2011/6

Karmengo Ama ikastetxearen jaia izango da bihar

Goizeko hamaiketatik aurrera, Trintxerpeko Karmengo Ama ikastetxean jaia ospatuko dute bihar. 2 eta 12 urte bitartekoek biharko prestatu dituzten emanaldiak eskainiko dituzte: abestiak, olerkiak, dantzak, perkusioa, abesbatza, txistua eta 6. mailakoei ...

admin

Aralar: “Jaurlaritzak legeari muzin egiten dio Pasaiako badiaren egitasmoan”

Pasaiako Portuko Plan Zuzentzailea tramitatzen ari dira eta horren haritik Aralarrek “legeari muzin egin izana” leporatu dio Eusko Jaurlaritzari. Atzo kontroleko bilera izan zuten eta Aralarreko legebiltzarkide Dani Maeztuk salatu zuen Jaur...

admin

Elosegi eta Crespo Europako Txapelketako finalean

Ander Elosegi eta Joan Crespok igandeko finalerako sailkatzea lortu zuten atzo, La Seu Urgellen (Lleida, Herrialde Katalanak) ospatzen ari den ur bizietako Europako Sprint Txapelketan. Santiagotarrak taldeko beste ordezkariak, Jone Otañok, ez zuen zorte bera eduki, eta ezin izan zuen aurrera egin final laurdenetatik. Gaur Jeitsierako Munduko Txapelketa hasiko da Alemanian eta Ander Arakamak hartuko du parte. Atzo, ostirala, K1 (banakako kajak) eta C1 (banakako kanoa) modalitateetako gizonen sailkatze fasea ospatu zen, eta Santiagotarrak-Zaisa taldeko bi piraguistek, Ander Elosegik eta Joan Crespok igandeko finaletarako txartela eskuratu zuten. Elosegik, gainera, denborarik onena egitea lortu zuen C1-eko bere sailkapenean, eta finalean podiumean egoteko faboritoa da. Crespo bigarren izan zen bere frogan, K1-ean, Europako Txapelketara fisikoki eta buruz oso ondo iritsi dela argi utziz. Taldeka ere sailkatu dira Taldekako lanean ere bikain aritu ziren biak. Elosegik Jon Erguinekin eta Jon Domenjorekin osatu zuen kanoetako hirukoa. Bosgarren sailkatuta finalerako sailkatu ziren. Crespok gauza bera egin zuen, kajakeko hiruko taldean, Samuel Hernanz eta Carlos Juanmartirekin sailkapenean bigarren postua lortuta. Bi patruilen helburua dominen bat lortzea izango da. Igandeko finaletan Ander Elosegik bi finaletan hartuko du parte, eta beste bitan Joan Crespok. Elosegi azkena aterako da C1-eko finalean, sailkapenean lehena izan zelako atzo. Kanoetako taldekako finalean [...]

admin

Oiartzun Irratia: ekainak 11

Gaurko programazioa FM107an: 11:00etan. Bertxoko.

admin

Ganbara hustea antolatu dute igandean Xoldon

Igandean ganbara hustea izango da Biriatun Ikastolako Gurasoen Elkarteak antolatuta. Xoldo ezker paretan izango da, 08:00etatik 18:00ak arte. Bildutako dirua haurren bidaietarako eta eskola materiala erosteko zuzenduko da. Bertan aurkitu ditzakegun gau...

admin

Badiako etorbideko biribilgunea eraikitzeko obrak hasi dira

Joan den ekainaren 6an hasi dira biribilgune berri baten eraikitzeko obrak Txingudiko Badiako etorbidean, Itsas Zentroaren aitzinean. Hendaiako Herriko Etxeak barkamenak eskatzen ditu, bidegorrian sortuko diren eragozpenengatik. Itsas Zentrorako sarbi...

admin

Salaberri pozik da aireportuaren auzian “errealismoa nagusitzen hasi delako”

Jean-Baptiste Salaberri Hendaiako Auzapezak bere iritzia eman nahi du, Hondarribiko aireportuaren gaiari lotu azken berriei buruz: “Bidasoako beste aldeko prentsak dionez, Espainiako Ingurumen Ministerioaren txosten berri batek aipatzen ditu erakunde publikoek eta ingurumenaren aldeko elkarteek Hondarribiko aireportuaren pistaren luzatzearen kontra adierazi dituzten arrazoiak. Nabaritzen da Bidasoako Hegoaldeko erakunde nagusiek (Espainiako Gobernua, Eusko Jaurlaritza, Gipuzkoako Foru Aldundia…) beren jarrera aldatu dutela gai horretaz. Delako Ministerioaren txostenak dionez, gehienak pista ez luzatzearen alde agertzen dira, batzuek ere laburtzea proposatzen dutelarik. Ingurumenari (Txingudiko zingiraren babespena bermatzeko beharra, Natura 2000-ko neurrien errespetatzea…), osasun publikoari edo horrelako azpiegitura baten bideragarritasun ekonomikoari (batez ere “euskal Y” laster iritsiko dela kontutan hartzen bada) loturiko kontsiderazioek dituzte luzatzearen kontrako iritziak justifikatzen, eta Hendaiako Udalak betidanik argudio berberak baliatu ditu gai horretaz. Komeni da ere aipatzea txostenak gai hori maila egokian tratatzeko beharra azpimarratzen duela, hots horren mugaz gaindiko dimentsioa egiazki kontutan hartuz (Biarritzeko aireportuarekiko osagarritasuna). Informazio hauek baieztatu ziren Frantzia eta Espainiaren arteko mugaz gaindiko arazoen konpontzeaz arduratzen den Pirinioetako Nazioarteko Batzordean, ekainaren 6 eta 7an Madrilen bildu zelarik. Batzordeak galdegin du gai horri buruz gerta litezkeen aldaketa guztiez informatua izatea. Hendaiako Auzapezak iritzi aldaketa horiek interes handiz erreparatu ditu, eta pozten da kezka horretaz azkenean errealismoa nagusi [...]

admin

Indotxinako gerla oroimenean

Indotxinan Frantziaren alde hil zirenen oroitzapen zeremonia ekainaren 8an iragan zen, Hildakoen Monumentuan. Agintariek eta tokiko elkarteko kideek bi lore-bala utzi ondoren, Auzapez jaunak Gérard Longuet Ministroaren hitzaldia irakurri zuen. Bukatzeko, aperitifa eskaini zen Herriko Etxeko 1. solairuko Aretoetan.

admin

Belaskoeneako jaietako egitaraua

Belaskoenea Auzoko Paduako San Antonio Jaien Egitaraua Ekainak 10, ostirala: 18:00etan: Jaien Inaugurazioa 2010eko Kantineraren eskutik. 18:15etan: “TRIKIPAND” Lesakako Trikitixa taldearen kalejira. 18:30etan: Balkoi loratuaren hirugarren...

admin

Ezuztekorik ez zen egon larunbatean eta Santanok aginduko du berriz

Jose Antonio Santanok gidatuko du datozen lau urteetan Irungo hiria, larunbatean ospatutako kargu hartze ekitaldian bera izan baitzen bozka gehien lortu zituena. Alderdi bakoitzak hautagaia aurkeztu eta bakoitzak bereari eman zion bozka. Hortaz, Santano hautatu zuten, gehiengoz, sozialisten botoekin. Kargua hartu eta gero alkate izatea beti beretzako “pasioa” izan dela onartu zuen Santanok. Bilkura aretoa leporaino beteta zegoela egin zen bilera, oso giro onean. Ez lehenago, ezta beranduago ere, udaletxeko erlojuak eguerdia zela markatzen zuenean hasi zen larunbateko ekitaldia. Aurrena adin mahaia osatu zen. Juana Herrador idazkariak mahaira deitu zituen Manuel Millan (Ezker Batua) zinegotzi zaharrena eta Santi Reyes gazteena (PP). Haien ardura izan zen udalbatza berria osatzen duten 25 zinegotzien izen abizenak banaka gogoratzea. Hautetsi gehienek euskara aukeratu zuten kargu onartzeko, dozena erdi inguruk bi hizkuntzetan egin zuen, eta gutxi batzuk gaztelania hutsez. Hizkuntzak baino gehiago izan ziren hautatutako formulak: batzuek “zin egin” zuten, beste hainbatek “hitza eman”, eta nahastu zirenek “hitz egin” zuten. Bost hautagaitza Ondoren alderdiek beren hautagaitzak aurkeztu zituzten, maiatzaren 22an ordezkaritza lortu zuten alderdi bakoitzak berea: hurrenez hurren, Xabier Iridoy (EAJ), Juana Bengoetxea (PP), Oinatz Mitxelena (Bildu), Jose Antonio Santano (PSE-EE) eta Manuel Millan. Iridoy jeltzaleak hartu zuen lehenengo hitza, eta eskerrak emateko baliatu zuen [...]

admin

Ainhoa Zabalo Lezoko alkate berria da, sorpresarik gabe

Ez da sorpresarik izan Lezoko udaletxean gaur eguerdia. Ainhoa Zabalo Bilduko zerrendaburuak alkatetza eskuratu du, koalizioko zinegotzien aldeko bederatzi botoekin. EAJk Kepa Garbizu alkategaiari eman dizkio hiru botoak. PSE-EEko ordezkari Mikel Antxon Arrizabalagak, aldiz, ezin izan du Udalbatza eratzeko saioan egon. Kepa Garbizuk eta Lucia Aranburuk (Bildu) osatu dute adineko mahaia, zinegotzi zaharrenari eta gazteenari dagozkien postuetan. Zinegotzi soberanistek “legeak inposatuta” zin egin dute, “Espainiako Konstituzioak Euskal Herriaren borondatea errespetatzen ez duelako”. Jeltzaleek, berriz, Konstituzioa errespetatuko dutela esan dute. Botoak kontatu ondoren, alkate berriak hartu du hitza. “Inoiz baino babes handia jaso dugu ezkertiarrok eta abertzaleok”, esan du Zabalok, eta “guztientzat” lan egingo dutela adierazi du, “inolako bazterkeriarik gabe”.Euskal Herrian ireki berri den aro berria ere aipatu du, eta “bortxakeria, mehatxuak, presioak, atxiloketak eta torturak” gaitzetsi ditu. Presoak eta deportatuak etxera itzultzeko nahia ere adierazi du. Haritz Salaberria orain arteko alkateak “Euskal Herriaren burujabetzaren ikur” den arrano beltzaren bandera ere eman dio Zabalori, baita aginte-uztaila ere. “Ziur guk baino hobeto egingo duzuela” gaineratu du Salaberriak, “eta espero dut, guri gertatu zaigun bezala, inorri ez debekatzea zerrendetan aurkeztea”. Imanol Esnaolak ere hartu du hitza. 1999tik 2003ra zinegotzi izandakoak espetxean dagoen Xabier Alegria zinegotzi ohia gogoratu du, baita Udalbiltzaren lana ere. Nazio [...]

admin

Aiora Perez de San Romanek hartu du alkate kargua

Aiora Perez de San Romanek, Bilduren alkategaiak, hartu du alkate kargua. 12:00etan egin dute udaletxean Alkatetza hartzeko kargua, eta Udalbatza osatuta gelditu da. Aiora Perez de San Romanek 10 boto jaso ditu; EAJko Aitor Santxez Urkiak bat (bera ez da udalbatzarrean egon, bestela bi jasoko lituzke) eta Hamaikabateko Xanet Arozenak beste bat. Perez de San Romanek hitza hartu du ondoren. Eskerrak eman dizkie bertaratutako guztiei, eta osatu duten taldea astelehenetik aurrera lanean hasiko dela iragarri du. Era berean herritarren parte hartzea bultzatuko dutela jakinarazi du, eta parte hartzeko deia egin die herritarrei. OARSO BIDASOKO HITZA-k zuzenean eman du Alkatetzea hartzeko ekitaldia:

admin

Aitor Kerejeta izango da Hondarribiko alkatea

Gobernua eratu dute goizeko 9:00etan Hondarribian, eta espero bezala, EAJko Aitor Kerejetak eskuratu du alkatetza, zinegotzien zortzi botorekin. Adin mahaia Gregorio Berrotaranek, EAJko zinegotzi helduenak, eta Amaia Gezalak, EAJko zinegotzi gazteenak eratu dute eta zinegotzien egiaztagiriak frogatuta, legegintzaldi berrian Hondarribiko ordezkariak izango diren hamazazpi kideen zinegotzi karguen jabetza hartzea egin dute. Hauek dira Hondarribiko Udaleko hamazazpi zinegotzi berriak: Aitor Kerejeta (EAJ), Juan Maria Altuna (EAJ), Txomin Sagarzazu (EAJ), Lupe Olaskoaga (EAJ), Amaia Gezala (EAJ), Gregorio Berrotaran (EAJ), Maite Pelaez (EAJ), Katrin Martinez (EAJ), Ibai Labaien (Bildu), Mikel Garmendia (Bildu), Juan Ortiz (Bildu), Kattalin Noblia (Bildu), Marilena Castillo (Bildu), Josu Alvarez (PSE-EE), Ramon Laborda (PSE-EE), Ion Elizalde (Hamaikabat) eta Jose Miguel Ochoteco (PP). Horrela, zinegotzi bakoitzak, Hondarribiko Udalean ohitura den bezala, kargua egiaztatzen duen domina jaso du. Alkate hautaketan espero zena bete da, Aitor Kerejetak (EAJ) zortzi boto eskuratu ditu, Ibai Labaienek (Bildu) bost, Josu Alvarezek (PSE-EE) bi, Ion Elizaldek (Hamaikabat) ez du botorik jaso eta Jose Miguel Ochotecok (PP) bat. Boto zuri bat izan da. Horrela, Aitor Kerejetak alkate karguaren jabetza hartu du datozen lau urtetarako. Hondarribiko EAJk Udal Gobernua bakarrik eratu du, baina ez du baztertu hainbat gairen gaineko akordio zehatzak hartzea gainontzeko alderdiekin. Alderdien arteko harremanari garrantzia eman [...]

admin

Bilduko Amaia Agirregabiria izendatu dute alkate Pasaian

10:00etan puntual hasi da udalbatzarra osatzeko ekitaldia Pasaian, eta ordurako herritarrez lepo zegoen Donibaneko pleno aretoa. Ikusleen arteko askok Euskal presoak Euskal Herrira aldarri duten pegatinak soinean zituzten. Herritarren artean ziren, bes...

admin

Ordu erdi alkatea erabakitzeko

kargu hartzeko saioa hasteko ordu erdi eskas falta denean

admin

‘Botanikari gozozalea’ filma eskainiko dute Mediatekan, bi aldiz

Fraîch Attitude barazki eta fruitu freskoen astearen barruan, bihar, Marc Veyraten L’herbier gourmand (Botanikari gozozalea) filma proiektatuko dute Mediatekan, larunbatean, 14:00etan eta 16:00etan.

admin

Gitar kontzertua astelehenean Xaian

Roman Pokorny txekiar gitarristak kontzertua emango du astelehenean, hilaren 13an, Pausuko Xaia ostatuan. Bakalau elkarteak antolatzen du eta 19:00etan hasiko da.

admin

Errepublika plaza oinezkoentzat asteazkenetik irailera arte

Ekainaren 15etik irailaren 15era, iaz egin zen bezala, Errepublika Plaza oinezkoentzat izanen da (aparkatzea eta autoz zirkulatzea debekatua izanen da) arratsero (19:00etatik biharamuneko 06:00etara). Aurten, gainera, neurri hori igandean egun osoan in...

admin

Aste frexkoenak laugarren urtea bete du

Aurten 4. aldiz, Hendaiako Herriko Etxeak Interfel barazki eta fruitu freskoen profesionalen batasunak abiatu duen Fraich’attitude barazki eta fruitu freskoen aste nazionalean parte hartuko du, 2011ko ekainaren 3tik 12ra. Gure elikadurak eragin ...

admin
Gehiago