
AZTI-Tecnaliak Bidasoaren estuarioan egindako laginketetan Europako legediak gizakiaren kontsumoak onartzen duena baino E.Coli bakteriaren kontzentrazio handiagoa aurkitu du eta, hortaz, urriaren hasieran hastekoa zen moluskoen ateratze-denboraldia bertan behera geratu da. Lurralde Plangintza, Nekazaritza eta Arrantza sailak “elikagai hauen bidez gizakiak kutsatzea ekiditeko” hartu du erabakia. Ebazpena hilaren 3koa da, baina joan den astean Aldizkari Ofizialan argitaratu zuten. Bidasoako estuarioa da Gipuzkoan itsaskien harrapaketa oinez egiten den leku bakarra. Ostrak, datilak, berberetxoak eta txirlak ateratzen dira bertan. Aurten, bosgarren urtez jarraian, ezingo dira itsaskiak bildu, ez eremu irekian —ibai-ahotik aeroportuaren muturrera bitarteko eremu osoa—, ezta eremu itxietan ere ez —Aeroportuaren muturretik barrualdera doan eremua, kai berria, kirol kaia eta Beteranoen dartsena—. Urak geroz eta garbiagoak Egindako azken azterketan baimendutako baino gorotz-bakteria maila altuagoa aurkitzen duten arren, AZTI-Tecnaliatik esperantza dute heldu den urtean itsaskiak ateratzeko aukera izango dela. Izan ere, urtean bost lagin egiten dituzte, eta bosgarrenak eman ditu emaitza txarrak; aurreko laurek uren kalitatea hobetzen ari dela adierazten zuten. Txingudiko Mankomunitateak 2004an Atalerrekako ur araztegia martxan jarri zuenetik, Irun, Hondarribia, Hendaiako Intzura industriguneko eta Biriatuko ur zikinak bertan tratatzen dituzte, eta Mankomunitateak dioenez, “ura geroz eta garbiagoa da”. Iaz Beteranoen Moilako Elkarteak dei egin zien erakundeei isuri-fekalak non egiten diren zehazteko, [...]

Haurrak izan dira korri egiten lehenak, eta 12 urtetik gorakoak azkenak. Irudian, azken talde hori plazatik ateratzen. Bestalde, jende ugari bildu da plazan korrikalariak animatzera, eta bere ekarpena kantinan eta kamisetak erosiz egitera.

Lezoko hainbat auzotako lorategiak txukunduko dituzte irailean eta urrian zehar hamabi lagunek, lorezaintza ikasteko programa baten harira. Udalak jakinarazi duenez, “ikastaroa bi hilabetekoa izango da eta teknika ezberdinak erakutsi eta lana aur...

Oarsoaldeko bizilagun guztiei parte hartzeko deia egin diete. Edonork parte har dezake, ez baita lasterketa lehiakorra, euskararen aldekoa eta familia girokoa baizik. Hemen, lasterketaren nondik norakoak.

Uda bukaerako festa antolatu du Itxaropena tabernak gaur gauean, 23:30etatik aurrera. Antolatzaileek jakinarazi dutenez, uda guztietako kantak entzuteko aukera izango da bertan. Horrez gain, udatiarrak bezala janzteko -pamelak, bainujantziak…- de...

Gurasoekin eta Nerabeen laguntza programetan izena emateko epea abiatu du Irungo Udaleko Ongizate sailak. Urriaren 15era arte izena eman ahal izango dute interesatuek, 010 zenbakian eta parte-hartzea debalde izango da. Iragan urtean 100 bat lagunek parte hartu zuten ongizate programetan. Irungo Udaleko Ongizate sailetik jakinarazi dutenez, ekimen honek helburu prebentiboa du eta ez terapeutikoa. Adin guztietako ume eta gazteen gurasoek parte hartu ohi dute programean eta “zalantzak eta esperientziak partekatzen dituzte”, adierazi dute. Programa urriaren bukaeratik 2013ko maiatzera bitartean garatuko da.

Ereintza Dantza Taldeak, herri dantzak sustatzeko lanean, herri dantzen ikastaroa antolatu du berriro. Ereintzaren egoitzan (Juan de Olazabal 23, behea) interesa dutenekin bilera egingo dute hilaren 27an, 20:00etan, ikastaroen egunak, taldeak eta ordua...

Iparraldeko Bertsulari Txapelketaren finalerdia Hendaiako Varietes zineman izanen da urriaren 20an, eta txapelketaren azken saioa aldiz, Baionan eginen da azaroaren 10ean. Hala, HITZAk zabaldutakoaren kontra, txapelketan atzerapenik ez dela eman jaki...

Mugikortasunaren Europako Astea da hau, eta horri begira, Errenteriako Udalak hainbat ekimen prestatu ditu. Garrantzitsuena gaurko Bizikleta Eguna da. Horretarako, Biteri kalea itxita dago goizeko hamaiketatik gaueko hamarrak arte. Sinbolikoa izango da...

Katea-Landetxa auzo elkarteak antolatuta, 2012. urteko Aste Kulturala egiten ari dira egunotan. Hainbat jarduera antolatu dituzte ospakizunen azkenaurreko egunean eta eguzkiak lagunduta, euskal giroa nagusitu da gaurkoan. Horiek horrela, taloak prestatzen ikasteko tailerra antolatu dute. Era berean, marmitakoa eta patata tortila dastatzeko aukera eskaini dute auzotarrek. Hala, hamarnaka lagunek parte hartu dute ekitaldi ezberdinetan. Horrez gain, bazkari herrikoia, gizon proba eta barbakoa jaia egingo dituzte arratsaldean zehar.

Astelehenean itxita egongo da Sabino Arana kaletik Alde Zaharrera igotzen den igogailua. Mantentze lanak egin behar dituzte eta ezingo da erabili egun osoan.

Txondorra piztearen festa izango da gaur Arditurrin, 16:00etan. Ondoren, Zuhaitz motzak, bizimodu baten ahotsak dokumentalaren aurkezpena egingo dute. Astebete egongo da piztuta Arditurriko txondorra. Eta honako ekitaldiak izango dira: Hilak 22, 16:0...

Asteburu honetan egingo dute bigarren aldiz Itsasaldia jaialdia. Gaur goizean San Pedron izango da jaialdia, eta bertan hainbat jarduera egiteko aukera egongo da, zirkuitu moduan. Itsas Gela, Badia Eskola eta Itsas Mendi elkartea aritu dira antolakunt...

Bidasoa XXI igeriketa kluba Euskal Herriko Kluben arteko txapelketan lehiatuko da asteburuan, Irungo Azken Portu kiroldegian. Guztira, zortzi talde ariko dira emakume zein gizonen kategorietan. Lehiak 11:00etan eta 17:00etan gauzatuko dira, larunbat zein igandean.

Iaz ekin zuen San Tomas Batzordeak bidea, eta aurten ere herritarrek antolatutako santomasak izango dira Errenteria-Oreretan. Antolaketa lan horren atzean ibili dira txistorra postua jarriko duten hamar taldeak eta norbanako zein eragileak. Aurtengo San Tomas Egunean hogei postu jarriko dituzte baserritar eta artisau produktuekin. Horrez gain, Agirre Lehendakariaren plazan ohi bezala animalien erakusketa jarriko dute. Postu horiek guztiak jartzerakoan, euskara kontuan izango dute, eta paisaia linguistikoa bermatzea aldera, kartelak euskaraz izatea kontuan hartuko dutela zehaztu du batzordeak. Ikusi eta erosteaz gain, jan eta edateko aukera ere izango da, eta hori Zumardiko kantinak, edo Herriko Plazan, Zumardi txikian edo Biteri kalean egongo diren postuetan egin ahal izango da. Era berean, kontuan izango dute edalontzien erabilpena, eta zaborra murrizte aldera, berriro erabil daitezkeen edalontziak soilik erabiliko dituztela jakinarazi dute. Era berean, edalontzia etxetik bertatik jaisteko deia egin dute. Bigarren deialdia, baserritarrez janztea izango da. Batzordeak eurek aurkezpenean egin bezala, “armairutik baserritarrari hautsa kendu, plantxatu eta janztera” animatu ditu haur, gazte zein helduak. Txerria San Tomas Eguneko protagonista nagusia txerria izaten da, eta lehengo urtera arte Xenpelar AEK arduratu denez horretaz, txerriak ere bertako kideren baten izena eraman izan du; iaz, esaterako, Palote izan zen. Aurten, batzorde batek prestatu du jaia, baina urteetan [...]

Gipuzkoako Anorexia eta Bulimiaren Aurkako Elkarteko –ACABE– Garbiñe Agirre koordinatzaileak, Maite Cruzado Ongizate zinegotziarekin batera, hilaren 20ean izango den hitzaldi-solasaldiaren inguruko xehetasunak jakitera eman ditu gaur goizean. Elikadura osasuntsua, jarrera arriskutsuak eta elikadura jarreren nahasmenak. Zer egin dezake familiak? izenburupean garatuko da solasaldia, Ospitale Zaharreko hitzaldi aretoan, 19:00etan hasita. Mari Jose Arruti psikologo berezituak eta Arantza Lorenzo elikaduran aditua eta psikologoak emango dute hitzaldia. Ireki Begiak ACABE elkartearen programaren baitan kokatutako ekimena da, eta neska gazte eta emakumeen gurasoak sentsibilizatzea eta adi egotea du helburu.

Dunboa ikastetxeko lehen hezkuntzako ikasleek mugikortasunarekin lotutako Gabonetako jaiotza berezia prestatu dute aurten, Agenda 21 ekimenak finkatutako ildoei jarraituz. Ia 400 haurrek parte hartu dute eta plastika irakasgaiko orduak hori osatzeko erabili dituzte ikasturte berria irailean hasi zenetik. Idoia Rekarte ikasketa buruak azaldu duenez, haur hezkuntzako ikasleak jaiotzarako apaingarriak egin dituzte, halanola, bolak, zintzilikariak… Lehen mailako ikasleak izartxoak prestatu dituzte, eta bigarren mailakoak aldiz, abereak: txakurrak, katuak, ahateak eta ardiak. Bigarren zikloko ikasleei dagokienez, hau da, 3. eta 4. mailakoak, etxeak eta eraikinak egin dituzte. Hala ere, ez dira jaiotzaren ohiko etxebizitzak eta eraikinak, hiri batean aurki daitezkeenak direla baizik. Bertan, Txingudi merkataritza gunea, etxe orratzak… aurki daitezke. Horiek horrela, estalpea irudikatzeko Eiffel Dorrea egin dute ikasleek eta horren azpian, Ama Birjina, San Jose eta haurtxoa kokatu dituzte. Hiriko jaiotza Hirugarren zikloko 5. eta 6. mailako ikasleak pertsonaiak egiteaz arduratu dira eta euren aurpegiak itsatsi dituzte pertsonaia horietan. Halaber, mugikortasunarekin lotutako ikuspegia landu dute Dunboako ikasle helduenek eta horretarako, autoak, motorrak, patinak eta batez ere, txirrindak egin dituzte. Guzti horiek gainera, jaiotzera bidean izango balira bezala kokatu dituzte.

Irun Zuzenean musika ekimena gaur gauean iritsiko da bukaerara, Paul Collins musikari estatubatuarraren emanaldiarekin. Haren aurretik, Octopus Garden talde irundarra ariko da oholtza gainean. Kontzertua Cafe Irunen izango da, eta ateak 20:45ean zabalduko dituztela zehaztu dute antolatzaileek. Paul Collins New Yorkeko musikaria da, The Nerves taldearekin ekin zion bere ibilbide profesionalari. The Beat taldearekin aritu zen horren ondotik, eta 1992. urteaz geroztik bakarlari moduan dabil. Octopus Garden bertako taldeak The Beatles banda ospetsua omentzen du gehienbat bere musikaren bitartez. Sarrerak 15 euroan eros daitezke, Bloody Mary disko dendan eta Cafe Irunen bertan.

Biharko kale ekintza Arditurrin izango da, 16:00etatik aurrera. Txondorra piztuko dute ordu horretan, eta musika eta gaztain jatea izango dira. Animatzeko deia egin diete 6-12 adin tarteko haur eta gaztetxoei, baita horien gurasoei ere. Ikazkin talde b...

Hondarribia futbol taldeak Arrasaten jokatuko du etzi, Mondragon taldearen kontra. Hondarribiarrak bost puntu aurretik daude sailkapenean, baina sailkapenean bata bestearen ondoan daude: bederatzigarren dago Hondarribia eta hamargarren Modragon. Partid...