaber, herritarrek urte horietan guztietan emandako laguntza eskertu dute, “ezinezkoa litzateke bestela uhinetan hainbeste urtean egotea”. Ikasturte berrian ere herritarren laguntza “ezinbestekoa” izango dela nabarmendu dute: “Programazioa osatzeko, berriak zabaltzeko, eta irrati libre autogestionatu batek dakartzan gastuei aurre egiteko”. Jendartea “modu libre, osasuntsu eta maitekor batean eraldatu” nahi duten guztiei, “proiektu komunikatibo libre honetan” lekua dutela [...]
Allerruren gizonezkoen bi futbol talde nagusiek bolada berberarekin jarraitzen dute, lehen taldeak txarrarekin eta bigarrenak onarekin. Allerru Bk Erregional Lehen Mailako taldeak bigarren postuan sendo jarraitzen du. Pasa den larunbatean Touring Bri i...
Azaroaren 20ko hauteskundeen harira, Amaiurrek lan ildoak aurkeztuko ditu etzi, 19:00etan, Niessen aretoan. Oro har, nazioak “aldaketa politiko eta sozialaren prozesuan behin betiko bakea, aitorpena eta konponbide demokratikoen agertokia” e...
Soroeta auzoa berritzeko eta kirol gunea egiteko lehiaketara 20 izan dira aurkeztu diren enpresak. “Obrarako kontratuan langabetu hondarribiarrek lehentasuna izateko klausula bat sartu dugu” esan du Juan Mari Altunak, Hondarribiko alkateord...
Agerraldia egin dute gaur eguerdian LABeko kideek Oiartzunen. Ramon Vizcaino enpresan elkartu dira, “enpresa hori baita krisiaren erakusle garbienetako bat”. Krisian eraginen gaineko adierazpen osoa, honakoa bideoan:
Bidasoa Irun taldeak galdu egin zuen larunbatean Cangas Morrazo taldearen aurka (21-26), Zilarrezko Ligako zortzigarren jardunaldiko partidan. Irundarrak atzetik joan ziren markagailuan ia hasieratik. Cangas Morrazo multzoko talde indartsuenetakoa da, ...
FUTBOLA Akitaniako Liga Hendaye Eglantins-Lons 1-2 ERRUGBIA Federale 2 Maila, 8. multzoa Aramits-Hendaye Eglantins (atzeratuta) ESKUBALOIA Dep. Txapelketa (gizonak) Stade Hendayais-Lasseube 35-17 Dep. Txapelketa (emazteak) Stade Hendayais-Lagunak 41-17
Pulpo Zumaiari 32-26 nagusitu zitzaion larunbatean Ereintza, eta horrenbestez, Espainiako Lehen Mailako lider jarraitzen du. Ereintzakoen arabera, “garaipen landua” izan zen. Lehia borrokatua izan zen hasieratik eta atsedenaldira 15-13ko ab...
Lezoko Udala datorren urteko aurrekontuak prestatzen ari da. Horregatik, pasa den ostiral arratsaldean bilera egin zuten herritarrekin Gezala Auditoriumean, udalaren egoera ekonomikoa zein den azaltzeko. Herritarrek euren proposamenak udalari helarazteko aukera izan zuten. Bileraren helburua egoera ekonomikoa azaltzea zen, eta Ainhoa Zabalo alkateak adierazi zuenez, «egoera zein den ikusita, herritarrek aurrekontuak ulertuko dituzte». Datorren urteko aurrekontuan 200.000 euroko doiketa egin behar dutela adierazi zuen alkateak. Ika-mika udal taldeen artean Datorren urteko aurrekontuen sarreren atalean izango dira ordenantza fiskalak. Orain dela ia bi aste onartu zituzten, ezohiko udalbatzarrean. EAJk aurka bozkatu zuen, tasa eta zerga batzuk «gehiegi» igoko direla argudiatuta. Zifrak ere eman zituzten. Alkateak «gezurretan» ari direla egotzi die zinegotzi jeltzaleei, eta bileretan ez parte hartzea leporatu die: «Ostrukarena egiten dute. Lanaren aurrean, burua sartzen dute eta gero kritikak botatzen dituzte. Guk ateak ireki dizkiegu eta eurek ez dute elkarlanerako gogorik eduki». EAJk alkatearen hitzei erantzun die. «Herritarrak ez nahasteko» eskatu diote, eta EAJ gezurretan ari dela dioenean, «frogak» aurkezteko eskatu diote. Gainera, Ogasun Batzordea legegintzaldi honetan behin bakarrik deitu dutela salatu dute, urriaren 13an zehazki: «Gezurra al da Ogasun Batzordea lau hilabetean behin bakarrik deitu duzula eta geroztik ez duzula berriro deitu?». Gainera, EAJko udal taldeak argi utzi [...]
Sailkapen nagusiko azken postuetako taldeekin zituzten lehiak Beti Onak eta Touringek asteburu honetan, eta esperotako maila erakutsi dute Errenteria-Oreretako taldeek. Beti Onak 1-1 egin zuen Kostkas Miren Bihotzaren zelaian, eta Touringek, berriz, 3-...
Gaur Merkatuzarren, eta bihar Beraungo anbulatorian, odola emateko aukera izango da, 18:30etik 20:30era. Gipuzkoako Odol Emaileen Elkarteak egin du deia, eta ekintza hori egitera animatu ditu bazkide guztiak eta, oro har, 18 urtetik gorako herritar guz...
Vomito, Piorreah eta Odio taldeek Mogambon emandako kontzertuaren harira, Odio taldeak ondoko bideoa prestatu du. Ikus.
Herriko zortzi ikastetxetako 3.583 ikasle hondakinen gaia aztertzen aritu dira 2010-2011 ikasturtean, eta ekainean Udalbatzari ondorioak eta zenbait proposamen aurkeztu ondoren, gaur jaso dute erantzuna. Julen Mendoza alkateak jakinarazi die eurek aurk...
Aracaladanza dantza konpainiak Nubes lana eskainiko du larunbatean Amaia Kultur Zentroan, 17:00etan hasita. Nubes Rene Magritte artista belgikarraren bizitzan oinarritutako ikuskizuna da. Irudimen handia zuen margolari belgikarra zen René Magritte. Bere margolanetan ezinezko gauzak agertzen ziren: sagar erraldoia, gizonen euria, behatz eta hatzazkalak zituzten zapatak… eta lainoak, lainoak behin eta berriz ageri ziren bere lanetan. Magritteren mundu irudimentsu horretan oinarritzen da Aracaladanzaren Nubes lan hau. Dantza, musika eta gauzak elkartzen dituen ikuskizun ederra. Ametsetan bezala, irudimenak ez du mugarik ikuskizun honetan, lainoetan egotea bezala da! Dantza alorrean erreferentzia Enrique Cabrerak sortu zuen 1994. urtean Aracaladanza konpainia, eta ordutik dantza eta arte eszenikoen alorrean erreferentzia saihestezina bihurtu da konpainia honen lana. Heldu, gazte zein umeentzat egindako lanek arrakastaz bete dituzte mundu osoko antzokiak. Nubes ikusgarria Madrilen estreinatu zen 2009an, eta sariak bata bestearen atzean etorri dira: Dantza ikuskizun onenaren Feten saria 2010ean, ume ikuskizun onenaren Max saria 2011an, e.a. Sarrerak dagoeneko salgai daude ohiko lekuetan.Ikuskizunaren egunean ere txarteldegia irekiko dute, saioa hasi baino ordubete lehenago. Sarrera orokorrak 6,60 euroko kostoa du.
Emi Lopetegi margolari irundarrak erakusketa ireki zuen atzo Euskadiko Kutxak Colon pasealekuan duen aretoan. Azken urteotako lanak hautatu ditu Lopetegik, besteak beste, paisaiak eta bodegoiak. Arratsaldean inauguratu zuten eta hilaren 20a arte bisitatu daiteke. Goizez aurkezpena egin zuten, Lopetegi bera eta Irungo Udaleko Kultura ordezkari Belen Sierra bertan zirela. Emi Lopetegi margolari amateurra da, pintzelak eguneroko lanaren ondotik hartzen dituena. “Margotzea gustatzen zait eta ondo sentitzen naiz margotzen dudanean”, azaldu zuen atzoko arkezpenean. Formakuntza Irungo Pintura Akademian jaso du; Javier Sagarzazu artista hondarribiarra izan da bere maisua. Azken urteotako lanetako batzuk lehiaketetan hautatuak izan dira, esaterako, Zumarraga, Donibane Lohizune eta Adour Bidasoa lehiaketetan. Hain zuzen ere, Eli Lopetegiren lan bat ikus daiteke Amaia KZko Adour Bidasoako erakusketan. Kolore biziko lan figuratiboak Euskadiko Kutxarako prestatu dituen lanak azken bi urteetan egindakoak dira. Batez ere lan figuratiboak dira, Belen Sierra ordezkariak azaldu zuenez: «Bere margoa figuratiboa da: paisaiak, itsas gaiak, hiriak… Bere ingurua margotzea gustatzen zaio. Erakusketa honetan Donostiako koadro asko ikus daitezke, Donostiak bereziki erakartzen baitu». Lopetegik berdin berdin erabilzen ditu pintzela zein espatula, eta hainbat teknika baliatzen ditu nahi dituen emaitzak lortzeko: lausodurak, lixatzeak, etabar. Orohar, kolore biziak maite ditu, eta horiek lortzeko tonoen arteko kontrasteak eta dekoloratzeak erabiltzen ditu. [...]
Gipuzkoako Foru Aldundiak herrialdeko zenbait herrietan bilera irekiak antolatu ditu, heldu den urterako aurrekontu proposamena herritarrei azaltzeko. Irunen hilaren 10ean egingo dute bilera, Amaia Kultur Zentroan. Martin Garitano ahaldun nagusia berta...
Iganderako deitu du Trintxer Mendi Taldeak Ega ibai arroaren (Nafarroa) barruko hamabosgarren irteera. Sesma herritik Carcar herrira dauden 22 kilometroak osatuko dituzte, oinez. Sesmaraino autobusez joango dira. Trintxerpeko Dax taberna paretik irtengo da autobusa, igandean bertan. Interesa dutenek ondoko telefono zenbakietara dei dezakete izena emateko edo irteeraren gaineko informazio zabalagoa eskatzeko: 943 39 07 21 edo 679 23 36 60.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
