Amuteko jaietan ez dira estropadak faltako
Gaur hasiko dituzte Amuteko jaiak, eta igandera luzatuko dira. Programazio luzea eta anitza bete dute, urtero moduan.
Aurten ere Amute-Kostako bandera egongo da jokoan igande egurdian Hondarribian auzo gutxik ospatzen dituzte jaiak Amutekoek bezala. Urtero programazio zabala prestatzen dute, auzo lanean oinarrituta, eta Amuteri bizitza emateko xedearekin. Aurten ez da gutxiago izango. Atzo hasi ziren jaiak, Amuteri eta haren historiari buruzko hitzaldi batekin, eta lau egunetan luzatuko dira, igandera arte. Programazio luzea prestatu dute, etxeko txikientzat eta ez hain txikientzat prestatuta.
Gaur 17:00etan egingo dute jaien hasieraren traka, eta arratsaldea haurren jokoekin luzatuko dute. Ondare okindegiaren laguntzaz txokolatada ere izango dute. Gaur afaria ere izango da, elkartean, eta ondoren dantza egiteko aukera ere izango dute.
Igandean izango dira hain arrakastatsuak diren estropadak. Urte luzez egin dira Amuteko errekan estropadak, auzotarren artean, lehia biziarekin. Hondarribia Arraun Elkartearen laguntzaz egiten dute, eta aurten ere igandean han izango dira 11:30ean.
Hona hemen programazio guztia, egunez egun:
Osteguna 1
- 18:00: Hitzaldi historikoa: “Amute ayer y hoy”
Ostirala 2
- 17:00: Jaien hasierako traka
- 17:05: Txokolatada (Ondare laguntzarekin)
- 17:10: Futbola, aurpegi margoketa, marrazketa tailerra, tatuaiak, puztukiak, buruhandi tailerra, haur jokoak, aulkiak, txapak, aire jokuak, gazta birakaria, hainbat joku…
- 20:00: Umeen buruhandi eta erraldoien kalejira
- 20:30: Haur toka lehiaketa
- 20:30: Afari herrikoia, zezen mekanikoa, dantza, etab.
Larunbata 3
- 10:00tik 14:00ak arte: Gaztelu puzgarriak (Anttoni plazan)
- 11:00: Pedro Gonzalez III margo lehiaketa (Anttoni plazan)
- 12:00: Kalejira txaranga “Beste bat”
- 14:30: Herri bazkaria, postre lehiaketa, bingoa zozketak, opariak, sari banaketa etab.
- 18:00: Dantzaldia (lokalean) eta tabernaren irekitzea
- 18:30: Toka-txapelketa
- 21:30: Ur zezena
Igandea 4
- 08:00: Hondarribiko txistulariak
- 09:30: Lokalen garbiketa
- 12:00: Regata Irriyuan
- 13:30: Toka-ria-harria txapelketa (Paseoan)
- 18:00: Ukelele kontzertua. Argiokak (Lokalean)
- 18:30: Amute Folk Taldea aresbatza (Lokal Soziala)
- 20:00: Jaien amaiera
Astelehena 5
- 19:00: Jaiak aztertzeko bilera
