Mendibil Merkataritza Gunea eta Super Amara BAT, eskutik helduta
Txingudi Korrika eta Bidasoa Erdi Maratoiaren babeslea izango da; eta bi lasterketaotan ikusgaitasun handia izango du Mendibilek.
Super Amara BAT klubak Mendibil merkataritza gunearekin elkarlanean aritzeko akordioa sinatu du. Hitzarmen honek bultzada emango dio atletismo klubari, eta urriaren 4an antolatuko duten Txingudi Korrikako eta 2027ko ostailaren 27an egingo den Bidasoa Erdi Maratoiako babeslea izango da Mendibil. Irabazi asmorik gabeko eskualdeko klubak atletismoa sustatzeaz gain, jarduera fisikoa sustatzeko erreferente bihurtu da azken urteetan.
Gaur egun, 1.400 pertsonak osatzen dute kluba hainbat jardueratan banatuta: atletismo eskola, running taldeak, kirol eta osasun zentroa… Elkarlan akordioa mugarria izango da indarrak batzeko eta bien arteko sinergiak sortzeko.
Akordio honen bidez, aurretik aipatutako bi lasterketetan Mendibil merkataritza guneak ikusgarritasun handia izango du: lasterketen kamisetetan, publizitatean eta bestelako arloetan. Gainera, Mendibil merkataritza gunea Txingudi Korrika lasterketako dortsalak banatzeko gunea izango da.
