
Hilaren 19an Aljeria-ko su etenaren 50.urtemugaren zeremonia egin zuten Hildakoen Monumentuan. Ekitaldia lore eskaintzarekin hasi zen; Hendaiako Herriko Etxeak, Algeriako Gerlari Ohien Frantziako Federazioak (FNACA) eta zenbait haurrek utzi zituzten loreak, hurrenez hurren. Gero, zintzur bustitzea egin zuten Herriko Etxeko lehen solairuko aretoetan. Han, Alain Butori jeneralak Domina Militarra ezarri zion Biriatu herriko Bats jaunari —ohorezko legioaren ondotik, hori da Frantziako ejerzitoko domina garrantzitsuena—. Ondotik, Jean Dias FNACA elkarteko Hendaiako Lehendakariak, Aljeriako su etenaren 50. urtemugaren domina eskaini zion Salaberriri, auzapez bezala zein Edouard Salaberriren anai gisa; Eduard Salaberrik sortu zuen Hendaiako tokiko elkartea, 1967an. Kotte Ezenarro Pirinio Atlantikoetako Kontseilu Orokorreko presidente-ordeari ere domina bera eskaini zion, martxoaren 19a oroit ospakizun eguna gera dadin erakunde publiko honek erakutsi duen sostengua gogoratuz eta eskertuz.

Urte bukaerarekin Mahai Tenisaren Teknifikazio Zentrua izango du Irunek. Euskal Herriko lehenengoa izango da, Leka Eneako superdibisioko taldeen premiak asetzeko eta goi mailako txapelketak antolatzeko balioko duena. Gainera, eraikinarekin batera Olaketa kaleko urbanizazioa osatuko denez, Lapitze auzoa eta erdialdea gerturatuko ditu, Euskal Herria etorbidea eta eremu ofiziala oinezko bidez zein bidegorriz lotuta geratuko baitira. Jose Antonio Santano alkateak kirol instalazioaren beharra eta Gain Gainean parkearen urbanizazioan izango duen garrantzia aipatu zituen: “obrak amaitzen direnean, mahai-tenisa gozatzen dutenek eta kirol horretan goi mailan jarduten dutenek beharrezko baldintzak dituen zentro bat eduki ahal izango dute. Gainera, garrantzitsua da gogoratzea instalazioa zein ingurunetan eraikitzen ari diren, Gain Gainean parkearen erdian, hiriguneko berdegune handiena bihurtuko den lekuan”. Etorkizuneko parkeak 60.000 metro koadro izango ditu, erabilera anitzekoak. Mahai Tenisaren zentroaz gain, lorategiak eta aisialdirako guneak izango ditu, eta muinoaren tontorrean dagoen karlistaden garaiko gotorlekuaren aztarrenak bisitatzeko egokituko dute. Lau hilabete igaro dira obren hasieratik, eta atzoko bisita teknikoan epeak betetzen ari direla konprobatu eta eraikuntza etorkizuneko parkean nola geratuko den antzemateko aukera izan zen. Orain arte, eraikina eusteko hormak eta lehenengo solairuko perimetrokoak altxatu dituzte, eta aldalegen guneko estalkiko lauza jarri dute, lehiaketarako kantxaren zorua izango dena. Kirol jarduerari dagokionez bi solairuetan banatuko da eraikina, [...]

Gaur hasiko da Lesoinuren 26. ekitaldia. Mende laurdena pasatu eta hainbat ekitaldirekin osatutako egitarauarekin dator Lezoko aste pedagogiko musikala. Lezoko Musika Eskolako zuzendari Xanti Espinak adierazi duenez, 80ko hamarkadaren erdialdean “abentura” bat zirudiena, 26 urteren ondoren erreferentzia da herrian, “eskualdean zein Euskal Herrian”. 26 urteko arrakastaren lau zutabeak “ikasleak, gurasoak, langileak eta laguntzen duten erakundeak” direla gaineratu du musika eskolako zuzendariak. Onartu duenez, “izaera pedagogikoa duen musika zikloa da Lesoinu”, eta musika «ikuspegi ezberdinetatik bizi dutenei» zuzendutakoa. Horretarako, egitarau oparoa antolatu dute, “guztion atseginerako”. Hasteko, musikoterapia saioa egingo dute, Marta Bocos Tomas Garbizu Musika Eskolako irakasle eta Psikologian lizentziatuarekin. Iaz eman zituen lehenengo saioak eta aurten bigarren aldiz egingo ditu. Gaur zortzi bigarren saioa egingo du. Etzi, berriz, Herri Eskolako ikasleentzako kontzertu pedagogikoa egingo dute, ohi bezala. Larunbatean kantu jira izango da herriko kaleetatik zehar, eta entsegua bihar egingo dute, 20:00etan, musika eskolan. Egitaraua Gaur 11:00etan. Musikoterapia, Marta Bocosen eskutik, Tomas Garbizu Musika Eskolan. Etzi 11:00etan eta 11:45ean. Kontzertu pedagogikoa Lezo Herri Eskolan, Tomas Garbizuko ikasleekin. 19:00etan. Orkestra kontzertua, Gezala Auditoriumean, Errenteria Musikalen eskutik. Hilak 24, larunbata 12:00etan. Herri abestiak abestuko dituzte, kantu jiran, Gurutze Santuaren plazan. Euria egiten badu, Saldise plazan. 19:00etan. Ganbara musika emanaldia Gezala Auditoriumean Kodak taldearekin [...]

Lehen aldiz pintxo pote ekimena egin zuten pasa den ostiralean Kataxulo Gaztetxian. 19:00etatik aurrera, dezente izan ziren bertara hurbildu ziren gazteak. Gaztiak bagatoz! ekimenak aurrera jarraitzen du, beraz. Gaur, bilera egingo dute 19:00etan gazte...

Gaur, bihar eta etzi, Soroetako lanak direla eta, ezingo da Soroeta kalean ezkerrera egin Ama Guadalupekoa aldeko etxebizitzetara sartzeko. Gainera, Iturriberriko biribilgunera ere ezingo dute joan herritarrek. Soroeta kalean aurrera egin beharko dute ...

Apirilaren 15etik 20ra bitartean joango dira Espainiako hiriburura barrutiko erretiratuen elkartekoak. Apirilaren 15etik 20ra bitartean egingo dute txangoa. Interesdunek 943 39 46 66 telefono zenbakira deituta lor dezakete informazio gehiago. Izena err...

Ostiralean hasi zen Makutxoko I. Dardo Txapelketa. Giro polita izan zen, eta hainbat partida jokatu zituzten parte hartzaileek. Etzi finalerdiak eta finala jokatuko dituzte. Ioritz eta Joel finalean daude. Finalerako bigarren txartela Lillo-Pista eta R...

Urdanibia Jauregiak 400 urte bete dituela opatzeko Anaka 1881 Kultur Elkarteak musika aperitifa eta XVII. erara egindako bazkaria antolatuko ditu larunbatean. bi ekitaldiak Anakako Jaibiltzarrean izango dira (Casino). 13:30ean hasiko da musika emanaldi...

Ostiralean udalak hamar hilabeteotan egindako kudeaketa kritikatu zuen PSE-EEk, eta atzo, udal gobernu taldeak gezurtatu egin zituen talde sozialistak egindako adierazpenak. PSE-EEk “errealitatea faltsutu” egiten dutela adierazi zuen, eta “dinamika alderdikoien” barruan sartu zituen adierazpen horiek. Ildo horretatik, “erantzukizunarekin jokatzeko” eskatu zion oposizioari, eta batik bat PSE-EEri. Ostiralean egindako agerraldian, martxoko udalbatzarrean bi mozio aurkeztuko dituela jakinarazi zuen talde sozialistak. Batean, enplegu plan bat egiteko eskatuko dio udalari, eta horretarako, 500.000 euro bideratzea proposatu du. Bestean, berriz, Niessen merkataritza zentroko supermerkatua kudeatuko duen enpresa berria babesteko eskatuko du. Aukera hori ezin dela “pasatzen utzi” uste du PSE-EEk. Martxoko udalbatzarrean ere Juan Carlos Merinok zinegotzi kargua utziko duela jakinarazi zuen PSE-EEk, eta bere ordez, bozeramaile berria Jose Angel Rodriguez izango dela. Udalak hiri mantenua, enplegua eta babes ofizialeko etxebizitzen arloetan egindako lana ere salatu zuen, eta gai horiez gain, inbertsioetatik ere “ihes” egiten ari dela adierazi zuen. Ildo horretatik, 2011ko aurrekontuetan 1,3 milioi euroko soberakina egon dela azaldu zuen PSE-EEk, eta udalak hori inbertsioak egiteko erabili behar duela iritzi dio. Kopuruetan, baina, ez dira ados jarri eztabaidaren bi protagonistak, eta udal gobernu taldeak, diruzaintzako soberakina 1,63 milioi eurokoa izan dela esan du. Bildu eta Ezker Anitzak osatutako gobernuaren arabera, horietatik 840.000 [...]

‘Gaztiak bagatoz!’ ekimenaren kide diren gazteek bilera deitu dute biharko. 19:00etan izango da, Kataxulo Gaztetxian. 29rako deituta dagoen greba izango dute hizpide. Lan erreformaren kontrako greba izango da 29koa, eta erreforma horrek zei...

Mikel Odriozolak Londreseko Olinpiar Jokoetan parte hartuko du. Asteburuan Ibilketako Munduko Kopa jokatu dute Saranksen (Errusia), eta hori Olinpiar Jokoetako 50 kilometro ibilketako partaideak hautatzeko proba zenez, Odriozolak Londreserako txartela ...

Maialen Lujanbioren hitzaldiaren ostean, Xenpelar Bertso Eskolak eta Lau Haizetarak Bertshow ikuskizuna antolatu dute etzirako. Zumardiko Arkaitza tabernan izango da, 23:30ean. Bertso eskolako kide direnak eta izan direnak izango dira protagonista: Ark...

Kataxulo Gaztetxiak eta Girizia elkarteak antolatu dute; hilaren 28an hasiko dira partidak Kataxulo Gaztetxiak eta Girizia elkarteak aurten ere antolatu dute Xanistebanetako Binakako Pala Txapelketa, udalaren laguntzarekin. Hilaren 28an hasiko dira jok...

Gernika bajo las bombas seriea grabatzen hasi dira, eta egunotan herrian ari dira zenbait grabaketa egiten, Mendiburu kale inguruan. Seriea udazkenean emango dute Euskal Telebistan. Luis Marias da zuzendaria, eta Baleukok, Vertice Cinek eta Erpin 36...

Clara Rangel hil zuten gauean alkohol eta drogen eraginpean zegoela adierazi du haren bikotekide izandakoak, eta ez dela hilketa egin izanaz gogoratzen. Atzo egin zituen adierazpen horiek Donostiako Lurralde Epaitegian egiten ari diren epaiketaren bigarren egunean. Akusazioaren galderei erantzutean gau horretan Rangelekin eztabaida izan zuela aitortu zuen. Jeloskor zegoela ere adierazi zuen, anaiarekin harremana zuela ikusi baitzuen. Rangel hiltzeaz gain, anaia eta emakumeak beste harreman batean izandako semea erasotzea ere leporatzen diote akusatuari. Hilketa bera egin izana ez zuen ukatu gizonak: “Ekintzek berez hitz egiten dute”, esan zuen epaimahaiaren aurrean. Labana bat hartu izanaz gogoratzen dela onartu zuen, baina ez eraso egin izanaz. Andrea haurdun zegoenik ez zekiela adierazi zuen, fiskalaren galderari erantzunez. Horrenbestez, defentsak herenegun esandakoa berretsi zuen atzo akusatuak: drogen eraginpean zegoela hilketa izan zenean. «Behin-behineko buruko nahasmendua» argudiatuta absoluzioa eskatu du gizonarentzat. Fiskaltzak, berriz, 35 urteko kartzela zigorra eskatu du gizonarentzat. “Eraso bortitza” izan zela eta emakumeak bere burua defenditzeko inongo aukerarik ez zuela izan adierazi du. Akusatuaz gain, anaiak eta Rangelen semeak ere hitz egin zuten atzo, eta onartu zuten hilketa gertatu baino lau egun lehenago Rangelen bikotekide ohia larrialdietara eraman behar izan zutela, drogen eraginpean. Rangelen semeak “ero” baten moduan jokatzen zuela adierazi zuen, eta [...]

Lezoko PSE-EEk jakinarazi du ez duela parte hartuko atez ateko hondakinen bilketa sistemaren gainean udalak antolatu duen bilera errondan. Mikel Antxon Arrizabalaga zinegotziak esan duenez, udalak herritarrekin zein elkarteekin egingo dituen bilera horien “helburu bakarra” Bilduk atez ateko sistema “euren jarraitzaileen artean” justifikatzea da. Horregatik, gaineratu du ez dela bertan egongo, “gure presentziarekin bilera horiei zilegitasuna emango genielako”. Horrez gain, Bilduren “ustezko demokrazia parte hartzaileak” suposatzen duen “manipulazioa” gaitzesteko “beharra” duela adierazi du Arrizabalagak. Bere ustez, bilera horiek hondakinen atez ateko bilketa sistemaren ezarpena “makillatzeko” saiakera besterik ez dira. Atez atekoaren aurrean, PSE-EEko zinegotzia bosgarren edukiontziaren beharrizanaz konbentzituta dago. “Zikina, garestia, osasunerantzako kaltegarria eta ezerosoa den sistemaren aurrean, sozialistok edukiontzien bitarteko bilketaren aldeko apustua egiten dugu. Garbiagoa, merkeagoa, iraunkorragoa, estetikoagoa eta eraginkorragoa da”, berretsi du Arrizabalagak. Hilaren 21ean, merkatariekin Atzo iluntzean egin zuen udalak lehenengo bilera, herriko elkarteekin. Datorren bilerak astelehenean, hilaren 21ean, izango direla iragarri du udalak, ostalariekin eta merkatariekin. Guztira hiru egingo dituzte, arlo horietako langileen ordutegietara moldatzeko asmoz. Lehenengoa 10:00etan izango da, bigarrena 14:00etan eta hirugarrena 20:00etan. Bilera guztiak Kultura Aretoan izango dira. Herritarrekin bilerak ekainean egingo dituzte. Hiruzpalau izango dira, ordu eta auzo ezberdinetan, “ahalik eta jende gehien hurbiltzeko”.

Uda hurbiltzearekin batera, hasi dira jaiak hainbat herri eta auzotan. Oiartzunen, urtero bezala, Arraguakoak izango dira lehenak, asteburu honetan. Jai batzordeak hiru eguneko egitaraua antolatu du etzi hasi eta igandera arte. Goiko Eskolan ere hainba...

Una jornada particular antzezlana taularatuko du Valentziako (Herrialde Katalanak) La Pavana taldeak igandean 19:00etan, Errenteria Hiria Kulturgunean. Mussoliniren gizarte faxistaren biktima diren bi lagun umilen istorioa kontatzen du antzezlanak. Antolakuntzan Udal Kultura Sailarekin batera aritu dira EHGAM, Errenteriako Berdintasunerako Kontseilua, Bilgune Feminista, Amalatz eta Garaipen elkarteak. Antzezlanerako sarrera orokorrak 9 euroan salduko dituzte, eta 7 euroan 65 urtetik goraoentzat eta gazte txartela dutenentzat.

Krisialdiari aurre egiteko egoera kudeatu behar dutenek murrizketen bideari ekin diote, eta horiek hezkuntza publikora ere iritsiko direla dirudi. Eusko Jaurlaritzak esan du ez dituela aplikatuko Espainiako Gobernuaren neurriak, baina Irungo Txingudi ikastetxean ez dira fio, eta antolatzen hasi dira; Hezkuntzan, Geu Eragile izeneko taldea sortu dute, irits daitekeenari erantzuten jakiteko. Bihar bigarren bilera ikekia egingo dute —17:30ean, areto nagusian—. Edu Zabala (Eibar, 1958) taldeko kideak irakaskuntzako langile guztiei eta gurasoei dei egin die agertzeko, hezkuntza arlora irits daitezkeen murrizketei aurre egin ahal izateko aldez aurretiko dinamika elkarrekin prestatzeko xedez. Hezkuntzan, Geu Eragile taldea sortu duzue. Eragile, zertarako? Eragile izan nahi dugu ikastetxean geure aldarrikapenak dinamizatzeko, eta ez egoteko etorriko denaren zain. Norbait irteera erakustera etorri aurretik, guk bidea prestatu behar dugu. Geure gainean murrizketak ematen ari dira, eta horren aurrean eztabaidatu nahi dugu, dinamika bat sortzeko; eta ez dadila izan pasilloan egindako berriketa soilik. Irakaskuntzako langile mota guztiak aintzat hartzen dituzue: funtzionarioak, ordezkoak, laboralak… Nola sortu zen taldea? Zeinen ekimena izan zen? Ikasturte hasieran hiru sindikatu abertzaleek murrizketen gaineko dokumentu bat helarazi ziguten ikastetxeetara. Klaustrora eraman genuen eta erantzun indartsua izan genuen hemen; gai horiek eskolara ekartzeko interesa bazegoela ikusi genuen, planteatzen ari diren gaiek gugan zein eragin izango [...]