'Zuena da HITZA' podkasteko hirugarren atalean Irati Erauskin 'La Panto' hondarribiarra izan da protagonista. Sakon hitz egin du hedabidearekin.


Datorren ikasturtean Trintxerpen futbolean jokatu nahi dutenek orain dute izena emateko aukera, ondoren zehazten diren telefono zenbakietara deituta: Alebinak: 655 71 19 42 edota 627 37 19 63 Haurrak: 609 70 16 65 Kadeteak: 671 17 90 54 Futbol eskola (...

Gaurko programazioa FM107an: 10:00etan, Arguyuan: 10:30ean: Arrosa. 11:30ean: Joel Rodriguezen eskutik, zinema eta DVD estreinaldiak. 12:10ean: Eltze tartin. 12:10ean: Tourrari buruzko Kirolez blai! saioa. Gonbidatua: Iker Leonet txirrindulari ohia iza...

Espainiako Txapelketan garaile izan ondoren, Europako 23 urtez azpiko Txapelketan lehiatzen ari da Maitane Azpeitia atleta. Gaur hasi dira kirolarien arteko norgehiagokak Ostravan (Txekiar Errepublika) eta igande arte jarraituko dute lehiatzen. Azpeiti...

Boxeo gaua egingo dute larunbatean Beraungo frontoian

Hondarribiak Gipuzkoako titulua berrestea lortu zuen atzo olatu artean Donostiako Kontxan jokatu zuten Gipuzkoako Traineru Txapelketan. Itsasoa izan zen lehiako protagonista eta gora behera asko izan ziren. Horrela, Ama Guadalupekoak itsasoan duen trebetasuna erakutsi zuen eta olatu onak hartu zituen. Olatu, txiki, ertain eta handiak izan ziren, eta ikuskizun paregabea izan zen hurbildu zirenek ikusi ahal izan zutena. Hondarribia izan zen lehena, Zumaia bigarren, Orio hirugarren eta Donostiarra laugarren. San Juan bostgarren izan zen eta San Pedro seigarren, eta horrela, Euskadiko txapelketatik kanpo geratu dira. Euskadikoa, uztailaren 25ean jokatuko dute, Lekeition. Itsasoarekin borrokan Lehen luzean itsasoari aurre egitea tokatu zitzaien, gogorra izan zen eta sufritu zuten. Haizea kontran zuten, eta San Juan izan zen indartsuena lehen minutuetan. Talde arroxak bederatzi segundu atera zizkion bigarren zijoan Hondarribiari lehen ziabogan, eta segurtasun handia transmititzen bazuten ere, bigarren luzean olatu bat hartzen saiatu ziren, eta traineruaren branka ur azpian geratu egin zen. Traineruan ura sartu zen, eta hortik aurrera abiadurak behera egin zuen. Horrela, San Juan atzean geratu eta Hondarribia lehena izatera pasatu egin zen. Bi bandera lau egunetan Hondarribian gustora daude,, «ez zen estropada erraza izan, taldeen artean berdintasun handia baitago, baina zorionez ondo moldatu ginen», esan du Mikel Orbañanosek, taldeko entrenatzaileak. [...]

Getaria-Tolosa izan zen emakumezkoetan garailea. Hauek ere nahiko lan izan zuten estropada burutzeko, eta itsaso txarrari aurre egin behar izan zioten. Lehen txandan Orio eta Hondarribia lehiatu ziren, eta irteera nahiko konplikatua izan zen. Lehenengo...

Atzo agerraldia egin zuten herriko hainbat elkarte, eragile eta norbanakok. Datorren astetik aurrera epaituko dituzten herriko sei gazteei elkartasuna eta babesa adierazi zieten. Hona babesa eman duten elkarteak: ESAIT. Auzokalte. Arraztalo. Karaez-Oiartzun Senidetza. Oiartzun Irratia. Girizia. Ugaldetxoko Kultur Taldea. Artaso. Bildu. EA. Batasuna. Kataxulo Gaztetxia. Altzibarko Jai Batzordea. Segi. Askatasuna. Etxerat. Bizardia. LAB. Girizia Mendi Taldea. Aldeguna. Ttur-ttur. AEK. Altzibar Kultur Elkartea. EHE. Iturriozko Jai Batzordea. Euskeran Itotiyak. Abian den prozesu demokratikoan, Oiartzunen ere, hondar aletxoa jarri nahi dutela nabarmendu zuten agerraldian. Hala, atxiloketak, inkomunikazioak, tortura… ez dituztela onartzen ohartarazi zuten, eta behin betiko desagertu behar duten tresna errepresiboak direla. Honekin batera, eskubide zibil eta politikoen, kolektiboen eta pertsonalen, defentsa irmoa egin nahi dutela iragarri zuten: “Bide honetan, hemen bildu garen elkarte guztiak, alderdi politiko eta sindikalak, norbanakoak eta hemendik aurrera gerturatu daitezkeen eragileekin batera, lanean jarriko gara. Eta geure pausoak herrira zabalduko ditugu, herritar guztiek zer aportatua izan dezaten”. Astelehenean hasiko da sei oiartzuarren kontrako epaiketa, eta 17 inputatu dira eskualde osoan. Agerraldian azaldu zutenez, “beraien delitua gazteak izatea da, Euskal Herri ezkertiar baten alde lan egitea. Azken finean, etorkizun hobeago baten alde lan egitea”. Gaineratu zutenez, “torturetan oinarritutako epaiketa bat izango da, eta hemen gauden elkarte guztiek, gure [...]

Herenegun hasi zuen ofizialki Real Unionek 2011/2012 sasoia prestatzeko denboraldiaurrea. Hemezortzi jokalari bildu ziren Galen lehen entrenamendua egiteko, eta aurpegi berrien artean nabarmenena Roberto Olabe entrenatzaile berriarena izan zen. Helburu argia izango du Unionek sasoi berrirako: lehenik Bigarren A Mailara igotzeko kanporaketetarako sailkatzea, eta hori eginda, zilarrezko mailara iristeko urratsa egitea. Horretan jarriko dute indar guztia Irungo futbol taldeko entrenatzaileak, zuzendaritzak eta jokalariek. Hasteko, hemezortzi Herenegungo lehen entrenamendua lasaia izan zen. Lehenik azterketa fisikoak egin zizkieten jokalariei, eta ondoren, euripean, zenbait saio egin zituzten Galeko belar artifizialeko zelaian nahiz belar naturalekoan. Honako jokalariak izan ziren lehen saioan: Gorka Brit, Iker Alegre, Hodei Mendinueta, Iker Gabarain, Mari Lacruz, Javier Barranco, Eneko Romo, Yuri Berchiche, Alex Bolaños, Jules Pardo, Marc Sellares eta Ivan Cabrero. Horiekin, Real Union B taldeko beste sei futbolarik parte hartu zuten lehen entrenamenduan. Otermin atezainak atzo hasi zituen saioak. Lan saio bikoitzak Roberto Olabek lan saio gogorrak prestatu ditu lehen egunetarako. Hala, atzo, goizez eta arratsaldez entrenatu zuten Unionekoek. Gaur eta bihar ere 10:00etan eta 19:00etan bilduko dira entrenatzeko. Etzi, berriz, goizean bakarrik egingo dute saioa (10:00etan) eta etzidamu atseden hartuko dute jokalariek. Bestalde, denboraldiaurreko partida erakargarria jokatuko du talde txuri-beltzak hilaren 25ean, Galen, Sevillako Betis taldearen kontra. [...]

Josetxo Etxandi Oroitaldia herri mailako pilota txapelketa 36. aldiz antolatu dute aurten. Jada izena eman dezakete esku pilotan jokatzea gustuko duten lezoarrek. Hiru mailatan banatuko dute, aurten ere, pilota txapelketa. Horrela, 16 urtetik gorako pilotariek helduen maila osatuko dute; 1996an, 1997an eta 1998an jaio zirenek gaztetxoen maila osatuko dute. 1999an edo beranduago jaio zirenek, berriz, haurren multzoan jokatuko dute. Helduenek uztailaren 31ra arte dute izena emateko epea. Txingurri tabernatik pasa behar dute txapelketan parte hartu nahi dutenek. Gainontzekoek, 16 urtetik beherakoek, abuztuaren 15era arte dute izena emateko epea. Bi baldintza bakarrik jarri ditu Allerru Pilota Taldeak: federatu gabea izatea eta lezoarra izatea. Iaz, 60 bikote inguru Iaz 60 bikotek baino gehiagok hartu zuten parte Josetxo Etxandi Oroitaldian. Joxemi Garmendia Allerru Pilota Taldeko kideak adierazi duenez, kopuru hori bera errepikatzea gustatuko litzaioke aurten. Batez ere, nesken eta emakumeen parte hartze maila handiagoa izatea nahi dute Lezoko pilota taldekoek. Urtero bezala, Goiko Plazako frontoian jokatuko dituzte partidak. Txapelketaren helburua frontoi inguruan “giro jator eta atsegina sortzea” da. Txapelketaren jarraipena egin nahi duenak www.euskalnet.net/joxemige webgunera jotzea besterik ez du. Iazko garaileak hauek izan ziren: Sarasuak eta Subijanak osatutako bikotea Haur Mailan; Tatiegi-Tatiegi bikoteak Gaztetxo Mailan eta Aranburu eta Bergara Helduen Mailan. Federatuetan, berriz, [...]

Atzo egin behar zuten Arcachongo ur parkera (Okzitania) irteera Gazte Foruko kideek, baina bertan behera utzi zuten. Hala, data berria zehaztu dute: hilaren 27a. Joan nahi dutenek 20 euro sartu behar dituzte Euskadiko Kutxako honako kontu korrontean 30...

Etzi, ostegunean, Diego Calavia kontalari errioxarrak helduentzako ipuinak kontatuko ditu Ikust Alaia udal liburutegian, 19:30ean. Kontakizunaren izenburua Vivir del cuento izango da.

Zertxobait gutxiago, baina gora egiten jarraitzen du langabe kopuruak. 491 ziren herrian irailean.

Irungo familiak euskaraz modu naturalean kutsatzeko Familiaola ekimenaren barruan, Zabu-zibu programa abiatu dute aurten Irungo Udaleko Euskara zerbitzuak eta Urtxintxa eskolak. Hiriko parkeetan jolasak antolatuko dituzte, 2 eta 6 urte bitarteko haurra...

Mintzalaguna egitasmoko mintzalaguntzaileetako bat da Iosu Arruabarrena (Errenteria-Orereta 1987). Ekimen horren bidez, euskaldun berriei euskaraz mintzatzeko txoko bat egin nahi diete, eta taldetxoak sortzen dituzte, euskaldun zaharrak gidari direla: ...

Pasa den ostiralean erakusketa inauguratu zuten Xenpelar Etxean: Patxi Badiolaren Kostaldeari begirada bat. Azaroaren 2ra arte egongo da martxan. Antolatzaileek aurreratu dutenez, Badiolak “oso era xume eta pertsonalean, eta sotiltasun dotore bat...

Ez garaipenik, baina ezta porrotik ere. Power Rangersek bina berdindu zuen asteburuan Denak Tabernaren kontra etxean. Hala ere, oiartzuarrek postu bat beherago jaitsi dira sailkapenean. Hamargarrenak dira lau punturekin. Jokatutako lau partidetatik bi ...

Hirugarren Mailako taldeak atsedenaldia zuen asteburuan, eta Gazte Mailan aritzen diren Saskilagunak-eko bi taldeek garaipena eskuratu zuten. A taldeak, 36-74 irabazi zion Astigarragari. Aritz Arruabarrena pibotak 27 puntu eskuratu zituen. B taldeak, b...

Bihar osteguna Gabriel Celayaren omenezko poesia emanaldia egingo dute arratsaldeko zazpietatik aurrera Hondarribiko Zuloaga Etxean.

Dar-Dar Produkzioak-en eskutik, down sindromea zer den ezagutzeko aukera izango da bihar, Errenteria Hiria Kulturgunean, 18:30etik aurrera. Etzi lanaren bidez, down sindromedunen eta euren familien errealitatea ezagutu ahal izango da. Antolatzaileen ar...