
Punk gau solidarioa egingo dute etzi iluntzean Trintxerpeko Mogambo aretoan, 20:00etatik aurrera. Dirua biltzea da helburua, ekainaren 22an animalien eskubideen aldeko hamabi ekintzaileren kontrako epaiketako gastuei aurre egiteko. Informazio gehiago, ...

Mugikortasunaren Europako Astea da hau, eta horri begira, Errenteriako Udalak hainbat ekimen prestatu ditu. Garrantzitsuena biharko Bizikleta Eguna izango da. Horretarako, Biteri kalea itxita egongo da goizeko hamaiketatik gaueko hamarrak arte. Sinbolikoa izango da, egunero auto mugimendu handia ibiltzen den kalea moztuta egongo delako, eta horren tokian bizikleta izango da garraiobide nagusia. Horren bidez, udalak “praktika egokiak” bultzatu nahi ditu, iraunkortasuna eta osasunaren mesedetan. Atzo aurkeztu zuten ekimena Ingurumen, Trafiko eta Gazteria eta Kirol Patronatuko ordezkariek: Jose Manuel Ferradas, Jon Txasko eta Unai Unsuainek, hurrenez hurren. Bizikleta Festa aitzakia bat izango da bizikletaren eta garraio publikoaren erabilera sustatzeko. Ferradasen arabera, politika aktiboagoak martxan jarriko dituzte datozen hilabeteetan, joan-etorrien %15 bizikletaz egiteko helburura ailegatzeko. Donostian egunero 16.000 lagun mugitzen direla bizikletan esan zuen. Hori posible egiteko Bizikletaren Plan Zuzentzailea martxan jarriko dute, eta lanera bizikletaz joateko, poligonoetan ekingo diote. Horrez gain, azpiegiturak eta bizikleta sarea indartuko dituzte. Hala, egun Zumardian bidegorria zatitu egiten da, eta hor bidegorriari jarraipena emateko lanak egingo dituztela jakinarazi zuen Ferradasek. Dagoeneko obrak esleitu dituztela gaineratu zuen, eta hiruzpalau hilabetetan erabili ahal izango dela. Garraio publikoari dagokionez, berriz, laster Renfe eta EuskoTrenbideak Gipuzkoako garraio publikoen sarera batuko direla gogorarazi zuen Txaskok, eta horietan guztietan, autobus publiko guztietan [...]

Joan den larunbatean, Oskar Santos zuzendariaren Zipi eta Zape eta Puxtarrien Kluba filmaren azken eszenak grabatzen izan ziren Altzibarren, Bianditz aldera. Grabaketarako beharrezko azpiegiturak Agerre-Alde etxadian jarri zituzten (irudian).

Irakurketa klubak antolatu ditu bigarrenez liburutegiak

Real Union futbol taldea Teruel taldearen aurka lehiatuko da etzi, Stadium Galen izango den partidan (18:00etan). Irungo taldeak ligako lehenbiziko partida irabazi beharko du, sailkapen orokorrean puntuak gehitzen hasi ahal izateko. Talde txuri-beltza ...

Bilduko zinegotzi baten bikotekideak eta bere alabak izandako elkarrizketaren harira, gure etxean ere izan dira hainbat eta hainbat elkarrizketa. Horren guztiaren hasiera, nonbait, kalean bikotekideari gaizki begiratzetik hasi da. Hona, gure etxeko elkarrizketa. Udalak administrarien oposaketa-lehiaketa ezarri zuen martxan, prozesu luzea bera. Inondik inora bidezkoa izan ez zen oposaketa-lehiaketa hark ez zuen berdintasun printzipioa bete. Hau da, oposaketa-lehiaketa batean bete beharreko printzipioetako bat, alegia. Udalean lanean ari ziren hautagaiei, gainontzekoei exijitu ez zitzaizkien baldintzak ezarri zizkietelako. Udalarentzako lan egiten zuen 62 urteko persona bat, hilean 500 euroko soldata zuena (BEZa barne, langileak ordaindu beharrekoa) inongo azalpenik eman gabe, kale gorrian uztea. Kulturan, musika eskolako irakasleen auzia eta udal ludotekaren bat-bateko itxiera. Eta segurtasun aldetik, gauetan jadanik ez dugu Udaltzaingoaren zerbitzurik. Krisian omen gaude, baina batzuentzako ez dago krisirik. Zuen soldatek gora egin dute, eta ez da ezer pasatzen. Eredu izan beharko zenukete, hau da, exenplua eman. Gutxien duenari kendu, zergatik ez zarete gehien kobratzen dutenekin hasi? Zaborraren afera alde batera utzita, bestelako arrazoiak daude tartean. Langileok borrokan jarraitu beharko dugu, agintariek zapaltzen jarraitzen duten bitartean. Legea alde dute, baina izango dugu zeozer egiterik, ezta? Ekaitz Arrieta Bergara. Lezo. Aita, eta langabe baten bikotekidea.

Sinadura bilketa egiten ari dira hainbat guraso, udal ludoteka itxi ez dezaten

Irailaren 26rako Euskal Herriko sindikatuen gehiengoak egin duen greba deialdia dela eta, asteazken gauean atez ateko hondakinen bilketarik ez da izango, langileek bat egin dutelako greba deialdiarekin. Asteazkenean hondakin organikoa jasotzen da, bain...

Errenteria Musikalek jakinarazi duenez, oraindik plazak daude txalaparta ikastaroan izena emateko. Informazio gehiago nahi duenak 943 44 96 33 telefono zenbakira dei dezake edo Errenteria Musikaletik pasatu honako ordutegian: 07:00etatik 14:30era astel...

Xanistebanen balorazioa egiteko bilduko da Jai Batzordea asteartean, 19:00etan, liburutegian. Aurten, Jai Batzordea osatzen duten talde, elkarte eta eragileen azken bilera izango da, «datozen urteei begira xanistebanak are hobeak eta parte hartzaileag...

Atzo arratsaldean Gipuzkoako Arraunaren XII. Gala egin zuten Donostiako Kirol Etxeko ekitaldi aretoan. Hondarribia Arraun Elkarteak hiru sari jaso zituen bertan, denboraldi bikaina biribiltzeko. 2012ko aulki mugikorreko ontzi onena, Gipuzkoako Traineru Txapelketako txapelduna eta TKE San Miguel Ligako Gipuzkoako lehen trainerua izateagatik saritu dute Hondarribiko taldea. Ekitaldira Arraun Elkarteko zenbait arduradun eta arraunlari eta Hondarribiko alkate Aitor Kerejeta izan ziren.

Futbola Erregional Ohorezko Maila Oiartzun-Ostadar. Etzi, 15:30ean, Karla Lekuona zelaian. Emakumeen Bigarren Maila Abanto-Oiartzun. Igandean, 16:30ean, Abantoko Mortuero zelaian. Areto futbola Gipuzkoako Lehen Maila Isu Leihoak-Oiartzun. Etzi, 15:3...

Break dance txapelketa da, eta lehen hiru sailkatuek sariak jasoko dituzte Aupa La Basca taldeak antolatuta, Gipuzkoako I. B-Boying Txapelketa (break dance) jokatuko dute bihar Kataxulo Gaztetxian. 17:30ean hasiko da lehia, eta 20:00ak arte iraungo du gutxi gorabehera. Txapelketa, hasiera batean, Landetxen egin behar zuten, baina eguraldiaren iragarpena aintzat hartuta, gaztetxera lekualdatzea erabaki dute antolatzaileek. Dantzari onenek, sariak izango dituzte. Hiru sari prestatu dituzte txapelketa antolatu duten gazteek. Lehenak, 70 euroko txartela jasoko du, arropa erosteko; bere pisua sagardo botiletan eta termetarako sarrera. Bigarrenak, 50 euroko txartela arropa erosteko, eta termetarako sarrera. Eta hirugarrenak, 30 euroko txartela arropa erosteko, eta termetarako sarrera. Antolatzaileek zehaztu dutenez, bihar, aurreko urteko sagardoa emango diote irabazleari. Baina eurak sagardoa egiten ari dira, eta hurrengo ekitaldietan, sagardo berria etxera bidaltzeko asmoa dute. Gainontzeko ekitaldiak Aupa La Bascak lehenengo jaia urriaren 13an egin zuen, Ero-erokeia 1. Biharkoak, bigarren saioa izan behar zuen (Ero-erokeia 2), baina break dance saioa izan ezik, gainontzeko ekitaldiak bertan behera utzi dituzte, euria iragarri dutelako. Longboard, skate, beroketa eta trap surfing saioak dira bertan behera geratu direnak, baita Freeride Txapelketa eta Txoro Hegaldia (jaitsiera patinekin eta patineteekin). DJak eta graffiti egileak ere izango ziren. Antolatzaileek zehaztu dutenez, ekitaldi horiek beste egun batean [...]

Pasaia Musikalek hainbat ekitaldi antolatu ditu datozen egunetarako. Gaur bertan izango da lehenengo emanaldia. Pasaia Txiki eta Pasaia Txikitxoak abesbatzek kantaldia emango dute arratsaldean. San Pedroko zaharren etxean izango da, 17:45etik aurrera. ...

Saskibaloiko Emakumeen Ligako hamargarren jardunaldian euskal derbia jokatuko dute bihar (larunbata) Hondartza kiroldegian Hondarribia-Irunek eta Iruñeako Obenasak, 19:00etatik aurrera. Nafarrek ezinhobe hasi zuten liga eta lehen liderrak izan ziren, aurreneko hiru partidak irabazi. Baian hurrengo bost norgehiagokak galdu dituzte eta hori baliatu nahiko du bihar Hondarribia-Irunek garaipena lortzeko. Anne Peñaren neskek, gainera, lehen itzulia bukatzeko geratzen zazkien bi partidak irabazi behar dituzte Erreginaren Kopa jokatzeko aukeraren bat izateko. Bigarren partida irabaztea oso zaila izango dute, porrotik gabe dagoen Rivas liderrarekin jokatuko baitute kanpoan, baina Obenasa gaindituz gero, urrats handia emango lukete Emakumeen Ligako bigarren itzulia jaitsiera postuetatik urruti hasteko. Abonatu kanpaina Bigarren itzulirako denboraldi erdiko abonoak aterako ditu Txingudi Saskibaloia klubak, 35 euroko prezioan. Emakumeen Ligako taldearen aurtengo kirol helburua permanentzia da, baina denboraldia hasi aurretik uste zutena baino hobeto ari dira eta baliteke bigarren itzulian beste helburu batzuk lortzeko lehian egotea. Nolanahi ere, borroka bat edo beste izan, klubak zaleen berotasuna lortu nahi du eta horregatik denboraldi erdiko abonoak atera ditu. Hondartzako harmailetako giroak asko lagundu zuen iaz Hondarribia-Irunek aurten ere maila gorenean jarraitu zezan. Txingudi Saskibaloi Elkarteko taldeen partidak Gazteen Errendimendu Maila Hondarribia Easo-Easo A 17-80 (atzo jokatu zuten). Kadete Maila Carnicas San Marcial-Atletico SS Aitxuri. [...]

Tamainak inporta duen ala ez berebiziko eztabaida omen da posmodernoen artean. Gaur arratsaldean, baina, tamainak garrantzia handia duen erakusketa zabalduko dute San Pedroko Udal Aretoan: 12 cm. Inaugurazio ekitaldia 19:30ean hasiko da. Udalerrian tradizio handia du erakusketak. Izan ere, antolatu duten hamazazpigarren aldia izango da aurtengoa. Bertan, gehienez, hamabi zentimetroko luzera edota zabalera daukaten artelanak ikusteko aukera izango da. Hasi zenetik, 90eko hamarkadaren erdialdetik, ez da artelanen tamaina aldatu. Artearen hainbat diziplinetako lanak aurki daitezke erakusketa horretan: pintura, serigrafia, eskultura, argazkigintza… Urtarrilaren 13ra arte, zabalik Erakusketa gaurtik hasita urtarrilaren 13ra arte egongo da irekita. Astegunetan zein larunbatetan arratsaldez egongo da zabalik, 19:00etatik 21:00etara. Igande zein jaiegunetan, berriz, 12:00etatik 14:00etara irekiko ditu ateak Udal Aretoak. Hilaren 21ean, 24an, 25ean eta 31n, zein urtarrilaren 1ean, 5ean eta 6an itxita egongo da erakusketa.

Bihar, larunbatarekin egingo dute Sortu alderdiaren eratze prozesuaren bigarren bilera Hondarribian, 09:00etan Muaran. Azaroaren 24an egin zuten lehenengoa eta deitzaileak oso pozik geratu ziren agertutako jendearekin eta izan zuten parte hartzearekin:...

Masta eta Iñaki Stepi. Bad Sound System taldeko kideak Bihar kontzertua emango du Bad Sound System taldeak Psilocybenean, 22:00etan. Azken diskoa, ‘Aldaketa’ izenekoa, aurkeztuko dute, baina laster hamar urte beteko dituztenez, «sekulako festa» egingo dute bidean lagun izan dituzten askorekin. Hamar urte beteko ditu 2013an Bad Sound System talde irundarrak. Urte horietan taldeko kideak pertsona bezala aldatu dira, baita musikalki ere, nahiz eta reggae eta hip-hop erritmoak beren oinarri izaten jarraitzen duten. Bilakaera horren isla da Aldaketa diskoa, haien bizitzan izan duten eta gizartean gertatzea nahiko luketen aldaketena. Bihar festa handia egingo dute Hondarribiko Psilocybenea aretoan. Hamar urtean kolaboratzaile izan dituztenak gonbidatu dituzte, eta horietatik 21 igoko dira taulara, tartean Alemania, Frantzia edota Italiatik etorritakoak. Taldeko kide Stepi eta Mastaren arabera, «ezingo da errepikatu». Hamar urte beteko dituzue laster, eta orain arteko disko osatuena kaleratu duzue. Sasoi onean zaudete. Masta: Urteekin ipurdia gogortzen zaizu nolabait, eta hori alde dugu. Oso pozik gaude atera denarekin. Bilakaera bat izan dugu, eta gauza pila bat bizitu ditugu, eboluzionatzera eramaten gaituztenak. Egin dugun bideak ekarri gaitu honaino. Stepi: Musika zale amorratuak gara, estilo pila bat entzuten ditugu, eta hori diskoan oso ondo islatu da. Diskoaren izena Aldaketa da. Behar bat adierazteko, borroka bat… Zergatik [...]

Negua berotuz, goiburu horrekin hainbat ekitaldi antolatu ditu Saindua gaztelekuak hilaren 26, 27 eta 28rako. Ekintza guztietan parte hartzeko ezinbestekoa da aldez aurretik izena ematea, behar bezala antolatzeko aukera izan dezaten. Hilaren 15a da izena emateko azken eguna, Sainduan bertan. Interesdunek 943 64 31 08 telefono zenbakira deitu edo helbide honetara mezu bat bidali behar dute informazioa eskatzeko. Hilaren 26an Futbol 7 eta Laser Ball txapelketak egingo dituzte Hondartza kiroldegian. Futbol 7koa goizez izango da, 10:00etan hasita, eta Laser Ballekoa 16:00etan. Horrela, nahi duenak bietan parte har dezake. Hurrengo egunean, hilaren 27an, Gouretteko eski estaziora irteera egingo dute, eskiatzera joan nahi duenarentzat. 06:00etan aterako dira Sainduatik. Eskiatzera joateko irteera da gaztelekuak antolatu dituen ekintzen artean ordaindu beharreko bakarra. Eta azken egunerako, 28rako, festa handia egingo dute. Goizean Bikingo altxor-bilaketan jolastuko dira eta “bikingo jantzi hoberena duenak bonifikazioa izango duela” esan dute gaztelekutik. Eta arratsaldean izango da festa. Musika egongo da, txapelketetako sari banaketak, etabar.

Felix Manso eta Angela Basabe sukaldari irundarrak zuzendutako Gaztelumendi-Antxon jatetxeak Repsolek banatutako gidaren lehen mailako Eguzkia jaso du, Irun Gehi Gastronomiak jakitera eman duenez. Repsolek hainbat kategoriatan banatzen ditu Eguzkiak eta Gaztelumendi-Antxon jatetxeak jasotakoa, kalitate ezinhobearen eta orotariko eskaintzaren adierazlea da. Halaber, jatetxea bera, hiria, eremuko gastronomia maila, eta kalitate-prezioa kontuan hartzen ditu. Angela Basabe sukaldaria “asebete” agertu da sariarekin. “Inoiz ez duzu sariengatik lanik egiten, baina gisa honetako errekonozimenduak iristen direnean, harrotasunez betetzen zaitu”, gaineratu du. Felix Manso bere aldetik, saria “erronka” berri bat dela adierazi du: “errokonozimendua da, baina hobetzeko helburua ezartzen digu”.