Albisteak

Udal Gobernu Taldea: “Oiartzunentzako onuragarriak eta lehentasunezko proiektuak egin dira”

Udal Gobernu Taldea pozik dago azkeneko lau urteetan egindako lanarekin: “Azken lau urteetan Oiartzunentzako onuragarriak eta lehentasunezko proiektuak aurrera atera dira”. Legegintzaldiko balorazioa egiteko agerraldia egin dute gaur Aitor Etxeberria alkateak, eta Arantza Arrese, Karmele Irastorza eta Enrike Lekuona zinegotziek. Gogorarazi dutenez, arau subsidiarioen berrikusketa bereziki garrantzitsua izan da. Horri esker hainbat proiektu garatu direla nabarmendu dute: “Arraguarako eta Ugaldetxorako egindako proposamenak zuzendu dira. Hor kokatu behar dira Arraguako eta Altzibarko babes ofizialeko etxebizitzen promozioak ere, eta Iturriozko garapena eta Arraguako biziberritzea; Cadarso enpresa Altzibartik ateratzeko ere ezinbestekoa izan da”. Udal Gobernu Taldeak iraunkortasunaren alde egindako lana ere gogorarazi du: “Hondakinen atez ateko bilketa sistema izan da legegintzaldi honetako beste erronketa bat. Horrez gain, herri barruan garraio publikoa sustatzeari ere garrantzia berezia eman diogu: Xorrola jarri da martxan eta taxi-busa egokitu da”. Krisia dela eta, urte gogorrak izan dira, herritarrentzat bezala, administrazioentzat. Udalean doikuntzak egin behar izan dituzte, “beti ere herritarrei eskaintzen zaizkien zerbitzuak mantentzeari lehentasuna emanez”. 2010a 200.000 eurotik gorako gerakinarekin bukatu zuen Udalak. Hezkuntza komunitatearentzako hobekuntzak ere bultzatu dituztela azaldu dute. Udal Ikastola Partzuergoak egoitza bakarra izango duela, eta Elizalden, frontoi estalia egiteaz gain, jantokia handitzeko lanak esleitu dituztela. Fermiñene birgatzea ere oso garrantzitsutzat dute: “Ludotekaz gain, Euskararen [...]

admin

Oarso Bidasoko ELAren urteurreneko ekimenak datorren astean

Oarso Bidasoko ELAk ehun urte bete ditu, eta datorren astera begira, hainbat ekimen antolatu ditu. Astelehenean hasiko dira horiekin. 11:00etan ELAko artxibo historikoko materialez osatutako erakusketa zabalduko dute. Horrez gain, azken 30 urteko langi...

admin

Azken partida jokatuko du Donibane Majestik-ek

Donibane Majestik eskubaloi taldeak Gipuzkoako Kopako azken partida jokatuko du etzi Zarauzko kiroldegian. Amenabar taldea izango du kontrario 16:00etatik aurrera. Talde arrosa laugarren postuan dago (8 talde daude) eta Amenabar bosgarrenean. Biek sei ...

admin

San Juango eta Hibaikako neskak Euskotren Ligan

Euskotren Ligan arituko dira San Juango eta Hibaikako neskak (azken horiek Zumaiakoekin batera). Herenegun arratsaldean sailkapen proba jokatu zuten Gipuzkoako lau ontzik. Hondarribia ere jokatzekoa zen estropada, baina azkenean ez aurkeztea erabaki zu...

admin

Hondarribiko III. Triatloia antolatu du Txirrindulari Elkarteak larunbaterako

Hondarribiko Txirrindulari Elkartea Udalarekin batera eta Gipuzkoako Triatloi Federazioaren laguntzarekin, Hondarribiko III Triatloia antolatu dute larunbaterako. Bi triatloi izango dira; Promozio triatloia bata, eta sprint triatloia bestea, federatuentzat. Iragan urteko proba errepikatzeko eskualdeko kirolarien eskariak jasota, Hondarribiko III Triatloia egitera animatu dira. «Hondarribiak triatloi proba egiteko gune natural ezinobea eskaintzen du, izan ere, Jaizkibel mendiak eta Bidasoa ibaiaren bokaleak zirkuitu polit eta estua egiteko aukera ematen dute», azaldu dute antolatzailek. Sei urte darama Txirrindulari Elkarteak triatloiaren aldeko ekintzak egiten eta elkarteko kirolariek herritarrak proban parte hartzera gonbidatzen eta animatzen dituzte. Honela, herritarrentzako promozio triatloian, modalitate hau praktikatzen ez duten pertsonei probatzeko aukera luzatzen zaie, distantzia motzagoekin. Promozio triatloia larunbatean arratsaldeko 15:00etan hasiko da eta 325 metro igerian, 10 kilometro bizikleta gainean eta 2,5 kilometro lasterka egin beharko dituzte. Dortsalak jasotzeko Hondartza Kiroldegira hurbildu beharko dira partehartzaileak larunbatean bertan, eguerdiko 12:00etatik 14:30era. Sprint triatloia ordu bete beranduago hasiko da, arratsaldeko 16:00etan, eta 750 metro igerian, 20 kilometro bizikleta gainean, eta 5 kilometro lasterka egin beharko dituzte. Hauek dortsalak ere leku berean jaso beharko dituzte. Hondarribiak ingurune berezia eskaintzen du proba egiteko. Horrela, lehenengo igeri hondartza aurrean egingo dute, jarraian, bizikletan federatuek Guadalupera igo beharko dute, eta Herri Triatloiekoak farolara, eta bukatzeko [...]

admin

Soldaten eguneratzea onatu du Udalbatzak

Udaleko langileen soldaten eguneratzea onartu zuten herenegun egin zuten udalbatzarrean. Udal Gobernu Taldearen aldeko botoarekin atera zen aurrera proposamena. EAJ abstenitu egin zen eta PSE-EEk aurka bozkatu zuen. Mikel Antxon Arrizabalaga zinegotzi ...

admin

Aurrekontuei egindako erreklamazioak eztabaidatuko dituzte ezohiko plenoan

Bihar goizeko zortzietan ezohiko osoko bilkura egingo du Errenteriako Udalbatzak. Puntu bakarra izango dute eztabaidatzeko: 2011ko aurrekontuei eginiko erreklamazioen ebazpena. Hori behin betiko onetsi edo atzera bota bozkatu beharko dute zinegotziek. ...

admin

Udalbatzarrak bere egin du La Herrera Herriraren proposamena

EAE-ANV, EB eta atxiki gabeko zinegotzi Miriam Canoren aldeko botoekin aprobatu zen atzo, ezohiko udalbatzarrean La Herrera Herrira herri batzordeak kaiko Herrera ordenatzeko landutako hirigintza proposamena. Kontra botatu zuten PSE-EEk eta PPk, eta EAJko bi zinegotziak abstenitu egin ziren. Herritar ugari bildu zen Trintxerpeko alkateordetzan, alderdien eztabaida zuzenean jarraitzeko. Aldarriak eskuan, txaloak eta kexak entzun ahal izan ziren maiz hautetsien hizketaldien ondoren. La Herrera Herrira Herri Batzordeak bere proposamena azaltzeko landu duen ikus-entzunezkoaren emisioarekin abiatu zen udalbatzarra, batzordeko kideak hala eskatuta. Ondoren Maider Ziganda alkateak bidea eman zion eztabaidari. Atxiki gabeko zinegotzi Miriam Cano lehenik, eta EAJren bozeramaile Jose Luis Goikoetxeak ondoren, egitekoa zen botazioaren gaineko zalantzak azaleratu zituzten lehenik, beren botoa zein izango zen argitu gabe. Oposizioko gainontzeko alderdiek, aldiz, lehen unetik argitu zuten beren jarrera. PPk herritarren proposamena Herrerara mugatzen zela eta portua orokorren aztertu behar zela argudiatuta kontra agertu zen. EBk aldeko jarrera agertu zuen eta PSE-EEk aldiz, kontrakoa. Sozialisten bozeramaile Bixen Itsasok esan zuenez, “herritarrei parte hartzeko eman zaien aukera legegintzaldi osoan ukatu egin zaie oposizioko alderdiei”. Herritarren proposamena funtsean gustuko duten arren, “Gobernu Taldearen itzalpean” sortu izanagatik, kontra botatuko zutela iragarri zuen, han bildutako herritar ugariren haserrea eraginez. “Parte hartze foroetan izan naizenetan ez didate [...]

admin

Herriarteko pala txapelketaren itzuliko partidak bihar

herriarteko pala txapelketaren kanporaketa

admin

Oiartzun Irratia: maiatzak 19

Gaurko programazioa FM107an: 10:00etan, Arguyuan: 10:30ean: Zuberoa kantuz. 11:30ean: Zulotik deiadarka. 12:10ean: Oiartzuarren Baitan. 13:15ean: Arrosaren tartea. 15:00etan: Albisteak. 18:00etan: Arguyuan (errepikapena). 20:00etan: Albisteak. 20:30...

admin

Hondartzako azoka, gaur

Gaueko merkatuen beste ekitaldi bat eginen dute gaur Itsas etorbidean, arratsaldeko zortiretatik aurrera. Gauerdira arte, hainbat produktu erosteko aukera izanen da Hondartzako Azokan.

admin

Xanoren azken diskaren aurkezpena ostiralean Xaian

Irailarekin batera, Xaia ostatuak ikasturte berriko ekitaldien egitarauari ekingo dio bihar, Jean-Marc Halsouet Xano-ren azken diskaren aurkezpenarekin. Kontzertua 19:00etan hasiko da, eta sartzea doan izanen da.

admin

Europako Kopa etxean hasiko du Leka Eneak

Irungo Leka Enea mahai tenis taldeak asteburuan ekingo dio ETTU CUP Kluben arteko Europako Kopako aurtengo ekitaldiari. Aurten, gainera, etxean jokatuko du lehen erronda, 3. multzoaren barruan. Larunbatean eta igandean izango da, hilaren 3an eta 4an, Hirubide ikastetxean (Anaka). Irundarrekin, DT Union Luxembourg, Libertas Marinkolor (Kroazia) eta DSG Union Waldegg Linz (Austria) taldeak lehiatuko dira. Azken hauek dira, Leka Enearekin batera, bigarren fasera sailkatzeko aukera gehien dituztenak. Ahalik eta zale gehien bildu nahian, partidak ikusteko sartzea debalde jarri dute. Larunbatean egun osoz arituko dira, eta igandean goizez. Larunbateko partidak. Goizez, 10:00etan. Leka Enea – DT Union Luxembourg DSG Union Waldegg Linz – Libertas Marinkolor Arratsaldez, 17:00etan. DT Union Luxembourg – DSG Union Waldegg Linz Libertas Marinkolor – Leka Enea Igandeko partidak, 10:00etan Leka Enea – DSG Union Waldegg Linz Libertas Marinkolor – DT Union Luxembourg Aurtengo taldea 2011-2012 denboraldirako gizonen lehen taldean iazko hiru jokalari berak jardungo dute, hots, Zoltan Batorfi, Endika Diez eta Zhang Sining. Ordezkoen artean nobedade bat dago, Endika Gonzalez hondarribiarra sartu baita taldean; berarekin batera Gorka Fernandez, Iker Martinez, Victor Santamaria eta Sergio Rodrigezek osatuko dute ordezkoen aulkia.                

admin

Lore lehorren erakusketa, Petra Lekuona egoitzan

Irailean Mari Carmen Cousillasen lore lehorren koadroez gozatu ahal izango da Petra Lekuonan, honako ordutegian: 09:30-13:00 eta 16:00-20:00.

admin

Pasaiarentzat Errenteria Hiria Txapelketa

Azken asteotan Touringek antolatutako Errenteria Hiria Txapelketa jokatzen aritu dira, eta pasa den asteburuan jokatu zuten finala. Pasaia eta Touring izan ziren aurrez aurre, eta bana berdindu bazuten ere pasaitarrentzat izan zen txapelketa. Touring j...

admin

Hondarribiko Arrantzaleen Hermandadeko arrain zopa munduko onena

Munduko arrain zoparik onena Hondarribiko Arrantzaleen Hermandadean egiten dutela azaldu dute All Nippon Airways japoniar airelinearen aldizkariko azken alean argitaratutako artikuluan. Japoniar kazetariek gastronomi bidaia egin zuten eta Hondarribiko ...

admin

Tweak Birdek joko du bihar Mogambon

Estatu Batuetatik heldu dira eta Mogambon dute hurrengo jomuga. Caleb eta Ashton Bird anaiek kontzertua eskainiko dute bihar, 21:00etatik aurrera. Sarrerak 10 euro balio du eta aurrez eros daiteke, redribbonmusic.comwebgunean. Tweak Bird taldeaz gain, Yemen-Ra taldekoek joko dute Mogambon.

admin
Gehiago