Orain bai, Euskotrenekoak dira
Lortu dute, igo dira. Hondarribia Arraun Elkarteko neskak lehen mailara itzuli dira, play-offeko bi jardunaldiak irabaziz, denboraldi ezin hobea amaitu ostean.
AITOR ARRIZABALAGA / ACT Igo dira. Denboraldi ezin hobea egin dute neskek, eta merezita, Euskotren Ligara igo dira. Play-offeko bi jardunaldiak irabazi dituzte, beste hiruen gainetik pasata. Bermeon lehenak izan ziren eta Portugaleten ere. Asteburu amestua, baina errealitate bilakatua.
Ongietorri goxoa egin zien herriak, denon artean ospatuz eta Portua osoan haien alaitasuna hedatuz. Gainera, haien denboraldi osoan haien alboan izan diren zarauztarrak ere gora doaz, haiekin batera. Portugaleten bi klubek batera ospatu zuten igoera.
Erronka handia izango dute hurrengo urtean Osertz Aldayen neskek. Urte bat eman dute soilik ETE Ligan, baina erakutsi dute Euskotrenen aritzeko maila badutela. Hurrengo urteari begira, ikusi beharko da ea blokea mantentzeko aukerak badituzten, edo mugimenduak izango diren eskifaian,
Zorionak neskak!
