
Rosa Robledoren lanekin osatutako erakusketa jarri zuten hilaren hasieran Garmendi txokolategian. Hilaren bukaerara arte egongo da bertan. Interesdunek ordura arte bisita dezakete, txokolategiaren ordutegian.

Bihar eta etzi iragarri dituzte kontzertuak Moganbon. Bihar, hiru taldek joko dute: Khuda, The Enterprise eta Pedro De La Hoya, 21:00etatik aurrera. Sarrerak 6 euro balio du. Etzi, berriz, Marvin, All Became Dust, The Animal Within eta DJ JonCreature

Pasaiako Udalak eta Matia Fundazioak Pasaian adineko mendekoak zaintzen dituzten familientzako prestakuntza ikastaroa antolatu du. Ikastaroa maiatzaren 21etik 25era izango da, 15:00etatik 17:00etara, Trintxerpeko Alkateordetzan. Izena emateko Udalare...

Hainbat ekintza egin dituzte, eta otsaila ginkana batekin bukatu zuten; sorpresaren bat ere izango dute gazteek Oiartzungo Kuadrillategik gogotsu hasi du urtea. Dagoeneko hainbat ekitaldi egin dituzte, eta beste hainbeste dituzte prest datozen hilabeteetarako. Orain arte honakoak egin dituzte, besteak beste: jolasak, Donostiara irteera San Sebastian Egunean, inauteriak eta ikus-entzunezkoak ikustea. Otsaila bukatzeko, ginkana bat ere egin zuten plazaren inguruan, eta bukatzeko txokolate jatea egin zuten, bizkotxo eta guzti. Martxorako ere prest dituzte hainbat ekintza. Baita datozen hilabeteetarako ere, ikasturtea bukatu bitartean. Tartean sorpresaren bat ere badutela iragarri dute arduradunek. Baina aurrerago emango dute horren berri.

Erregistroak euskaraz Bake Epaitegian egin daitezke; borroka luzea eta korapilatsua izan da hori lortu arte Iazko ekainetik, jaiotza, ezkontza eta heriotza inskripzioak euskaraz egin daitezke Oiartzungo Bake Epaitegian. Inforeg izeneko aplikazio informatikoa ekainean instalatu zutenetik, askoz gehiago dira euskaraz egiten diren jaiotza erregistroak Oiartzunen. Udalak nabarmendu duenez, hori, «herriko errealitate linguistikoaren isla garbia da». Ekainetik, 47 haur erregistratu dituzte euskaraz eta 16 gaztelaniaz. Udalak gogorarazi duenez, «normala izan beharko lukeena, urteetako borrokaren ondorioa izan da». Aplikazioa instalatu aurretik, gaztelaniaz baino ezin ziren erregistroak egin eta asko izan ziren egoera hori salatu dutenak. Esate baterako, iazko martxoan guraso talde batek erreklamazioak egin zituen, haur jaioberriak ezin zituztelako euskaraz erregistratu. Oiartzunen ez ezik, Euskal Herriko beste toki askotan ere izan ziren halako salaketak. Guraso horiei babesa eta laguntza eman zieten hainbat eragilek eta erakundek. UEMA Udalerri Euskaldunen Mankomunitateak proposatuta, Oiartzungo Udalak eta beste 30 udalek mozioa onartu zuten, Eusko Jaurlaritzari eskatzeko gurasoen eskubideak defendatzeko eta haurrak euskaraz erregistratu ahal izateko neurriak har zitzala. Hizkuntza Eskubideen Behatokiak ere aholkularitza eman die dozenaka gurasori, eta Euskal Autonomia Erkidegoko Arartekoa ere gurasoen alde jartzea eragin zuen mugimendu horrek guztiak. Udalak gogorarazi duenez, erregistroak euskaraz egiteko, traba eta zailtasun ugari izan dituzte euskaldunek azken urteotan. Borroka [...]

Eneritz Sein sanjuandarrak irabazi du aurten Lilatoia. Iaz berak lortutako marka ez ezik, lasterketarena ere ondu du Seinek, eta oso pozik da, korrikalari ibilbidean lortzen duen bigarren garaipena baita. Oarso Bidasoko Hitzak elkarrizketa egin dio eta bihar emango du argitara.

Hondarribiko Udaleko alderdi politiko gehienek izenpetu duten oharrean, honakoa eskatu diote Irungo Udaleko Mugikortasun Mahaiari: E25 autobus lineak lehen zuen ibilbidea manten dezala, «Hondarribiko erabiltzaileak San Juan plazara autobusez joan ahal izateko». Izan ere, herenegun bildu zen Irungo Udalean autobus linea berriak behin betiko osatzeko mahaia, eta bertan hondarribiarren eskaerak kontuan har daitezela nahi dute hiriko EAJk, Bilduk, PPk eta H1ek. Aldi berean, alderdi horiek izenpetu duten oharrean, Gipuzkoako Foru Aldundiari eta Ekialdebusi eskerrak eman dizkiete. Aldundiak «hirien arteko garraioa hobetzeko egindako ahaleginak» kontuan hartu dituzte udaleko eledunek esker on mezua zabaltzeko, eta Hondarribiko ordezkariek egin dituzten proposamenak kontuan hartzea goraipatu dute. Oharra aldundiari eta udalari Hondarribitik Irunera zuzenean doan autobusak, E25 linea, ordu laurdeneko maiztasuna du, baina ibilbidea aldatu egin dute: Kolon pasealekuan eskuinera joko du, Gipuzkoako hiribidetik eta Euskal Herria ibilbidetik joanez, eta alderantziz. Ondorioz, hondarribiarrak ezin izango dira autobusean iritsi San Juan plazaraino. Irungo Udalak Gipuzkoako Foru Aldundiarekin batera hartutako erabakia da. Gainera, Hondarribia eta Donostia elkartzen dituen N-1eko autobusa, lehen ordubetero zena, orain, ordu erdiro da. Maiztasuna handitu dute, beraz.

Elkartasun Korapiloak ekimena, langabeen eskutik

Irungo Bilgune Feministak (IBF) babarrun jana antolatu du larunbaterako, Hazia elkartean. Irungo Babarrunada Feminista izena jarri diote, elkartearen izenarekin hitz jokoa eginez. Sarrerak dagoeneko salgai jarri dituzte, Hazian, Kabigorrin, Sunbillan e...

Dagoeneko 30. Lexoti Saria egin dute Haurtzaro Ikastolan. Horrez gain, Eskolarteko Bertsolari Txapelketan ere parte hartuko dute ikastolako hainbat ikaslek. Urteroko usadioari jarraiki, joan den apirilaren 19an, 30. Lexoti Saria ospatu zuten Haurtzaro Ikastolan. Jantoki berriko areto nagusian elkartu ziren, LH Lehen Hezkuntzako hirugarren zikloko eta DBH Derrigorrezko Bigarren Hezkuntzako lehen zikloko ikasleak, bertsolari gazteak entzutera. Jaialdiak bi zati izan zituen, urtero izan ohi den bezala. Lehenengoan Lexoti Sariko bertso-paperak izan ziren protagonista. Horretarako, aurtengo lau irabazleak igo ziren oholtzara, eta beren bertso idatziak kantatu zituzten. Seigarren Mailako Lur Gaztelumendik kantatu zituen lehenik bere bi bertsoak. Eta jarraian, DBHko hiru irabazleen bertsoak entzun zituzten: Jokin Irastorzarenak, Beñat Ibargoienenak eta Paul San Sebastianenak. Azken hiru ikasle horiek gai berbera izan zuten: Zein izango litzateke zure egun perfektua? Hona bertsoen adibide batzuk. Lehena, Jokin Irastorzaren bat: Ametsen bidez aritu ohi naiz beti berari begira ikus litezken irudirikan politenak hauek dira oraindik badu berotasuna oraindik badu distira nahiz joan ez urrutira hona egin nahi du bira agian berak gogoan nauka eta nire bila ari da beraz guk biok bat egiteko eguna nuke desira. Paul San Sebastianena: Konkistatuko nuke neska ederrena nire bihotza azkar lapurtu duena haren muxu bat hartzen izango naiz lehena horixe [...]

Orereta Txiki eta Oñatiko Ganbara Txikitxoak abesbatzek kontzertua emango dute bihar, 20:00etatik aurrera, Fatimako Andra Mariaren elizan. Ekimena bi haur abesbatzen arteko trukearen barruan kokatu dute antolatzaileek. Izan ere, Orereta Txikikoak ap...

Inauguratu dute Talaian garbigune berria eguerdian. Bertan izan dira Ainhoa Intxaurrandieta San Markoseko Mankomunitateko lehendakaria; Aiora Perez de San Roman Oiartzungo alkatea eta Ainhoa Iraola Gipuzkoako Foru Aldundiko Ingurumen zuzendaria. Garbi...

Hondarribiko Arraun Elkarteko zortzikoak aulki mugikorreko denboraldia emaitza bikainekin bukatu du. Mikel Orbañanosen mutilek Gipuzkoako Txapelketa poltsikoratu zuten igandean Orion, eta Euskadiko onenak direla erakutsi zuten asteartean Legution (Araba). Hondarribiko taldeak iaz ere bi txapelketa horietan lehenengoa izatea lortu zuen, eta aurten bi ontzirekin lehiatzea erabaki zuten. Bigarren taldea ere, lan bikaina eginda, hirugarren sailkatu zen bi probatan. Aulki mugikorreko probarik garrantzitsuenak dira Gipuzkoakoa eta Euskadikoa. Bosgarren garaipena Gipuzkoako proba hilaren 15ean bertan behera gelditu zen, epaileek denborak hartzeko arazoak izan zituztelako, eta igandean egin zuten. Hondarribiarrek Orio garaitzea zuten helburu, eta baita lortu ere. Sei segundo atera zizkieten oriotarrei, eta hamalau hirugarren izan zen berdeen bigarren ontziari. Donostia Arraun izan zen laugarrena helmugara iristen, hemezortzi segundo beranduago. Ur Kirolak-ek kanporaketetan finalean lehiatzeko aukera galdu zuen. Hondarribiarrek bosgarren urtez ekarri dute Gipuzkoakoa etxera. Orain, trainerua Asteartean Legution Euskadikoa Hondarribiarentzat izan zen, Orio izan zen bigarrena, Hondarribia B hirugarrena, eta Ur Kirolak laugarrena. Emaitzak horiek eskuan, traineruen denboraldiari begira jarri dira Mikel Orbañanosek entrenatzen dituen arraunlariak. Sasoi ona izan zen iazkoa, eta aurten hori hobetzea dute helburu.

Modotti tailerrak gazteek euren lanak erakusteko aukera izan dezaten bere espazioa eskaintzen jarraitzen du. Iragan urtean, Euskal Herriko Unibertsitateko Arte Ederretako fakultateko ikasleek ireki zuten erakusketa Hondarribian, eta orain, Talaia Institutuko argazkigintza tailerreko ikasleen lanak izango dira Modottin. Hala, argazkigintzarekiko interesa piztea eta sustatzea dute helburu. Derrigorrezko Bigarren Hezkuntzako ikasleen lanak jarriko dituzte ikusgai. Tailerraren arduradun Gotzone Eluk adierazi duenez, «haietako batzuk, duela gutxira arte, ez zuten argazki kamera bat izan esku artean». Elu pozik dago erakusketa berriarekin: «Euren argazkietan ez ditugu bakarrik alde tekniko edo estetikoak bilatu behar. Bilduma honetan begiradaren freskotasuna baloratu behar dugu, bere buruaz zerbait adierazteko enkoadraketa egokia, irrika, bilatzen dutenaren grina, eta, batez ere, goraipatu behar da, hori guztia lortze aldera jarri duten ilusioa. Gauza horietaz gozatu behar dugu. Haiek badakite jolasa arte bihur daitekeela, eta, hona hemen, argazki bilduma honetan, gaztetxo horien sen edo intuizio horren isla». Inaugurazioa, etzi Carla Castro, Erika Goikoetxea, Mirian Laguna, Mirian Lanchas, Julen Alza, Julia Lasa, Malen Oronoz, Uxue Santurde, Zuhatz Amador, Uxue Montoia, Leire Apalategi, Manex Darceles, Ainhoa Elduaien, Oier Egizabal, Imanol Etxaide, Jon Garcia eta Aritz Zunzundegiren lanak izango dira Modottin ikus daitezkeenak; etzi eguerdiko hamabietan egingo dute inaugurazioa . Erakusketa lanegunetan 17:30etik 20:00etara irekitzen dute, eta [...]

Hondaek, Hondarribiko ondarearen aldeko elkarteak, bilera egingo du astelehenean 18:30ean Zuloaga Etxean. Elkarteko kideek interesa duten hondarribiar guztiei luzatu nahi diete batzarrera joateko gonbita.

Hendaiako Begiradak argazkilaritza elkarteko sortzaile Angela Mejiasek Au milieu des marais peuvent croître des fleurs (Hezeguneetan loreak haz daitezke) goiburuko erakusketa ireki du Mendi Zolan kulturgunean, emakumeei buruzkoa. Herenegun inauguratu ...

Maiatzaren 26an hasi eta ekainaren 9an bukatuko da aurten Alkartasuna Dantza Taldearen kultura hamabostaldia. Ohi bezala, taldeko helduenek herritarrentzat eskainiko duten dantza emanaldiarekin abituko da hamabostaldia, larunbata gauean, eta igandean, ...

Biharko kale ekintza Arraguako Aldeguna elkartean izango da, 16:30etik 18:30era. 6-12 urteko haurrek eskulanak egingo dituzte kartoiarekin, baita jolasak ere.

Bihar Donostiatik Arditurrirako ibilbidea egingo dute bizikletaz bidegorrian zehar, II. Blogs&Bikes ekimenaren harira. Irteera hori Kisale bizikleta dendak antolatu du, eta egiten duten bigarrena izango da. Irteera: 09:00 Boulevardeko erlojua (Donostia) edota 09:30 Pasaiako tren geltokian. Bukaera: 13:00. Lehenengoa azaroan egin zuten, Elgoibarren.