
Amalatz talde feministaren zine emanaldi sorta aurrera doa, eta bihar emango dute azken aurreko filma: Rompecabezas. 50 urteko emakume batek puzzleekiko duen obsesiotik abiatuko da. Natalia Smirnoffek zuzendu du, eta Maria Onetto izango da protagonista...

Beste urte batez, Maddalen Sarietan parte hartzeko deialdia egin du Errenteriako Udalak, eta aurten dagoeneko 25. ekitaldia antolatu du. Lanak apirilaren 20a baino lehen entregatu beharko dira udaletxeko erregistro orokorrean. Irune Balentziaga Euska...

ESK sindikatuak antolatuta, hilaren 29rako deitutako greba orokorraren eta hura bultzatu duten arrazoien gainean mintzatuko da Igor Mera, gaur, Mikelazulo elkartean. ESK sindikatutik elite ekonomiko eta politikoen diskurtsoei “protagonismoa kentz...

Pasaian eta Lezon hondakinak biltzeko atez ateko sistema jartzeko emandako urratsen aurrean, Errenteriak “hondakin turismoa are gehiago” pairatzeko duen arriskuaz ohartarazi du Errenteriako PSE-EEk. Talde sozialistaren arabera, Oiartzunen h...

19 urteko gazte bat atxilotu zuen atzo gauean Ertzaintzak Errenteria-Oreretan. Lapurtzea eta gazte bat jotzen saiatzea leporatu diote. 22:30ean, Renfeko trenean 19 urteko gazteak bidaiari bati telefono mugikorra emateko eskatu zion, eta ezezkoa jaso zu...

Batera Baik antolatutako Krisi ekonomikoa gaur eta hemen hitzaldi zikloaren barruan, Eduardo Malagon (Donostia, 1966) ekonomistaren txanda izango da bihar, 19:30etik aurrera, Reina aretoan. Greba orokorraren atarian egonda, Espainiako Gobernuak onart...

Iragan ostiralean Gipuzkoako Hitza-n Hondarribiako gaztetxeari buruz argitaratutako albistearen harira zehaztapenak egin ditu Hondarribiko Gazte Asanbladak (HGA). «Udaletxekoek oraingoz ez digute gaztetxeari buruzko ezetzik eman», esan dute HGAtik. Otsailaren 7an egin zuten udaleko ordezkariekin azken bilera gazteek. «Momentuz ez dute aurrera pausorik eman puntaleko lokalaren gaian, eta ez dute inongo elkarterekin horren gaineanhitz egin, nahiz eta urtarrilean, gizarte laguntzen aurrekontuei buruz udalak egin zuen agerraldian, beste bi elkarteri bideratuko zitzaiela esan. Lokal hori erabiltzen ari dira oraindik, eta Aste Santua pasatu arte ez dakite nola kudeatuko duten», argitu dute Gazte Asanbladako kideek. Udalak, elkarteak eratu eta lokala berehala lortzen ez dutela esan zien gazteei. «Oraindik martxan ez garela jarri esan ziguten, eta guk gure asmoa aurrera eramateko izapideak egin ahal izateko elkartea formalki sortu dugula erantzun genien», esan dute gazteek. Gazteen arabera, elkarte formala baino, «Hondarribiko gazteriaren parte handi bat» dira, «eta gure bidea egin dugu urteetan zehar ekintzak antolatuz». Udalaren baliabideak erabiltzeko eskatu zieten otsaileko bileran gazteei: «Guk erantzun genien orain arte horrela egin izan dugula». Fanzinea kalean Hondarribiko Gazte Asanbladako kideek euren fanzinearen lehenengo zenbakia argitaratu dute, gazteek herrian antolatzen dituzten ekintzen berri emateko helburuarekin.

Hondarribian dauden tamarindo eta evonymus espezieetako zuhaitzei tratamendu ekologikoa egiten ari zaizkie egunotan Kilker enpresako langileak. Erabiltzen ari diren produktuak %100ean naturalak dira: Neem olioa, izen berdineko zuhaitzetik ateratakoa, eta Quassia Amara izeneko produktua. Biak erabat biologikoak izanik, ez dute inongo kutsadurarik eragiten: ez dute ez ingurumenean eta ez pertsonengan inolako eraginik sortzen, eta zuhaitzen zorriak hiltzeko erabiltzen dira, izurritea iritsi aurretik. Horrela, zuhaitzen egoera hobetuko da, eta gehiago biziko dira. Tratamendua Ramon Iribarren kalean dauden zuhaitzekin egingo dute, eta handik Foru kalera, Bidasoa ibilbidera eta Molla ibilbidera luzatuko dituzte lanak.

Erakusketa, hitzaldia, solasaldia eta antzerkia antolatu ditu Sahararen aldeko El Watan herriko elkarteak Sahararen aldeko Oiartzungo El Watan elkarteak kultur hastea antolatu du. Gaur hasi eta larunbatean bukatuko da Sahararen aldeko ekimena. Gaurtik ...

Bihar Fede Aguado & Osi Martinez bikoteak kontzertua emango du bihar De Cyne Reynan. Blues doinuak ekarriko dituzte Madrildik. Antolatzaileen arabera, oraingo musikariak izan arren, country bluesa landuko dute. Musikaren bidez publikoaren inplikazioa erraz bereganatzen dutela gaineratu dute. Hamabost urte daramatzate elkarrekin jotzen eta bi disko kaleratu dituzte, 1999an bat (Con el corazón en la mano) eta 2007an bigarrena (Dos balas perdidas). Emanaldia 22:30ean hasiko da.

Aldundiak eta Caixak egin dituzte lanak, herri onurako mendietan, eta bertako espeziak aldatu dituzte Gipuzkoako hainbat menditan egindako basoberritze lanak aurkeztu zituzten atzo Oiartzunen. Bertan, Errenteria-Oreretan eta Lezon, guztira, 45,5 hektarea biziberritu dituzte. Oiartzunen egin dituzte lanik esanguratsuenak, eta horregatik egin zuten bertan aurkezpena. Han izan ziren Julian Unanue Gipuzkoako Foru Aldundiko Mendi eta Natura Inguruneko zuzendaria, Angel Garabieta Donostialdeko Caixako zuzendaria, eta Oiartzungo Udaleko Mendi eta Ingurumen zinegotzi Zigor Goikoetxea. Goikoetxeak eskerrak eman zizkien aldundiari eta Caixari, «gogoa izan arren, euren laguntzarik gabe Oiartzungo Udalak ezingo zuelako halako lanik egin». Caixak, «naturaren aldeko ekintzak eta gizatalde behartsuenen gizarteratzea sustatzen jarraituko duela» esan zuen, bestalde, Garabietak. Unanuek ere Caixari eskerrak eman, eta proiektuaren nondik norakoak azaldu zituen. Jakinarazi zuenez, Gipuzkoan, guztira, 83 hektarea basoberritu dituzte. Hosto zabalak aldatu dituzte, bertako espezieak, eta aurretik zegoen pinua kendu: «Helburua, 60ko hamarkadan landatu zituzten insignis motako pinu sailak ordezkatzea da, eta bertako espezieak —hosto zabalak— landatzea». Lan horietan hamabost lagun ibili dira, eta horietatik zortzi gizarte bazterketa arriskuan zeuden langileak izan dira. Gainontzeko herriak Oarsoaldeko herrietan aritzeaz gain, beste hainbat herritan ere egin dituzte basoberritze lanak, hala nola, Usurbilen, Orexan, Iruran, Berastegin, Zerainen eta Ataunen. Eskualdeko datuak Oiartzun Mendiak. Pikokarate, Sarobe eta Kausua. [...]

Homofobiaren Kontrako Nazioarteko Eguna da gaur; EAJren mozioa onartu du udalbatzarrak Gaur Homofobiaren Kontrako Nazioarteko Eguna da, eta Pasaiako Udalak bat egin du jardunaldiarekin. Maiatzaren 4an egindako udalbatzarrean adierazi zuen atxikimendua ...

Larunbatean Arrozak Munduan ekimena egitekoak dira Iztietako Diputazio Plazan, hamabost herrialdeetako lagunek zereal hori prestatuko dute bakoitzak bere modura. Horren bidez, antolatzaileek elkarbizitza sustatu nahi dute, hala nola, herrian azken urteetan izandako ika-miken ondorioz. Iztietako Gurekinek SOS Arrazakeria jarri du ekimen horren atzean, eta auzoan integrazio edo elkarbizitza arazorik ez dela izan azaldu du, eta “SOS Arrazakeria eta horren jarraitzaileak” izan direla hori asmatu dutenak. Auzoan egiten dituzten ekintza guztiak “irekiak” direla arrazoitu du Gurekinek. Horrez gain, salatu du larunbateko ekimenaren berri behin hori lotuta egon denean jakin dutela: “Ez dugu ulertzen SOS Arrazakeriak gu erasotu, iraindu eta kalumniatu ondoren, bat-batean gure auzoko plazara etortzea, aurretik hitz egin gabe, barkamenik eskatu gabe eta asmoen azalpenik eman gabe”. Ekimen hori, gainera, “ibiltaria” dela esan du, eta horrenbestez, ez duela herritarren arteko integrazioa lortzen, “baizik eta pertsona batzuk egun batez beren idiosinkrasia ezberdina erakustera joaten dira”.

Hogeitahirugarren urtez jarraian Kultura sailaren eskutik Herri Kanta Jaialdia ospatuko dute igandean, goizeko hamaiketatik aurrera Gipuzkoa plazan. Bederatzi abesbatzak parte hartuko dute guztira: Kasino Zaharra, Amuitz, Kardiñeruak, Surbesta, Zumard...

Hainbat pintaketa egin dituzte gaur goizean herriko zenbait tokitan. Zehazki, Espainiako bandera pintatu dute, hala nola, Landare tabernan eta Jose Erviti kalean. DNJk sinatuta agertzen dira. Oiartzunen ere antzeko pintaketak egin dituzte.

Laikotasunaren aldeko mozioa aurkeztuko du Gobernu Taldeak

Herrian hainbat margoketa azadu dira: ETAren aurkakoak dira batzuk, eta Espainiako Estatuaren aldekoak beste batzuk, eta hainbat Espainiako bandera ere margotu dituzte.

2010eko maiatzaren 9an hautsi zuen ertzain batek anbulatorioan zegoen Esteban Muruetagoienaren plaka. Orduko hartan, azalpenak eskatu zizkioten Rodolfo Ares Herrizaingo sailburuari Eusko Legebiltzarrean. Gaia ikertuko zutela esan zuen. Urte eta erdiko ...

Mikel Odriozolak Londreseko Olinpiar Jokoetan parte hartuko du. Asteburuan Ibilketako Munduko Kopa jokatu dute Saranksen (Errusia), eta hori Olinpiar Jokoetako 50 kilometro ibilketako partaideak hautatzeko proba zenez, Odriozolak Londreserako txartela ...