Irungo familiaren etxegabetzea, bertan behera
Lorena eta bere semeen etxegabetzea datorren astelehenerako iragarrita zegoen; Kutxabankek bertan behera utzi du etxegabetzea.
Kaleratzeak Stop plataforma berri onekin dator. Bertan behera utzi dute datorren astelehenerako, hilak 7, Irunen iragarrita zegoen etxegabetzea. Kutxabankek etxegabetzea atzeratzeko beharrezko prozedura jarraitu du, eta Irungo Bigarren Instrukzio Epaitegian etxegabetzea urriaren 30era arte atzeratzeko idatzia aurkeztu du. Horrela, Lorena eta bere bost semeek aukera izango dute etxean bizitzen jarraitzeko.
Bankuak etxea erosteko prezio eskuragarria ezarri dio Lorenari, eta bere senideek egindako ahaleginari esker, zehazki haurren aitonak egindakoa, eskumena izango dute etxea erosteko behin betirako. Erosketa hori egiteko tartea izango dute urriaren 30era arte. Etxegabetzearen abiapuntua 2018an kokatzen da, hain zuzen, Lorenak etxebizitza alokatzean. Aurreko jabeek Kutxabankek ezarritako etxegabetze agindua zuten hipoteka ez ordaintzeagatik. Urteotan, jabeek agindua ezkutuan mantendu dute, eta Lorenak ez du gaiaren gaineko berririk izan.
Kaleratzeak Stop plataforma pozarren dago hartutako erabakiarekin, eta Irungo Udalak eta Lorena eta bere senideek egin duten lana eskertu du. Horrela, amaiera eman diote etxegabetze arriskuan bizitzeko zuten arriskuari.
Oraindik ere, hamasei familia etxegabetze arriskuan jarraitzen dute babes soziala indargabetu zuten eta. Larunbat honetan, hilak 5, Lorena eta bere semeei eta arriskuan dauden beste familiei babesa emateko agerraldia egingo dute Donostiako Bulebarreko kioskoan, 11:00etan hasita.
