Itsasaldia jaialdia ospatzen ari dira San Pedron
Asteburu honetan egingo dute bigarren aldiz Itsasaldia jaialdia. Gaur goizean San Pedron izango da jaialdia, eta bertan hainbat jarduera egiteko aukera egongo da, zirkuitu moduan. Itsas Gela, Badia Eskola eta Itsas Mendi elkartea aritu dira antolakunt...
Asteburu honetan egingo dute bigarren aldiz Itsasaldia jaialdia. Gaur goizean San Pedron izango da jaialdia, eta bertan hainbat jarduera egiteko aukera egongo da, zirkuitu moduan. Itsas Gela, Badia Eskola eta Itsas Mendi elkartea aritu dira antolakuntza lanean, udalerriko beste hainbat eragilerekin batera.
Horrela, gaur goizean bertan, Torreatze inguruan honako ekitaldiekin gozatu daiteke
Hala, Azti-Tecnaliak lupa eta mikroskopioen bitartez arrainen adina kalkulatzeko teknikak erakutsiko ditu. Kofradiako arrantzaleek, berriz, eguneroko lana ezagutaraziko dute.
Itsasontzietan erabiltzen diren korapiloei buruzko ikastaroa emango dute Pasaiako Nautikak zein Arrantza Eskolak. Udalerriko ondare naturala erakusteko txangoa antolatuko du ere Itxas Zerbik.
Ondartxo ere jaialdiaren topaleku izango da. Horrela, San Joan galeoiaren maketaren eraketa ikusteko aukera izango da bertan. Jarduera horiek guztiak gutxi balira, beste hainbat gehiago egingo dituzte San Pedron: etxeko arraun taldeak arraunketa izango du hizpide, Dantzaguneak “itsas dantzak”, Portu Agintaritzak bere jardunari buruzko azalpenak emango ditu, eta Buceo Donostik urpekaritza tailerra antolatuko du.
Ibilbide horietan parte hartzen dutenen artean, Mater ontzi-museoan “itsas gauak” banatuko dituzte.
Biharko jardunaldia Donibanen izango da, eta San Tomas azoka ospatuko dute. 11:00etan hasiko da egitaraua.
