Larunbatean atxilotutako bi pertsonak espetxeratu dituzte
Antonio Piña epaileak behin behineko kartzelara bidali ditu 34 urteko gizona eta 22 urteko emakumea 'terrorismo delitua' egotzita.
Irungo ertzain etxea. Larunbatean, 34 urteko gizona eta 22 urteko emakumea atxilotu zituzten Irungo Ertzain Etxean aurkeztu ondoren ustezko “terrorismo” delitua egotzita. Larunbataz geroztik, deklarazioa hartzeko zain izan dira atxilotutakoak Espainiako Auzitegi Nazionalaren esku jarri aurretik. Gaur, Audientzia Nazionalean deklaratu dute, eta Antonio Piña epaileak behin behineko espetxeratzea agindu die bi gazteei, fiskalaren eskaintza aintzat hartu ostean.
Irailaren 26, Eskoriatzan egindako kontrol batean hiru pertsona identifikatu zituzten, eta horietako bi pasa den larunbatean Irungo Ertzain Etxean aurkeztu ziren, abokatuarekin batera. Bi gazteei “terrorismo” delitu bat egotzi diete, “ustez armak eta lehergaiak dituen leku bat” aurkitzeko informazioa izateagatik eta talde edo erakunde terroristekin lotutako ustezko delituak egotzi dizkie biei. Baita, desorden publikoaren delitua ere.
Larunbateko albistea jakin eta berehala, Aske antolakundeak Jardun koordinadorearen kontrako kriminalizazio saiakera gogor salatu zuen, eta adierazi zuten Euskal Herri langilearen kontrako inolako erasorik ez dutela onartuko. Jardun koordinakundeak, berriz, atzo adierazi zuen atxilotuek ez dutela “inolako loturarik koordinakundearekin”. Hainbat hedabidek Jardunekin lotu zituzten atxilotutako biak.
