EAJk "kea saldu" duela salatu du Abotsanitzek
Hondartza eremuko eskumenak Eusko Jaurlaritzaren menpe geratuko dira, EAJk Madrilen lortutako hitzarmen bati esker. Abotsanitzek dio EAJk eskumen aldaketa eginda dagoela saldu duela, baina ez dela errealitatea.
Jakina da EAJk Madrilen lortutako akordio baten ondorioz, Hondarribiko hondartza eremuko eskumenak Eusko Jaurlaritzaren gain geratuko direla, baina Abotsanitzek dio, eskumen aldaketa oraindik ez dela gauzatu. “EAJk haien titularretan saldu du eskumen aldaketa gauzatu dela, baina hori ez da gaur egungo errealitatea”, adierazi du Abotsanitzek. Horregatik,
Egoera honen aurrean, Abotsanitzek hiru puntu eskatzen dizkio EAJri eta PSE-EEri, bien arteko akordioa izan baita Madrilen egindakoa. Lehenik, “zintzotasuna eta gardentasuna”. Alderkeria atzean utzi beharko lukete jeltzaleek eta sozialistek Abotsanitzen ustez, horrela herritarren eta Hondarribiko Udalaren mesedeetan eskumen aldaketaren atzerapen arrazoiak azalduz.
Bigarrenik, haien “propaganda atzean uztea eta heri ikuspegia berreskuratzea”. Herri batzarrak dio hurrengo asteetan datozen mugimenduek, hauteskundeak barne, ezin dutela eragin Hondarribiko eremu publiko eta kirol eremuen etorkizunean hauteskundeetako interesen menpe. Azkenik, Abotsanitzek egutegi zehatz bat eskatzen du, herritarrek “behingoz egiazko informazioa” jasotzeko.
Futbol elkartea, itxaroten
Hainbat eragilek, haien artean Hondarribiko Futbol Elkarteak duela urtetatik eskatu dituzte aldaketak hondartza eremu horretan. Futbol elkartearen kasuan, Ondartza futbol zelaiko belarra aldatu nahi dute, eta horretarako baimena beharrezkoa da. Eskumen aldaketarekin, Eusko Jaurlaritzak eman beharko du baimena. “Hondarribiarrek eta tokiko kirol eragileek, hala nola futbol elkarteak, kudeaketa eraginkorra behar dute, ez hauteskunde-epeen arabera berritzen eta gauzatzen ez diren promesak”, esan du Abotsanitzek.
